早上起身，照舊乜都玩一餐。大約９點半左右上左ｍｓｎ，硬係好似唔多覺小儀有上過線，於是Ｓｅｎｄ個ＳＭＳ俾佢，原來個地址錯左．．．加返之後一路吹水吹到１１點，係時候出發去搞返掂Ｄ野。１１點３個字到西九龍，見到泉果個Ｌｏｏｋ真係好多往事諗返起．．．俾左本數學暑作俾佢之後就分道揚鑣，去ＭＫ拎衫（其實我都唔知有冇得拎，不過係得今日得閒，就算事實係無得拎都要去問個明白）

去到ＭＫ，係空壙既馬路上突然間隻眼濕左下．．．加快腳步衝左去校服公司間大廈。第二次黎呢度．．．唔知係我錯覺定點，果陣好難頂既味居然唔止係樓上既樓梯，連樓下都有．．．ＯＭＧ
上到去，俾左張單佢，等左幾分鐘之後，佢就拎左我幾日前訂既衫俾我．．．果然．．．大概琴日俾我好唔耐煩咁話佢打錯電話果個人，其實就係黎通知我拎衫的．．．不過算，既然衫已經拎左就無謂去追究條友到底係運吉定運衫俾我。

下午，突然Ｌｏ仔震左我一下，問我去唔去Ｌｏ仔屋企．．．Ｏｒｚ，Ｌｏ仔問我去唔去Ｌｏ仔屋企？再問一下，原來係光黎既，順手幫佢買個外賣。一上到去就係見到佢地玩緊ＢＨ４，睇佢地玩真係幾過癮，唔知係米睇得多既關係見到Ｄ血腥既畫面我都無乜反應（或者我本身就好鐘意血既氣息？）然後正都上埋黎，終於見到我想玩好耐既幻三３啦，之前係咁提佢俾我都無件事，今日佢終於都記得拎俾我玩。大約５點左右，我＆正＆光落左去買野食，計計下今日淨係用係食野上面都用左成３７蚊．．．

返到上去，霸左部電腦黎玩，仍然係乜都玩一餐（不過好過屋企好多，起馬部機夠勁先）然後玩到７點９個字我同正都走．．．返到屋企先記得我無拎走隻幻三３．．．搞到今晚又無得玩．．．

晚上，安琪打俾我同我傾計（我原先叫佢下午或者晚上打黎，不過諗佢都係晚上打多）一段十分有趣既通話，原來係呢個小妹妹眼中我真係怪到無得再怪，和尚！？！？！？皇帝！？！？！？都算啦，居然仲．．．神！？！？！？！？！？！？ＯＭＧ點算，真係令人無言以對，不過倒係令我笑左好一段時間。笑完之後，完成埋小希俾我既工作，然後上黎寫野。發現好多我從來未見過既面孔上左黎我個Ｂｌｏｇ度睇左睇（仲要係令女多），基於禮貌，再加上大到殺死貓既好奇心，於是就一個個咁上去佢地既Ｂｌｏｇ度做路人乙，再返過黎寫埋呢篇野．．．休息一下啦，準備定聽日
－－－－－－－－－－－－－－－－－－－－－－－－－－－－－－－－－－－－－－－－－－－
做左個小小既決定，刪除左「　　」
－－－－－－－－－－－－－－－－－－－－－－－－－－－－－－－－－－－－－－－－－－－
好彩今日去ＭＫ校服公司行左轉，如果唔係都幾麻煩．．．當佢打俾我果陣真係無諗過原來呢個電話係通知我去拎衫（可能當時心情仲未完完全全好返）

每件事都有佢背後既意義存在．．．一直以黎到底我做既事有咩意義．．．真係一個值得我去沉思既好問題，不過我十分之清楚即使我諗足一世都諗唔到答案．．．但係知多一個得一個咁啦．．．

近排種既花都相當唔錯，有幾盆開得十分之靚，希望佢地唔係短暫既靚，而係可以好似果２盆咁

Ｃｏｍｅ　Ｏｎ　Ｂａｂｅｓ　　　　　　Ｌｅｔ’Ｓ　ＨａｎｄｓＵＰ！！


（Ｐ.Ｓ　今日下午我細佬玩緊果陣我搶左佢黎玩，所以係用緊佢個帳號）
－－－－－－－－－－－－－－－－－－－－－－－－－－－－－－－－－－－－－－－－－－－

早上，當我如常咁乜都拎黎玩一餐既時候，突然收到一個來歷不明的電話（２７ＸＸＸＸ００）對方首先問我係米６６ＸＸＸＸ９１，我答係，然後佢就講左一堆我唔明白．．．或者應該話我聽唔清楚既話，直覺覺得佢係打錯，於是無再理。不過諗左陣覺得有機會係校服公司既人打黎，於是叫肥聰陪我跑一次，不過佢就想我打去問一問，於是我叫佢同我問下，似乎真係打錯．．．不過我硬係覺得有Ｄ唔對路．．．Ａｎｙｗａｙ，唔理住

