今日要返工，真係唔開心呀，仲要現在係公司最忙的日子之一，
一早返到公叵一直到收工都係無停過的，真係慘呀~~
無計啦，又要拆箱、又要takecare d 客、仲要去理果個麻煩老twin wo，
真係想死呀~~ 時間就係忙碌中不斷消逝﹗

夜晚就約咗鐘姐、清一齊去北角暴肥一番，
果度d款都ok多的、而質素都不錯呀﹗ 但d 威太 真係有問題的，
有一個威太好鐘意四周圍撩人講野，又成日講埋d無聊野wo (=0=''') ，
最搞笑係當我哋叫埋單的時候，可能因為我哋係最後一枱先走呀，
所以佢竟然由遠處好似一個6、7歲的靚妹咁跑過去櫃位攞單俾我哋wo，
而且仲話 : [係唔係好似周太咁呢，因為時間關係我一早就預備好啦﹗]
搞到我哋3個都即係0咀俾佢睇呀  p.s 佢仲要係一個30有幾的女人呀~~
(= =''') what the 地獄呀....

之後就同咗佢哋一齊返觀塘唱通宵k lu~~
嘩﹗一去到就發覺自己好耐無聽過歌啦，好多新歌都未聽過，
泳兒呀、側田呀... 仲有d唔識的新進歌手，真係連聽都未聽過佢哋d名呀~~
恐怖呀~~
但今次唱k的熱列點唱推介係 : 劉德華、S.H.E、飛輪海~~ 
今次仲要好勁地唱得到S.H.E的中國話呀~~ YEAH~~
終於唱到啦，仲要係一字不留地唱WO，勁呀﹗
真係越來越鐘意呢首歌呀~~
搞到我好想再唱多一次呀.....