一起身，立即彈落床拎張通告叫老豆簽．．．又少左幾分鐘懶床時間．．．執拾一下之後，返學啦。
頭兩堂化學．．．真係無奈，低分又唔關我事．．．連埋我都要俾人鬧，當時既氣氛都幾鬼嚇人，不過一陣之後阿ｓｉｒ好似另一個人咁．．．心情轉得真係快。
之後物理堂，測驗，第一次做物理測驗係題題都識答．．．不過有一題畫蛇添足．．．希望佢唔好扣我分俾返個滿分我啦。
英文堂兩堂，毫無特別，不過似乎因為我個Ｑｕｉｚ交白卷既關係，Ｔｒａｃｙ對我既印象分低左唔少．．．
Ｌｕｎｃｈ因為要做值日生，乜地方都無得去．．．食完個飯之後就做埋ｄ野佢。跟住我既最後一堂係中文堂，一樣好多笑場，但認真既時候全班都會認真起黎，相當好既氣氛，睇黎我今年中文成績應該唔錯。然後就係兩堂空堂．．．做埋ｄ功課之後就去左訓覺，訓到打鐘，測數學，今次夠曬精神測，不過始終都有１題唔識做．．．美中不足。
返到屋企等光既電話，然後上巨商果陣佢話要７點先出．．．ＯＫ，先去Ｌｏ仔屋企，跟住等佢地玩埋場信長都７點９。首先去左屈人錢交電話費，然後去格離間餐廳食野，似乎呢間係新開既，輪流點左野食之後就係等。岩岩我坐正電視位，今集同事三分親真係．．．點解岩岩好俾我睇到呢集，咁既內容．．．『如果你有邊一日諗起我，可以打俾我，同我講「好嗎？近排點樣？」』．．．．．．又會咁喬俾我睇到呢種內容既一集．．．到底意味住ｄ乜野．．．．．．睇下睇下，同事三分親都做完，我碟野仲未上黎，睇住Ｌｏ仔食完，連光遲過我點野食既，佢果碟都上左，係我未有．．．Ｏｒｚ．．．下次都係唔黎，上菜咁慢，雖然味道都ＯＫ。
返到屋企，無乜點做正經野，同ＢＢ傾下計，順手計下佢Ｄ數，不過唔知係我唔清醒，定係我太屎波，３題數居然有２題計唔到答案．．．睇怕我都要惡補下Ｄ數學先得．．．．．．
－－－－－－－－－－－－－－－－－－－－－－－－－－－－ |