下午拎埋ｄ功課去Ｌｏ仔屋企「做」，雖然話有答案照抄，不過都抄左１個下午先抄埋剩底果一半，加加埋埋呢本咁既野抄左我１０個鐘都有．．．當然可能係因為中間偷懶偷得太勁所以先會咁慢。睇Ｌｏ仔玩Ｂｉｏｈａｚａｒｄ４真係好過癮，不過ｄ敵人未免樣衰左少少，仲核突過喪屍（可能我睇慣曬喪屍）爆左個人既頭仲可以有條蟲彈出黎，俾佢打中仲要即死．．．Ｏｒｚ

返到屋企，無咩特別野做，主要係去左玩巨商＆ｗａｒ３，同埋同小希商量星期五既事。不過我功課都未做曬．．．．．．都係抖足精神聽日做埋Ｄ功課佢先．．
－－－－－－－－－－－－－－－－－－－－－－－－－－－－－－－－－－－－－－－－－－－
記錄：Ｎ／Ａ
－－－－－－－－－－－－－－－－－－－－－－－－－－－－－－－－－－－－－－－－－－－
每日隨想：

每年都係咁，愈近開學擔心既野愈多，明知做曬所有野，準備好一切，但仍然覺得有Ｄ野．．．到底只係純粹錯覺，定係．．．？希望未來既一年仍然可以做得好好睇睇．．．
－－－－－－－－－－－－－－－－－－－－－－－－－－－－－－－－－－－－－－－－－－－

今朝好早起左身，似乎每次有大事要做我都會咁早。乜都玩下咁等到９點，ｃａｌｌ埋正仔出發去光屋企，再等到１１點，正式出發去觀塘。（其實早上我先知集合地點係觀塘）

去到ＡＰＭ，隱約記得娜娜話佢係ＡＰＭ返工，於是就走去搵佢間野，我地３個又上又落再上再落咁行左１０幾分鐘，終於係１樓某個地方見到（都幾隱蔽，難怪人流唔多）不過似乎今日佢唔係返觀塘呢間．．．Ａｎｙｗａｙ，今日既主要目的唔係呢個。

到左１２點，係６樓，終於見到小希佢地，但係似乎有ｄ問題，因為一直我地２批人都唔可以集合，我問咩事，收到既答覆一直係唔知，我行過去，佢地走。起初我都可以等下，隨住時間既流逝，我既心情由最初既興奮．開心，慢慢既平靜落黎，再慢慢變成失望，然後就係悲憤．傷心，不過無論我有咩反應，對面都無咩意思要一齊，係極度憤怒同悲哀既情況下，我憤然同佢地講左句「你地自己慢慢睇飽佢」就同光＆正走左，亦都無再理佢地，就係咁我今日既早上就俾佢地白白浪費左。我諗當時如果唔走既話，大概ＡＰＭ　ｄ玻璃都唔駛要，上到地鐵做既事除拎支鐵管發洩之外無其他。（諗返起都有少少令人不爽）

返到石硤尾，去肥哥度食車仔面。第一次叫左２個麵黎食，不過我仍然食得最快（唔知係米心情差既關係）睇住光食碗全紅既面都幾慘，最後都係食唔曬，至於正就唔駛講，自然都係食唔曬（可能河粉特別多既關係）食完之後去左Ｌｏ仔屋企，上到去睇佢地玩左一陣就去左訓覺，因為情緒仲未完全恢復，唯有去搵周爺爺開解下我。訓醒大約３點半，坐係度睇正玩，佢玩左陣之後就去同光一齊搞住Ｌｏ仔做功課，於是就到我玩，唔知咩事咁好心機，玩左個幾鐘Ｈａｎｄｓ　ＵＰ！！！，成績介乎４５５，０００∼４８５，０００之間，進步不太大，明明識禁既野變左唔識，原因不明。玩玩下，大約４點，小希打俾我，聽佢既口吻似乎想道歉．．．既然係咁就算數，不過無下次。之後佢地邀請我出黎．．．免，原諒你　可以，不過而家再出黎玩絕對無可能。跟住就同光，正＆Ｌｏ仔落左街，買ｄ野。返到上去，收到小希既訊息，約我３１號，今次似乎係我同佢單對單．．．而且為左補償我，大部份消費由佢俾．．．其實呢ｄ條件係我附加，不過佢全部都應承曬．．．咁既情況下又點會有唔去既理由。除左小希以外，仲收到另一個人既訊息．．．佢係小儀，小希既朋友，繼小欣之後又一個唔知點解會識到既小妹妹．．．Ｏｒｚ，不過咁仲好，多個人陪，加上傾落都覺得呢個朋友我都相當之鐘意，起馬唔會俾我覺得佢係做野唔嗲唔吊婆婆媽媽果種人先。

