今日我同ma媽一齊放假~佢就好啦~連放十日羨慕死我喇^^

上晝o係屋企煲劇~一到下晝~就同埋ma媽一齊出車過左去海怡搵蔡叔叔飲茶~

飲完茶~送埋蔡叔叔返屋企~我地就去左跑炲山買鍱~唉~ma媽一掃就兩袋喇~

好可怕ar....買完野之後就去左洗車同買餸~一日假期好快又過左.....

夜晚~ma媽去左唱k~晚宴由我負責~~~

呵呵!!送左個一品煲俾大隻佬~大熱天時~食清淡d好^^

今朝返工見到個天黑到好似又想落大雨咁~我就即刻打俾大隻佬~

真係有d擔心佢又冇工開~呢排佢都好似好灰咁~特別係呢個月開支比之前大左~

因為上個月尾到期驗車~就係咁又洗多左lu~不過唔怕啦~

我地兩個加埋點都撐得住屋企有餘~呢d日子好快會捱過~~

下晝放工返屋企休息左幾個鐘~今晚我同大隻佬~阿爸~

佬&細佬媽咪一齊去左食韓燒~

星期日就係父親節喇~我就肯定忙死~而細佬今日行畢業典禮

~所以就預早同阿爸食飯&同細佬慶祝^^

朝早又俾大隻佬嘈醒叫去食早餐~哈哈~訓覺大過天~結果佢自己落街食~

訓到十二點幾到我開餐lu~~食完野返里開工~~今日主題係洗雪櫃同拖地~

攪點哂又訓過~到5點幾ma媽打里叫我地準備出門口~買完禮物之後~

我同大隻佬就去左等ma媽架車一齊過天水圍食飯~今晚好熱鬧ar~o係富澤食飯~因為阿嫂生日~

大家姐又岩岩去完台灣落機返里~班小魔怪圍繞住大家姐d手信小食~好彩食完之後~

ma媽車完家姐佢地返屋企都係十點幾~唔係既話就.........煩.....第二日仲要返早=.=

今朝一返公司就即刻睇下e-mail~5月份神秘客評分有結果lu~

係我同阿青在場~一心諗住~我拍佢一定死緊~唔會高分~點知相反....

我地差0.04分就滿分~仲要係讚賞多~呢次真係符碌ar~到十點幾HUMAN打

里問我睇左報告未~之後就話點都會安排8月4俾我放假同傾下呢間舖既問題~

知道原有計劃唔洗取消係開心~但舖頭問題唔去正視~亦都唔係一個辦法~

之前答應過話2月可以調走~~點知而家次次一講到呢個問題就嬉皮笑臉避過~

呢個究竟係咩分區經理...早知係咁~當初我就堅持留O係天星啦~唉~~個頭又開始劇痛~

攪點哂D野之後~大肚婆返左里~我就O係士多房休息~準時兩點~大隻佬里接我放工~

食完野之後~我地砰砰聲返柴灣做節~今晚呢餐豪門宴辛苦阿爸~姑媽&姑仗喇^3^

尋晚傻婆瑜生日出左去唱k~好意外...竟然撞見返一個十年冇見既小學同學~

意想不到大家玩埋既朋友都係同一班人~可能呢d真係叫緣份啦~記得以前小學果陣~

我地都幾fd~佢&佢細佬開生日會都會叫埋我一齊玩~一齊做功課~

而且佢讀書仲要係勁叻~但自從大家轉左班之後就開始生琉~

見返面大家都傾下近況~上到k房阿瑜既男朋友俾左佢一個驚喜~開心死阿瑜^^

到9點幾阿欣同鯨都里左~之後仲有ivy~肥芳~tim少~肥逸~呢晚都算唔錯~

十二點幾食完蛋糕影下相就閃人lu~佢地要返工~而我都好攰~今朝7點幾起左身~

嘩~勁大雨囉~大隻佬又休息...我地同ma媽落左留下食早餐~唉~個頭仲痛緊~

食完藥再訓過~一訓就兩點幾lu....