呢兩日真係病到傻下傻下，噚晚量了體溫之後，發現自己有38.6'C (101.5'F) ，
咁我都已經攰到死咗。成晚都只係瞓瞓瞓，但有一件好搞笑的事發生咗WO﹗
我竟有幻覺覺得我心中三大型男同時出時黎照顧找呀，
華仔、小尊尊 & 新入榜型男 MARIO,
話﹗果時覺得自己好幸福WO~~ 雖然明知呢個係幻覺唔係真實。
但諗起都覺得好開心呀，幾時有機會可以俾三大型男照顧WO~~~
真係想呢個幻覺可以一直落去呀~

真係好幸福WO~~~

今日係至韓國返黎的第二日，又係我隔咗咁耐之後第一日返工啦~~其實未去的時候我就已經病了，點知去到韓國，因為要係祈禱山禁食、瞓的時間又唔多，所以搞到個人身體仲差咗，所以今日就係咁咳，咳到想死，而且食完藥之後，成個身都軟晒，根本無精神去做野，仲之就係個人好攰啦~~

其實回想返呢8日去韓國，真係有好多好感恩的事發生呀。第一、我開頭真係好膽心祈禱山上，自己可否禁食3日咁多，又膽心共同體的監介wo，又膽心瞓過度會點~~ 點知神就係咁奇妙，佢好似知我哋的膽憂咁，佢將我哋膽憂的事都一一變為美好了。我係3日入面，真係因為開頭食藥所以食了兩啖蛋糕之後，就無再去食野啦，一路落黎都好平安的渡過，而且神仲叫我唔感到肚餓添~~~(^^v)，而且瞓覺的地方雖然係有3百人一齊打地鋪，但都影響唔到我哋瞓覺，仲可以幫手叫我哋起身咁，真係好呀。最最最開心係浴室入面竟然有冷、熱水泉再加上乾蒸室，真係令我疲倦的身體起了好大的作用呀~~~仲之就係絕對舒適又舒服啦~~真係"KIMOCHI"呀~~YEAH~~

第二、我做咗基督徒咁耐，都未試過一日聽五堂道咁多，而且聽親的都唔會叫你想瞓覺，每堂道都有好多好多的得著~~ 而且每次的敬拜、讚美都有好多領受WO，雖然係韓國無乜時間去整理講道的資料，但我知道佢哋的講道我係唔會忘記的~~ 神的話語又點會忘記呢(^0^)

第三、呵呵，今次我哋團的導遊、攝影師&車長都係咁多團入面最好的，由其是個攝影師呀~~MARIO﹗又靚仔(唔係我自己講呀，係連隔離車的團友都咁講的)、又好玩，而且佢又好識關心人WO，我係後面個一、兩日入面，身體開始弱啦，佢都好關心咁問我"ARE YOU OK??" 仲要唔止問我一次咁，搞到我好鬼SWEET添~~YEAH~~ 而且今次的導遊係我參加咁多次團，都係今次都係佢最好啦~~起碼佢講的唔係背書咁背，佢會講多D有關韓國屋企的事，好多當地D趣事~~所以除非好眼瞓啦，都會留心聽佢講野~~ = = 搞到無得瞓呀~~真慘呀~~

總之真係神的恩典夠我用，仲有好多好多野未能一一去盡錄，真係好開心、好感恩~~ 而且經過今次之後，令我同其他弟兄姊妹的關係CLOSE 咗好多添~~ 雖然當中都有好多唔開心、抱怨的地方，但神就係我心入面不停對我講"不要發怨言"，今次真係學咗好多功課呀~~ 開頭去韓國就好想返香港，到要回來的一天，就好唔想離開韓國呀~~因為今次真係有太多太美好的回憶啦~~

咁就過咗一日lu，今日的行程都係同噚日一樣，凌晨3點幾開始已經不停有腳步聲的交響樂係耳邊不停響起，真係想唔起身都幾難lu~~ 但每朝最最最麻煩的一件事，就係要叫隔離兩隻懶虫起身，佢哋真係好厲害的，夜晚幾夜都可以唔使瞓，但當佢哋一瞓你就唔使旨意咁容易叫佢哋起身啦    
 (= =''''''') 所以係祈禱山我都好似湊仔婆咁湊佢哋兩隻野起身~~唉﹗真慘呀.....

今日行程就如下啦:

6:00-7:30           晨更禱告
7:30-8:30           個人安靜
8:30-9:00           敬拜與讚美
9:00-10:20         研習會 3
10:20-10:40       休息
10:40-12:00       研習會 4
12:00-14:00       休息
14:00-16:30       特別講座 2
16:30 -19:00      個人禱告
19:00-19:30       敬拜與讚美
19:30-21:30       培靈會 2

其實都係同昨日一樣，今日有一樣特別就係去咗嘈死人 (\^0^/) 咩係嘈死人？ 嘻嘻，咪就係墳場囉，而我哋就係墳場到祈禱、敬拜神，音量之大呀真係可以將死人嘈返醒的 ，所以就名為嘈死人之地啦~~ 係嘈死人裡我哋都分開咗各自去敬拜神，開頭我都冇咩感覺的，咁就週圍走來走去欣賞下風景咁囉，果度D風景真係好靚的，藍藍的天、白白的雲，一眼望去除咗祈禱山的建築物之外，都望唔到其他高樓大廈，俾人一種好平靜、好舒服的感覺。望下望下，好自然就有一首詩歌彈出黎[無微不至]~

[無微不至]

