今日係嘉榮仔生日~我同大隻佬食完早餐就返左柴灣~

屋企好耐冇試過咁熱鬧喇~十三個人同細佬一齊渡過十三歲既生日~

真係好開心~而阿爸就係呢次生日會既大廚~辛苦了^^

我就訂左個蛋糕同送左隻手錶俾細佬~不過我呢個大頭蝦竟然唔記得攞份生日禮物~

咔咔~~激死呢~但唔緊要啦~細佬今次生日逗到好多錢利是~

食完野之後大隻佬就o係屋企陪阿爸佢地~我同細佬~肥仔&大表哥就出左去買mp3~

買完就返屋企~返到去~細佬竟然話剩餘既二百蚊利是錢俾阿爸&阿媽~

好豪氣咁講""我要做孝順仔"""一聽到~個個都不停咁笑~

而大隻佬就黑仔喇~佢之後就肚嘔~個個食完野都冇事~

差極ar~~~唯有買藥你食啦~~今晚睇你點打機~~呵呵~~

夜晚食完飯之後就走lu~~

今日十點幾起左身同大隻佬食完早餐就過左調景嶺~

阿爸同細佬就o係果邊地鑯站等我地~去到二姑媽度~

等左一陣小b妹就返里喇~佢見到個kitty筒&入面d野食勁開心~

不停咁攬住唔放~真係傻妹ar~^^而大隻佬同嘉榮仔玩到癲左~

夜晚我地成家人一齊去左apm食飯~

今晚d餸好特別~個個都食到好飽~~到十點幾先開始走~

不過中間有d唔開心.....我同大隻佬鬥氣ar~

都唔明點解次次一出去同姑媽食飯都要鬥下氣先安樂架~

幾唔鍾意都好~果d都係我屋企人~可唔可以諗下我感受~

一講到打機~你咩都願意~幾夜訓都唔係問題~

自從你開始玩呢隻game之後~就開始冇咩點陪我~就連傾下計都冇~

咁有咩意思呢~倒不如你同隻game結婚過人世啦~

今次既鬥氣時間歷時一個鐘完畢~問題解決左~

我地兩個又再笑返~~

今日大隻佬返工lu~而我就o係屋企訓覺同執屋~仲有煲定粥等大隻佬放工返里食~

到4點幾出左中環訂蛋糕俾小b妹聽日同佢慶祝生日~之後再過尖沙咀搵阿欣~

我地一齊過左旺角睇晚裝等少塋結婚果日著~7點幾再過銅鑼灣搵埋貓貓同阿瑜~

我買左個kitty筒俾小b妹~攞住個kitty筒周圍既人係咁望住.....唔知想點囉...哈哈~

阿欣就買左個袋~再俾個膠袋我入住個kiity筒~終於唔洗咁異相喇~~

好姊妹~~~多謝你ar^^~攪點之後我地就齊齊去唱k~過左陣~阿鯨同阿ken都里左~

成晚都笑到收唔聲~~玩到點幾鐘就散人lu~佢地聽日要返工~

原本諗住大隻佬咁夜實訓左~點知竟然等我門~~辛苦哂

今日係大假既第一日~大隻佬同ma媽都放假~訓到十點幾起左身同阿欣傾電話~

ma媽整完車返里就整野食~~唉~我同大隻佬又俾人雷~

鬼叫佢尋日朝早車我返工而攪到車軚出事~最後大隻佬負責左~

到4點幾我就開始出門口過去等阿欣放工~哈哈~~我地一齊返過天水圍~

有鑑鑑B玩~有SA姨既蜜糖雞亦同埋帶4個寶貝返屋企~

夜晚阿欣&鑑鑑B仲同埋我一齊返出去~上到車再玩過~~雖然短短幾個鐘~

但今晚真係好開心~話咁快又一日LU~

尋晚十一點已經掛左8號~見到冇咩雨以為小事啦~

點知到半夜俾d風聲同雨聲嘈醒左~個風吹西南~

呢邊完全食正哂~開始擔心點返工呢~成晚都訓唔著~

到5點幾見到大風大雨~留下咩車都冇~又call唔到的士~點返上半山....

好傍惶同無奈~打俾大肚婆又冇用~死都要死返去....

到六點幾~諗住落左街先算啦~ma媽起左身叫我等埋佢車我返工~

即刻鬆口氣~之後打俾大女~佢就困住o係北角~

最後唯有叫佢坐地鑯過中環再行長樓梯返去啦~~辛苦哂~

ma媽攪點哂~我地就出門口喇....一落街好多人企左o係度~大風到好難行~

到開車果陣~見到周圍都好似打仗咁~去到薄扶林水浸又有木板跌落里~

好彩水位唔高~架車慢慢就成功過到~~返到半山雨勢勁大~

要開門就開唔到遮~結果由頭到腳都濕到成個水人咁....極之狼狽!!!

大女依然仲未返到~~我砰砰聲攪點d野就開門~8點幾大女返到lu~~

d貨都仲未到~間唔中先得一兩個客~十點幾先到第一輪貨~到冇幾耐第二輪貨都到埋~

呵呵~好快就到一點~收工lu~聽日開始放大假^^

返到去同大隻佬食野~之後過百佳買餸~今晚食西餐~有牛扒同雞扒~西蘭花&羅宋湯^^

咔咔~~今晚係佢親自下廚^^奇績降臨.....食完夜晚呢餐~

仲有呢個芒果雪糕做甜品~開心死~