今朝五點幾起左身睇電視仲係掛緊3號~

原本可以再訓諗住返晏~點知訓唔返~

之後開電視睇見到好快會掛8號~

就即刻打俾大肚婆叫佢唔好返工~

而我極快返到公司~咁岩D貨又早到~

次次打風都有我份~好彩MA媽揸車~唔係我都唔知點返工~

咩車都冇~一開舖兩個鐘~D野全部俾人掃哂~

到點幾鐘掛9號~~咔咔~可以收工~不過D客突然一批咁衝入里~

附近D舖都落哂閘~佢地咁做都理解到既~點知最後個客~

竟然話要買月餅~仲慢慢睇諗下買咩好~又話點解咩都得賣~

真係頂佢個肺~應酬完佢之後~好快就埋完數落堅道搵阿碧~

佢搵左車送埋我返屋企~就係咁~我地兩個又慳返的士錢~

返到屋企食完野就訓LU~訓到天黑突然自己醒左諗住起身返工~

原來果陣係夜晚8點......=.=

今日放假~訓到十點就起左身執下野~

冇幾耐kiki同大肚婆打里話human哥唔再睇我地~

由今日開始會俾隻癲雞睇~聽完之後咩心機都冇~

開始擔心里緊既日子唔知會點~一定唔會好過~

我既辭職指數又上升左喇~不過我都會俾機會自己~

嘗試接受下呢隻癲雞經理~做好自己本份先~

呢一關我希望自己捱過啦~之後我問大肚婆~

有冇叫大女同細女清潔下間舖~佢話癲雞經理咁挑剔點清潔都冇用啦~

算把啦~我都係聽朝自己早d返工執下間舖啦~

到下晝落左街買花同買餸~今晚煮芝士粟米斑塊^^

今日過左西營盤幫更~好彩拍住kiki~我地好耐都冇拍過一齊做野喇~

西營盤呢間舖我都係第一次去~感覺極差~間舖殘~

樣樣野都好唔就手~又污糟~

d客超難頂~我同kiki都頂唔順~

下晝有兩個樣衰衰既男人攞3千蚊里買月餅~

我心諗呢兩個男人成個賊樣咁~攞左一疊好厚既一千蚊出里~

叫佢碌咭又話張咭爆左~仲問我張咭爆左碌唔碌得~

有d唔對路~之後我叫kiki出里~kiki見佢地個樣諗到既野同我一樣~

後來kiki檢查過佢三張一千蚊係真~我先俾廿張劵果兩個男人~

捱捱下又到收舖lu~我地收工之後去左打冷~

返到屋企成十點半~好彩聽日放假~

大肚婆今日終於返工喇~呢8日好似過得好快~

尋日有兩個會要開~朝早係大區會~夜晚就細區會~

朝早細女打返里話唔想開會~一叫佢打俾Human哥就驚死~

再過十分鐘又打返里同我講唔舒服唔去開會~工都唔返~

我又叫佢同HUMAN哥講~果陣我心知咩事啦~之後HUMAN哥打里~

我將細女件事同工作態度全部同佢講哂~佢話細女唔做~

佢唔會留人~仲叫我唔好心軟~之後收線~我知HUMAN哥果陣好嬲~

一個鐘之後~HUMAN又打里~呢次佢心情平復返~

我同佢就慢慢傾細女既事~佢叫我再同細女傾下~夜晚俾個交待佢~

原來細女同佢講野都好唔客氣~唔掛之得咁大火~

下晝細女返里開醫生紙~同佢傾完~原來佢係衡口而出先講唔做~

一望就知佢咋病~鬧完佢之後~呢個星期要佢連去幾間舗幫更~

評分亦都出左喇~哈哈~細區入面最高分~^^

                   (8月4 號生日既相^00^)

 <==紫色吉緊^^ 芷喬BB 我同二家姐既蛋糕

 大隻佬&ME 合照 ME&二家姐~

個日記呢排俾我荒廢左~因為另外一部電腦壞左~

唔知幾時先復活返~今日係我"牛一"

我祝自己~生日快樂~尋日放假去左海洋公園~

期待左好耐喇~~有小珊~丞丞~大家姐~大隻佬~ma媽~

不過好可惜玩左唔係好多機動遊戲~太多自由行天氣又熱~

但都好開心~玩到我都唔捨得走~下次唔知等幾耐呢

到下晝5點就走~揸車過天水圍食飯~湊小珊返去~

到今晚收工再出去~大隻佬~ma媽~大家姐~

唔知佢地今晚會帶我呢個夀星女&二家姐食咩呢~

我地兩個既生日一前一後相隔一日~hehe^^

至於工作上~大肚婆開始連放8日大假~我有排玩喇....

 <==大隻佬&me

 me&大隻佬+"了哥" <小珊&丞丞+"了哥"

 <==ma媽 <=大合照

 <=丞丞 <==me&大隻佬 <==小珊<==大隻佬