今日放假~一朝早同左大家姐&佢d同事一齊返左上大陸玩~

都ok開心啦~一去到我地就去左食湘菜~雖然我唔食得辣~但有d唔辣既宋都幾好食~

之後我地再過東門行左一陣~都冇咩想買~行行下商場家姐既同事見到有老鼠~

嚇到我地即走.........由於今日國慶~好多人ar.......就連我地搭地鐡過福田d人都多得好緊要~

去到我既天堂喇~即刻做返個香燻按摩~到夜晚過香蜜湖~我地去左家姐個朋友開既一間酒家到食飯~

一去到五星級既服務~哈哈~~家姐就俾人點名叫李總~仲有埋vip咭~

d醉蝦刺身好正ar~~脆口又爽~今日完全大飽福^^

今日放假我同大女都不斷保持聯絡~好彩阿碧同小黑有上去幫我睇睇佢地~

總算平安渡過~朝早原本過去睇下大肚婆~點知佢既探病時間同我唔夾~

最後都係傾下電話~唔知佢幾時先可以出院呢~下晝就過左中環去

soso既結婚註冊儀式~見到麗麗~大大~溢少~我同梅姨睇完之後影想幾張相就走喇~

唔多想逗留~之後我地返左柴灣食野~然後買野返去俾阿爸食~

阿爸隻腳又出事喇~返到屋企我同梅姨扶佢行出廳食野~見到咁樣~

我個心好唔舒服~梅姨一返上去~得返阿爸一個點算.....

點解成日都有咁多問題纏住我架~

做個開心快活人咁難架咩.....

終於都有時間打下blog喇~呢排發生左好多野~

呢d野當然離唔開既都係公司既野啦~癲雞冇睇我地喇~

不過就換左個烏蠅經理~煩到不得了~工作量大增左N咁多倍~

今日原本同大肚婆一齊踩~點知.....佢成朝早都不停嘔~

之後我打俾烏蠅經理叫佢搵人上里幫我~放大肚婆睇醫生~好嚴重AR~

佢答應左話幫我搵~冇諗過等左兩個幾鐘都冇答覆~中途打里~

扮哂傻~講埋D廢話~最後答覆竟然話我聽冇人手....叫我諗下辦法~過份!!!!

好彩俾我搵到人上里頂住~大肚婆去睇完醫生返里~情況仲差左~

烏蠅經理同大肚婆傾完之後先至放佢走~而且仲話冇諗過咁急~話得地唔同佢講~

激到啤一聲.....結果KIKI今晚同我一齊收夜~而大肚婆走果陣~

我地都有一種唔好既感覺~下晝大肚婆打電話返里話入左醫院~

唔知幾時先可以出院同埋返唔返工...即刻個腦咩都諗唔到~

聽日我放假得返大女同細女~我超擔心~若果唔係有事~

我聽日寧願返工~烏蠅經理你點做野架.....仲叫我放心訓晏D~

唉...........聽日放假好多野做....朝早仆話聯合醫院睇大肚婆~

下晝過中環出席SOSO既註冊結婚儀式...

忙死..........

今日收早~返左過柴灣~先同kiki&阿桂食tea~

到6點就同阿爸去街市買餸~返到去~

阿爸就負責煮飯~我就負責拖地洗碗~好快就一日~

返去見到阿爸對腳好返冇事~我都安心d~~

呢排可能精神壓力大同緊張等~我又再成日失眠喇~

公司既問題完全放唔開~癲雞日日都俾d唔同既驚喜我~

真係多謝哂~大肚婆又好似咩都唔想理咁~唉~~~~

尋日放一日假d電話都不斷響~打親里都冇好野~

大肚婆今日冇返工~其實我預計之內~

佢對左細女一日連聲都冇埋~

點解我間舖d女咁絕頂架~成日都聽埋咁多有關大細女既閒話好煩ar~

爭氣d唔得咩~~~我點做好呢.........

跟左隻癲雞都幾日喇~自從佢睇之後~

冇好日子過~日日都有唔同驚喜~

十萬蚊一個人手~完全唔合理~

我間舖一個月做三十幾萬~人流一日差唔多成7百~

仲要cut人~個個知道呢個消息都嘈~

今日癲雞打里問我大女識開舖同埋數未~

我話未ar~教佢開舖都教左好耐都仲未得~~

仲要教佢埋數~都係一個難度~

癲雞話大肚婆放產假~唔會有人幫我~

要我一定攪點大女~聽完灰哂.....

收工之後~過左東亞樓搵suki吹水~

我地個個都好掛住HUMAN哥~自從佢冇睇我地之後~

冇人聽我地呻~有咩問題都冇人幫又冇得講~

笑聲少左好唔慣~最慘既係今年中秋冇人幫我地搬月餅~

夜晚我同SUKI~HUMAN哥一齊傾電話~

HUMAN哥同我講已經同癲雞交低左大肚婆放產假既安排~

KIKI會上里拍住我~之後我同佢講~癲雞有另外安排~

聽完之後佢都唉聲嘆氣~俾大女埋數即係想我死姐~

癲雞攪到我地個個人心惶惶~好彩佢唔係長睇我地~

不過遲D正式睇我地既都未知係邊個~又或者會唔會一個比一個差~