今日開始要連踩3日lu~~呢排都唔知咩事~靜到人影都唔多見~

後來見到傻婆瑜d同事~吹左陣水先知點解呢排唔見哂d人~

今日大女同細女都o係度~我攪點哂d野之後~就輪住同佢兩個傾計~

因為佢地兩個既大戰同工作態度問題已經驚動到HUMAN哥~煩死!!!

先同細女傾~講講下佢竟然喊......仲收唔到聲~鬧都冇鬧~講道理姐~

做左幾個月竟然記唔到價錢............唔好玩啦~

之後到大女~佢第一時間同我講~"""我知錯喇~我以後都唔會亂發脾氣"""~

洗個雪櫃姐~做咩要下下都斤斤計較~攪咁多野~~

花左一個鐘同佢地傾完之後~好彩兩個都答應我會和平相處~

我終於可以食飯同休息下~尋晚又失眠.....今日一D都唔眼訓~

好彩阿欣打里傾左陣電話~好快又一日~MA媽返左里LU~

仲有手信收~~哈哈~多謝哂^^

尋晚食完藥之後今日都仲頭痛緊~好彩今日落天星~所以都返到工~

朝早返到去見到d朋友仔喇~即刻精神哂~玩下笑下又一日~

4點幾HUMAN哥落左里~同我商討下大區調動既問題~~

呵呵~我不知幾開心~等待......

傾傾下大肚婆打俾我~講話尋日細女接張單~個客今日點都唔肯俾錢~

都預左架啦~~之後HUMAN哥都認為呢次既責任要細女去負責~

希望細女會經一事長一智啦.......MA媽今日開始去兩日旅行~

我同大隻佬要食自己LU......

今朝一早就同suki過左將軍澳食早餐~到十點幾我地一齊去左開會~

開完會之後一行出去又落雨~唯有求其搵個地方食完晏先返公司啦~

三點幾返到去~大肚婆就走喇~細女今日踩~只係短短幾個鐘~

佢又攪左兩單大野送俾我......第一單個客訂三百蚊蛋糕收人一百九十蚊就寫全數俾哂~

當我知道既時候~個客走左啦~唯有打俾個客講清楚啦~

第二單~我去完洗手間返里果陣見到佢同個客嘈~拉哂龍~砰砰聲走過去調解啦~

個客都係想攞返自己應有既優惠~細女仲要加把咀~好彩最後都攪到俾人投訴~~~

事後同細女傾慢慢解釋~佢竟然點都覺得自己岩~仲發脾氣~討厭到極ar>.<

等到夜晚埋數果陣~突然間好頭痛~仲想嘔.....撐到收舖我就即刻搭的士返屋企~

哈哈~途中的士司機哥哥o係黃竹坑俾人影左快相~嚇到佢係咁打電話~

仲話落雨開快少少姐~咁都罰???司機哥哥~你今次真係蝕哂喇~

返到屋企咩都唔想食~勁辛苦........

今日原本收早~但因為大肚婆請假變左踩~

都預左啦~個個月都係咁~可以順利收早係一種堯幸~

之後Human哥打里問我邊個踩~唔好玩啦~呢間舖冇第三個負責人~

結果得個笑字~突然間聽到大肚婆請假有d唔開心架~不過個個月都係咁咩都慣~

比起之前我死都唔想OT~搵人上里幫~有時仲會俾人搞亂盤數~最後自己執手尾~

其實咁仲煩啦~求人不如求己~

而家學識左從另一方面去睇~都係oT搵錢姐~自己心情都好過d~

不過食晏就唔多安心~拍住細女得佢一個O係出面~拉長龍~到佢食飯果陣~

竟然有櫃到~完全冇人講過~砰砰聲執野~細女食左30鐘飯~

同一時間D人打孖咁一齊里訂蛋糕~過冇幾耐餅車到貨~

會計部同稽核部又輪住打里要我寫報告FAX上去~

細女仲遊緊魂~突然間咁多野湧起我面前要做同處理~鬧都冇意思~

唯有盡快完成面前既工作先係重要~到D客清哂~開始要做其他野既時候~

細女竟然怨我~仲話要去煲煙~問我可唔可休息下~結果我俾左十分鐘時間佢~

到夜晚終於可以順利收工~

朝早同大隻佬食完早餐我就返工lu~今日係父親節比起平時忙d啦~

返到去大肚婆同我講佢個仔發燒要收2點~~算啦~

反正我都應付到~下晝~一忙起兩位靚女又開戰~結果俾我分開左佢地~

叫左一個出去借貨~不過~細女今日俾我鬧得好柑~

因為最近成日小錢都係因為佢~~唔識既野又唔問~成日掛住等收工~

叫做小小野唔係發脾氣就係喊~究竟想點ar~

要傾要勸都做過~但都係意見接受~態度照舊~~

大女之前成日發傻~頂咀~唔聽人講~而家都可以有改善~

點解你咁難教架!!!>.<