估唔到《陰容院在》係一套泰國片；

估唔到套戲做到一半就估到晒d劇情；

估唔到現在仲有人睇鬼片要掩面；

估唔到四個傻仔會由觀塘行去九龍城；

估唔到我地睇完鬼片後專找d陰森路行；

估唔到我哋睇完泰片要去食泰國野；

最估唔到係，我哋點解唔賣陳森的豬仔~~~

《君住廟街頭，妾住廟街尾》，一套好簡單劇情的話劇。

它無好深的背後意思，全套劇只強調一樣野，就係"珍惜見前人"。

一套話王克帆與小明星及羅錦堂與杜薇花的一生，

有少少向左走、向右走的感覺，只不過今次發生的人物並不是金城武及梁詠琪的身上。

男女主角毫無而問係老手，表演起來架輕就熟，

但唔知點解成場戲好多演員都食晒鏍絲，

而且d妝可能因為想做返果個年代的感覺啩.....

最記得容容同jonny哥佢哋兩個個妝真係好恐怖呀，

化到好似MJ咁，個鼻好似就黎跌落黎咁，

而且佢轉場景太多啦，明明有D地方可以靠燈光去就的，

反而要D人走黎走去，浪費太多時間同搞到有悶場，

而且D音響差 (連我都話差就真係好差啦﹗卡卡卡)

搞到D演員的對白好似俾人吸咗去後面咁，前面觀眾席就聽唔清楚﹗

唉，始終呢到都唔係文化中心或演藝，

所以真係唔可以要求咁高的....

AT THE END~ 全套劇的內容係OK的，只不過好多細節位都兼顧唔到囉~~

其實我唔應該係話又被人騙呀，

因為呃我的都係同一個人，

繼上次佢呃完我之後，陸陸續續佢都有嘗試同我聯絡，

直至最近係facebook到見到佢轉信左天主教時，

都好替佢高興呀﹗

但原來呢個係另一個大話的真相，

真係覺得好奇怪呀？

點解一個人可以講咁多的大話，

對唔同人又唔同講法，

乜這樣真的很好玩嗎？

我諗佢係一個令我更似9號字的人，

因為佢，令到我同其他人的關係永遠都會隔咗一段距離，

而且永遠深信呢個世界乜人都有，

唔可以強求、希望加要求別人和我想法一樣，

唔係我以為的就是事實。

事實永遠都係你想像以外的......

現實要面對的不想面對，

未來又有何可以期盼的﹗

不想再講每一句，

不想再聽每一語，

心已麻目了，世界轉又與我何干。

首踏紅館兩番意外 吊威吔落地失平衡 吳尊左腳骨裂急返汶萊養傷

 3月1日 星期日 06:30

嗚嗚~好痛呀﹗真係好痛呀﹗希望尊尊可以快D好返啦﹗嗚嗚~