鳥語和花香常靜靜告知
世間一切是神親手所賜
每次難關中神定讓你知
主必天天看顧無微不至

冷暖和春秋常靜靜告知
每刻分秒是神親手所賜
每次祈禱中神願讓你知
主聽心中禱告無微不至

係呀﹗神就係果位創造咗天地萬物，又造了你、我的一位神，祂就係果位你扣門佢就一定會給你開門的神，神用咗呢首歌話我知我要放下心中的一切了，唔好再俾擔憂、罪去追住自己。雖然我唔識得點樣大聲呼求主、唔識得點樣去求神俾恩賜我，但我深信主係無微不至的，祂必察看我的需要去加添給我的。

之後當然係洗白白時間啦，今次我哋又破記錄地用咗1個鐘頭15分鐘去享受冷、熱水外加乾蒸室啦~~真係要不斷大喊"KI MO CHI"呀~~之後就係COFFEE SHOP到嘆咗杯MOCHA CAPPUCCINO，1500WON好抵呀，味道俾星巴克、PACIFIC CAFE好味好多，真係嘆完一杯都唔想停呀，之後又試咗隻薄荷咖啡 味道係仲正，雖然阿AG同阿LEG都唔鐘意佢陣薄荷味，但我覺得真係一流呀~~ ^0^ 諗番都仲好想試呀~~ 咁我哋係COFFEE SHOP到傾計的時候，陸陸續續有不同的人加入係我哋中間，周生、周太、LINDA、SANDY、敬樂、邦、輝仔....哈哈，果晚真係好開心呀，係香港邊有機會我哋可以坐在一齊去傾計呀~~我哋三個仲要係一路傾一路傾，一直傾到通宵都唔去瞓，諗住可以去到晨更祈禱會添~~點知唔死去瞓的結果係好嚴重呀....

呢個就留番我下次先再講啦~~

今日就係訪韓的第一天啦~~~ 一朝早8點幾就係屋企出發lu~~好開心呀﹗因為又可以遠離香港去旅行lu~~雖然今次唔係真正的旅行，主要目的都係想俾時間自己真真正正咁親近神，所以開頭都預咗呢次旅行係有d貼錢買難受feel呀~~ 十點鐘左右，機場就有好多橙寶寶出現啦~~因為我哋每個訪韓的人都係穿"愛到底、主有愛"tee~~所以要找集合地點就真係easy job啦~~(v^0^v)
當所有行李都check in 晒之後，當然係嘆番個靚靚早餐先上機啦~~點知上到飛機先發現今次的飛機餐都不錯呀~~
嗱﹗我有圖為證的，味道真係幾掂的﹗﹗good~~
韓亞航空都真係不錯呀~~嘻嘻﹗咁還樹之後幾日都要禁食啦，今日一於食盡佢，雖然食完早餐無幾耐，但呢個飛機餐就真係不可不食啦﹗

之後落咗機啦﹗第一件事就係.....走咗去機場的便利店掃貨啦，d野飲真係超級捧呀~~尤其是支香蕉奶及梅子汁﹗好味道呀~~真係難以形容呀~~
黃色瓶蓋就係香蕉奶、而佢隔離綠色果支就係我最愛的梅子汁啦~~酸酸甜甜，好味到dum一聲呀~~

之後我哋就拉大隊佳車車去祈禱山展開我哋為期3日的禁食之旅lu~~一去到時間都已經夜深lu，都未有時間去參觀參觀環境的時候就要預備找地方瞓啦~~因為我哋係較遲去的一批人，所以要瞓300人的宿舍，而每個人的活動空間只有一張榻榻米的地方~~咁我哋梗係安置好一班"亞朱媽"先啦，找到一個較入的位置比佢哋，咁起碼佢哋瞓覺覺豬的時候唔會比人嘈到瞓唔到呀~~之後因為地方唔夠，我同leg同ag就一齊瞓係門口位啦，雖然係嘈d，但勝在地方夠大，除了榻榻米的空間外，我哋仲有位置放我哋的大喼，哈哈﹗攞野都唔使就住就住，仲唔使驚成日行出行入嘈住人哋添~~

之後我哋就去咗洗白白lu~~開頭知道係 "共同體" 的時候都有少少驚的~~( "共同體"係指大家一齊洗白白，但中間係無間格的，即係要你眼望我眼咁) 唔係因為打大赤冷怕羞，而係沖涼的時候d香港人總係喜歡眼定定咁望人，好似有d野係你有而佢無咁，其他地方的人真係唔會咁的~~

但一入到去就發現死得~~唔使出番去啦﹗因為沖涼房入面竟然有冷熱水池﹗wa wa wa﹗我哋3個一沖乾淨就一支箭咁沖咗去熱水池到浸呀~真係 "奇磨之"呀 ，神比我的恩典真係多而又多呀~~ 除咗瞓覺的地方比我預期好好多之外，竟然仲有呢種五星級的享受，真係感恩到爆晒燈呀~~

我哋係沖涼房玩咗差唔多一個鐘之後，先不情不願地走出黎，哈哈﹗最搞笑係我哋一入去的時候d人都唔夠憺入去水池到浸，係我哋三隻野玩到嘈晒啦，佢哋先夠憺入去浸呀~~呢種綿羊心態真係邊度都可以見到呀~~  之後就係瞓覺覺豬時間lu~~為咗聽日要4點30分左右起身參加第一次的晨更禱告，所以我哋都要早d去瞓lu~~(嘻嘻﹗真係好早呀~~我哋差唔多搞到點幾先死去瞓﹗)