☺Bab1`be Happiiiiii;]

點解我話我黑仔，因為所有唔好嘅事都降臨喺我身上

今日發生好多事，彭子麒單野唔講

石老師叫常識科出去攞功課個陣

馮景峰即刻話：你攞啦!!

之後我個樣就好唔願意咁行出去，我行到去出面

佢又話：唉∼我攞喇！！你番埋去啦

我係想攞，但既然佢都咁想，就比佢攞啦（好奸）

之後有件事阻止唔到，我都唔講喇∼

到左放學前一堂，又係常識堂(好悶呢)

落堂嗰陣黃老師叫常識科科長幫佢攞野

之後老師叫左我

我話：又係我，我前日咪幫你攞左囉∼你又話一人一次。

之後老師就叫馮景峰啦，佢竟然話：又係我，我今日攞左喇喎！

最後，黃老師就叫我喇!!!!唉∼

放學嗰陣，我去買餅啦

但佢地又喺度喎∼

我比錢嗰陣，個收錢佬話：比錢呀，靚女！

呢個時候，我已經覺得死喇！！！

我嘅直覺好準架∼

果然，班男仔話：嘩，佢咁都叫靚女呀！！

我真係想叫佢地食屎囉！！！（太粗俗，唔好意思）

聽日番學都唔知點面對佢地

希望聽日唔好咁黑仔∼

☺Bab1`be Happiiiiii;]

今日紅雨加三號風球，所以唔洗番學

都唔知開心定唔開心

開心梗係因為唔洗番學啦

唔開心嘅係因為無得上PE堂呀!!!!!!!!

如果係聽日唔洗番咪好囉,唔想上普通話堂。

今日咩都做齊哂

同詩詩，呀敏喺ｍｓｎ度傾計

溫書

補習

睇電視

係咪好充實呢？哈哈！！！！！！

今日都無咩野講！！聽日再講啦∼８８

☺Bab1`be Happiiiiii;]

今日係開學日，校長講咗好多野，悶到爆呀

之後石老師喺班房又講好多野，我地喺５A班都聽過啦！！

（石老師喺我五年級嘅班主任）

雖然有幾個以前５Ｂ班嘅人上咗黎６A班啫∼都唔洗重複講多次呀！！

仲要講多咗好多野！

最最最最估唔到就係．．．．

我地６A班嘅冷氣機係壞架！！仲要我地交冷氣費喎，真係玩野囉！！

小息完咗之後，又要練習排隊喎∼練咗３０分鐘呀

好攰好攰呀！！！

　　雖然開學日好悶，好攰，但我都好期待今日架

因為今日係開學日之外

都係天堂之吻第一日播放的日子

好好睇架∼唔知呢

我覺得製作天堂之吻嘅衫的人好叻∼因為，Ｄ衫真係好靚架！^^

今日講到E到係咁啦∼８８