呢度就係我哋瞓覺的地方啦~~呢度可以容納300人一齊瞓~~ ^ ^

今日係第一日係祈禱山的，咁大個人都未試過4:30am 起身，就係為咗親近神，但呢個經驗好正呀~~ 第一次同4千幾人一齊係大聖殿到敬拜，一齊唱歌、一齊敬拜、一齊聽道，果個感覺真係好難形容的。  今日成個行程就係:

6:00-7:30           晨更禱告
7:30-8:30           個人安靜
8:30-9:00           敬拜與讚美
9:00-10:20         研習會 1
10:20-10:40       休息
10:40-12:00       研習會 2
12:00-14:00       休息
14:00-16:30       特別講座 1
16:30 -19:00      個人禱告
19:00-19:30       敬拜與讚美
19:30-21:30      培靈會 1

每日都係要由4:30左右起身，一直到10:00左右先會去沖涼瞓覺，所以每日正常都只有3-4個鐘瞓覺。但第一日我就已經頂唔順啦~~去完第一次的晨更禱告及敬拜與讚美之後，我就已經頂唔順啦，原本都諗住頂多陣，聽完研習會1 先，但個人就係到不停釣魚，跟本聽唔入耳呀，所以為咗費事研習會2都聽唔到，所以我都係返去瞓一陣啦。瞓咗幾個字之後炵於有番少少精神，就同周太兩個人一齊去大聖殿參加研習會2 了。 過咗2點之後的休息時間就一路參加聚會，直至夜晚9點幾lu~~ 每一次敬拜、講道都好有得著。淨係單單第一場張牧師的講道己經直插自己了，因為佢講道的內容就係話 "聚會不可遲到、早退，你有無重視神同自己的關係呢~~" 等等呢d都係我平時知，但又無真真正正去面對的。其實今日我都不停去問神:【究竟你想俾乜我呀、究竟你叫我黎係想我做乜呢~~】呢d問題都在心中不停問緊，但第一日我係乜都唔知~~ 去完沖涼之後就瞓覺覺豬lu~~
咁我係祈禱山的第一日就完結lu~~