今日考中文既學習重點同埋作文!第一份卷,唉!點講呢?係喇!就係你睇到果份卷,覺得好淺,但係又唔知要寫d咩落去果種感覺 lor.... 唉!都唔知點解年年d中文卷都唔夠時間做既,當然,今年都係.... 陳其香監喎!妖,勁唔想見到佢 lor!
小休,等manyee佢地放,等左好耐呀!唯有問葉翠媚借隻手暖吓先 lor...哈! 佢地出黎就落左去喇,不過好快就要上番去=..="
考作文喇!有兩條題目比你揀,第1條都唔知佢想作咩,咪作第2條 lor....淺好多!作完都仲"靜"20分鍾.
之後歸家,食左d野,睇左陣報紙(娛樂版姐),汁左d maths書就出門口,途中見到劉芷熹佢地同珈姐and心姐,肥珈是失聰的嗉???心姐聽到我講野佢聽唔到.... 跟住又見到劉杰,呵!佢一路行一路食野喎,哈哈,為食貓! 終於到左目的地,見到小寶寶喇!同佢行落翠怡,一路行一路傾偈偈,佢話我頭先落樓梯果時好似想仆咁=..=" 比佢知道左...好樣衰添!
去到喇!琪媽同張家禧都喺度,之後張家禧去接manyee,黎晒!!溫左陣,有條友要我地調位,咪去第2度坐 lor~煩! 計計吓我放棄左喇!唔計! 佢地計計吓唔識計,叫左個叫陳俊汝既人黎計,好似好勁咁! 之後果個人同manyee走左lu,我同琪媽就喺度發吽哣,小寶寶就同張家禧計(唔講真係唔知,原來張家禧d數咁勁架!!) 成7點先走,琪媽搵佢呀媽,我地陪張家禧等車,之後我就同小寶寶返家,嘻!
返家時見到我細佬,佢睇e生!
p.s.牙冰今日終於都有返喇!無左兩科既分,今日考中文,唔返就真係死得架喇! |
