噚日約咗阿LEG、阿雞同佳燕4個人去睇"讚美之泉"，今年係我哋最少人一齊去睇的一年呀，因為唔知點解今年D人好似無咩興趣咁，提都無人提過，所以當我去買飛的時候就只係淨番好少位LU~~ 今年讚美之泉出了兩張新專輯: [最珍貴的角落]、[永遠尊貴]，呢兩隻碟我一早買咗LU，所以今次去到D歌全部都識唱，可以更容易投入在其中呀

今次所有人都好HIGH呀，全場氣氛都好投入，不論快歌、慢歌都好觸動我心，而且唔知係唔係去完訪韓呢，所以現在每一次的敬拜都可以好投入，以前敬拜都係人哋細聲我細聲，唔夠擔放手去唱，但今次就完完全全相反了，因為我隔離坐了一對老父妻，老婆有時都會企起一齊唱歌的，但老公就為咗KEEP住中國男人唔表達自己的精神，佢一直都係坐係到，歌唱到好細聲 (唔係見到佢個咀有動過，我都唔知原來佢唱緊歌添呀...)，如果俾著係平時的我，我一定會乖乖咁企定定唱歌，仲要係唔大聲果隻WO~ 但今年我真係成個人乜都唔理呀，去投入去敬拜，就連"AMEN"都叫得好大聲~~好鐘意咁樣的敬拜呀，雖然間中有少少嚇親阿伯伯^.^。但好開心係去到最後的一、兩首歌，阿伯伯終於企起身、仲有一齊舉手敬拜神呀~~果個畫面真係好正呀~~(\^0^/)

今年讚美之泉的歌都好喜樂，之前的都係用醫治、安慰等做主題，但今年係用復興、禱告為主題，而且我深信今年神真係要我去多D禱告呀，因為不論係訪韓其間、回到香港參加教會聚會、讚美之泉等，都不停有訊息話俾我聽要禱告啦，唔禱告就沒有復興~~ 所以我諗我都係時候要加把勁啦，如果唔係神唔用我咪大鑊~~

*********************************************************************************************

黎緊今個禮拜日係阿偉的安息禮拜，唉~阿偉咁就返咗去天家LU~~ 雖然都仍然係好唔捨得，但因為我就係大笨象性格~~所以我唔會俾自己唔開心咁耐，但我知當我去到禮拜日我就一定會忍唔住的~~ 希望阿偉係天家可以過得好好，等我返到天家時可以再見佢啦~~

**********************************************************************************************