今日着左2件冷衫返學!好凍呀!!~~

phys+bio超好笑,同黃卓霖,林灝廷講笑!    個死人黃卓霖喺咁玩我,,無 la la牙銀又話我似品客薯片個鬍鬚佬=..="(我記得之前都有人咁話過我...")     咁得 la....你地鍾意既就叫我做"品客小子" la.... 無你地咁好氣!

chem,,d人勁快上晒去,,我諗都係因為上次單野!!   派了卷,6/20,  oh~shit!   想聽書都係聽唔明 lor....頂!

maths...又是爆笑的!    謝佩慈又話我地成日傾偈~頂!煩!       之後謝佩慈話咩呢個係直.....    林灝廷就勁大聲學佢 d 口音 : 徑!!!!     個個都笑!哈哈~   條友魚死!

lunch,,去左好搖遠既地方食,同左曾麗嫦,王少菊,徐潔儀,apple一齊,哈哈,王少菊同徐潔儀又幾好玩架啵~~!     嗌左18$既干炒牛河~~  超大碟,,食左都唔知有冇半碟~!

eng文,入 hall test!!      一入到去就坐錯位,超樣衰!    麥樂敏仲喺咁笑添!!呢個家姐丫~     要test 1個鐘,,但係我做左3個字就做完喇..."   訓教,訓訓吓隔難班有人電話響!望左幾望,訓番!     訓吓醒吓咁!   夠鐘,對答案!個陸sir勁講笑話 lor...不過無人笑,高sir就唔同呢!!

放學,同許佳寧一齊走~~  之後我地唔同路,咁岩我又見到蔡樂敏佢地,咪一齊行 lor...   行行吓陪埋蔡樂敏歸家添!   之後就獨個兒歸家喇!

今日終於換季喇,,本來琴日係,但係琴日p.e. ,so無着到!

 一返到去就比許佳寧話我裙短..."    死喇!真係好短呀!     早會,,比miss yip見到,,叫我放!

 頭兩堂中文,,做聆聽,超難....好想訓教....                                

maths....抄note,,今堂先開始教圓! 個謝佩慈話咩扇形似把扇,,弓形似把弓,哈哈,笑死!講廢話~

 bio,條友自己喺度講書,,都無咩人聽!

 小息,同黃卓霖,林灝廷落左去2樓溝女(我去搵我細佬姐...)去到見到我細佬玩緊噴水(用水津果 d)之後我比條友噴=..=" xx丫!!  

phys,妖,sun sir又鬧人....變喇~佢!   上年都唔係咁架!     成堂喺度無la la鬧人,頂,好煩呀!

 lunch,去左大城! 有條友成日啤啤共!fu*k~      返到去同牙冰佢地傾偈,比小丸話我傻仔=..="(因為條裙短)     之後借左條腰帶比佢!       跟住見到miss chau返黎,即跟~比左粒糖佢就走!

 T.T.  溫書之後test....都ok易la.....有d d要歐揚薇提水,,我都有提佢!哈哈!

 放學同細b等呀柿!    同黃卓霖,林灝廷佢地傾偈!   果個陳x偉又落黎喇,,即係林灝廷要送佢返家la……  唉!咪發佢脾氣lor….  佢就即話送我返家,哈哈!        之後等到呀柿喇,,去左佢屋企!  睇漫畫,睇睇吓好悶(我竟然覺得小新悶,可能好攰la~)    細b係咁搵野食,好似好肚餓咁!     天都黑齊就返家喇! 佢地送到我去樓下,喺歸家既途中….不停同呀柿玩打”波”……佢邊夠我黎丫~~呵!

哈哈!今日又有p.e.堂喇!唔記得左問人玩咩添..."    着左p.e.衫就開開心心咁返學喇~~嘩哈哈!!!                                

頭兩堂bio......訓教!!       小息,牙冰佢地上左黎,佢喺我張木台度試筆,佢簽左個名,仲寫埋  $999999999999.....買la~咁    仲提我叫人買佢個名=..="     之後同佢地一齊落去,因為我要落1樓上eng文堂...    都係咁la....呢堂!

 p.e.堂喇!!!><     超遲先落去,,比miss chau話添!呵呵~    之後佢話本來要入hall,不過果度整緊野!  之後佢就話玩平行木,想玩就跟佢,唔想既就去自由活動!    咁我咪去玩吓平行木先lor..... 果條野要成10個人先抬得起~   排左勁耐隊都未到我lor... d人上到去又要v 嘩鬼震咁~   但係我一上到去又好平行lor...根本唔洗要人扶~~!      行左1次就同miss chau講唔玩喇!想去打波!   佢就好似好介意咁講: 無所為,你咪去lor!       跟住我話: 但係你好似好唔開心咁喎!   佢就話: 唔係~你去lor~~!     跟住我玩佢,拍一拍佢膊頭話 : 開心d la~吓!   跟住即走人,不過都係比佢打左一野~       之後見葉翠媚佢地打籃球,我就去打埋一份喇!    之後葉翠媚唔打,得我同關彩怡打,我地分別兩次喺唔同位置射波,每人射10球,鬥入得多,第1個位置打和,每人6球!!第2個位置最後一球...我唔入..."   輸左一球比佢,,嗚嗚!       之後佢走喇,好似去打羽毛球喎~      佢走左之後,牙冰,牙銀,麥嘉裕,紫媚姐就黎左喇!   牙冰入極都入唔到波,,就喺度亂講野!又話世界變,又話好灰~咁! 之後麥嘉裕入到波又話唔該我比個波佢…”   跟住牙冰勁問點解我可以單手射波…”好平常姐!    之後又要我教佢!    收晒d 野既時候都問……  唔洗呀嘛..” 哈哈!  佢學成左…個手勢,,就即同牙銀講…我咪話佢lor : 呢d 野佢一早就識la….有成哥教!!

 Lunch,m記,見到好多人…….都係葉翠媚果d lor……

 佛學,無訓到教,,係抄吓功課咁姐!!....=..=”

 德育….個謝佩慈攞左呢堂黎test! 唔識呀……算la… 比得佢教都預左……”

 放學,見到劉芷熹佢地起網….咪問佢借個排球黎打吓lor,,不過係用黎當籃球咁打!   本身得我同劉芷熹打,之後佢個 fd 又黎,,林灝廷又黎....劉芷熹個 fd 見林灝廷搶波,即話 : 仆街!!!!!!!        之後佢地兩個走左,,得番我同林灝廷.....之後黃卓霖同利永健又出黎....shit!!!      同我爭波打!!    之後林灝廷同陳x偉走左......過左無幾耐,.....見到恩怡咪同佢一齊 lor....   goodbye!

p.s. 好正呀!今日打左好多波,,如果日日都有得打就好喇!  未試過一日打咁耐波同入咁多波.,呵呵!