約咗阿小陪我睇呢套話劇，果日放六點，原本約咗阿小六點幾一齊食飯的，但阿小臨時話要ot, 咁就算啦，自己一個人去食mum mum。之後就同阿小一齊去睇話劇啦，去到2號舞台的時候，果度可以容納的人數唔多，大約百人左右啦，個台就直接係我哋前面好近好近啦﹗
開始的時候有一段97回歸的畫面，跟住主角(王維)就出場啦﹗故事講的就係97年有一個宣教士話收到上帝的calling要去印度宣教，點之十年之後佢就返到黎，仲要放棄咗宣教士唔再信上帝，反而變咗一個傳銷人員添。 劇中主角仲將傳福音同sale 濾水器作比較:

人物: 主角 (A), 買濾水器的顧客(B), 未信者 (C) (對白係交替發生的)
A: 你有無用過濾水器呀？                                        A:你有無返過教會呀？
B: 有呀                                                              C: 有呀
A: 咁現在仲有無用呀？                                           A:咁現在有無返呀？
B: 無啦                                                              C:無啦
A: 點解呢？                                                        A:點解呢？
B: 煩啦，咁用下用下咪無用囉﹗                               C:煩囉，咁返下返下咪無返囉﹗
A:但係你知唔知現在D水入面有好                              A:但係你知唔知你生命入面有好多買，
     多雜質，沙啦、石啦、鐡啦...                                 貪婪啦、自私啦...
B:咁可以點呀？                                                    C:咁可以點呀？
A:你需要買濾水器，佢可以幫你將                              A:你需要信耶穌，耶穌可以將你生命入面
     水喉入面D雜質清除乾淨﹗                                      D罪清除乾淨﹗
B:咁我買啦﹗                                                      C:咁我信啦﹗
(呢D對白我唔係好記得清楚，但大約意思都係咁的﹗﹗XP)