終於都捱過呢十一日地獄式返工既日子喇~今日收早~聽日可以放假lu~

等到頸都長...放工之後~落左灣仔soso去左食晏~之後佢返公司~而我

就過左東亞樓搵suki睇佢去旅行d相~傾下計~心情勁down ar~原本大隻佬諗住

我今年生日一齊去影沙龍~而家可能要取消喇...大肚婆因為個仔開學要o係8月4號開始

連放8日大假~諗辦法遷就下遲一日放都得掛~又唔係冇人幫你湊仔~

仲要加多句叫我生日咩都唔洗諗~聽完之後灰哂~我亦都冇同佢嘈~唔想傷和氣~

以後要面阻阻~未到生日就知自己要踩咁多日~我完全諗唔到野~

真係多謝你份生日禮物啦~同你拍住睇舖呢六個月我真係好辛苦~

個個月唔係病假就大假~有咩事俾人鬧得最勁又係我受~

大又係咁~細又係咁~究竟發生咩事ar!!!!坐到5點幾~我就返左去同大隻佬食野~

落咁大雨都唔攞遮~~激死>.<!!!今晚同傻婆瑜慶祝生日~可以玩返晚喇>3<

幾日都冇打過blog lu~呢幾日唔係返早就係踩~都冇咩特別啦!!

今日都係返早ar~由於天氣關係~呵呵~大隻佬唔洗開工~

到兩點收工返去我地就去左食下午茶~我地好耐都冇試過一齊買餸喇!!

之後過左去百佳~今晚唔再係煮一鑊熟而係一餐三餸一湯既晚餐^^

ma媽同大隻佬對呢餐都算滿意~咔咔~~成功過關lu

呵呵~~今朝O係公司~我又見到大隻佬架車經過喇~

一定又O係我附近開工啦~但我諗佢可能好忙喇~

電話都冇打俾我~叫我整熱狗~今日我拍住阿青開早~

唉!!佢又o係度遊魂仲要企向度搣手指~

一向我對佢都係用一種好友善既態度~但呢次.....破例!!!

重複咁錯~點勸同俾機會都唔改~新人唔係大哂~

都唔明點解而家只係細我一兩年都d女仔咁唔捱得~

少少野就發細佬女脾氣~工作態度差極ar>.<!!洗錢容易~搵錢難....

到阿芝返里都頂佢唔到~阿青又俾人鬧多次~=.=

3點收工之後~返屋企開始大掃除lu~~開心番~自從調左上羅便臣之後~

好多同事都話我脾氣差左好多~好容易發火!!自問我自己都覺得係~

壓力大~訓得又唔好~脾氣唔差就奇喇.....

今日我同大隻佬都一齊放假~~朝早食完早餐之後~

大家都各有各對住電腦~到左點幾鐘~食完晏晝~就陪左佢上瑪麗覆珍~

次次見到佢一頭痛果陣辛苦果樣~我就有d心慌慌~唔理點都好~

我地都一定要知道個原因~到4點幾攪點lu~~

結果都係排期做下掃瞄先知~之後我地去左味千食野~~冇咩特別又一日 lu~  

今朝一返到舖頭見到極之亂~泠氣又冇熄~D野又極污糟~究竟發生咩事AR!!!同傻婆砰砰聲攪點哂D野之後~我就開始做自己野~點知當我打開本數薄數Checks果陣....發現好多錯漏~~傻婆開始聞到我既火藥味喇~而我亦都冇鬧佢~因為佢放假~做錯野又唔係佢~最得意既係佢竟然哄我~真係唔知好嬲定好笑~下晝阿青返里~結果俾我噴到一面血~不過好快就冇野LU~做左個幾月返工日日遊花園~我冇辦法忍受~若果我再唔出聲~傻婆實覺得我偏私~我都唔想自己既下屬咁樣睇我~到夜晚~打俾阿芝同佢講返數薄既問題~佢竟然答係咩....身為最高負責人都可以咁樣....我以後做野係咪都可以唔洗咁著緊呢....大又咁~細又係咁~灰爆>.<