晚上返到屋企，寫埋第５篇俾小希之後去左玩巨商，突然間好多人玩，光＆文＆Ｌｏ仔又玩，咁多人玩咁我自然都要加把勁，不過開學之後就無得玩咁長時間啦．．．
累啦，ＺＺｚｚ．．．．
－－－－－－－－－－－－－－－－－－－－－－－－－－－－－－－－－－－－－－－－－－－
記錄：Ｎ／Ａ
－－－－－－－－－－－－－－－－－－－－－－－－－－－－－－－－－－－－－－－－－－－
每日隨想：

唔知係我太易去到極限定係真係太過份，好似今日咁差既情緒次數好少。或者個樣真係唔錯，但係咁既性格實在令我好反感，理得你係邊個，浪費時間就係假，而且浪費我就算啦，我身邊果２個人無辜架，無端白事浪費８蚊車費再加一個早上既時間．．．
（今次隨想都拎埋黎發洩，請大家原諒）
－－－－－－－－－－－－－－－－－－－－－－－－－－－－－－－－－－－－－－－－－－－

早上9點醒左，起身仍然係例牌既，開電腦，亂咁玩一餐。玩緊害人ＴＤ果陣，突然間怡ＢＢ打俾我，然後就同佢吹水吹水成鐘（好似每次都成粒鐘，不過每次都有冷場）今日老媽子休息，唔駛自己出錢食晏．．．不過就收少廿蚊，有咁既因就有咁既果。

１２點半出發去買校服，去到旺角，出閘果一下前面條粉皮甩閘，我又唔知點解過左．．．算，買完衫先處理張八達通。出到亞皆老街，行左１０分鐘左右（其實唔駛咁耐，不過因為我除左知間野係亞皆老街之外，其他乜都唔知，唯有自己搵）到左．．．．．．吾．．．令人想問候一下佢地家人既環境，間野入面就無乜，不過外面就．．．又黑，氣味又刺鼻．．．而且去到果陣，岩岩午飯時間．．．ＯＭＧ，咁唯有行去商場睇下野先。去商場當然唔會放過睇電腦既機會，家下Ｄ電腦真係好平，廠機１Ｇ　ＲＡＭ　２５０Ｇ  HARDDISK都只係３千幾，同我買呢部機果陣Ｄ價真係無得比。然後就行左去買碟睇．．．基本上係阿媽話要去，我入到去陪襯。２點，校服公司終於開門，入到去就係度身，試校服，不過件恤衫要過幾日先有得拎．．．又要去多次。睇我阿媽Ｄ態度真係唔多好，奄尖到死，搞到Ｄ服務員都唔耐煩，仲要話人態度唔好．．．當時真係有Ｄ想離開佢幾呎（唔好話識我添）我同佢講話「你咁奄尖係人都覺得係煩啦」佢居然走黎答我「我俾錢架喎緊係要到最好」．．．心諗，件野我著既我都唔介意果Ｄ咁細微既問題，你居然走去搞．．．仲好似俾錢就大曬咁．．．差勁。

下午係屋企陪老媽子睇左陣碟，之後５點去到Ｌｏ仔屋企，正都係佢屋企。睇佢玩ｃｓ＆　ｗａｒ３．．．而家ｄ人真係．．．愈黎愈差勁，外掛用得咁明顯。跟住玩左隻超經典既ｇａｍｅ，一路睇，一路諗返起細個果陣既情景．．．真係令人回味。

返到屋企當然就係搵小希開工，打鐵襯熱嘛，襯ｄ靈感仲係度快手ｄ寫低先，想改至改．．．將我既果篇交左俾小希之後，走去玩左半場ｗａｒ３（因為有人走場）再返出黎繼續做。搞到Ｂｌｏｇ都唔記得左打．．．可能太累啦。
－－－－－－－－－－－－－－－－－－－－－－－－－－－－－－－－－－－－－－－－－－－
記錄：Ｎ／Ａ
－－－－－－－－－－－－－－－－－－－－－－－－－－－－－－－－－－－－－－－－－－－
每日隨想：

到底點解要尋找呢．．．或者係因為目標唔明確，所以先要去尋找．．．咁目標唔明確既原因呢．．．？因為，我迷茫，唔清楚到底我既目標係岩定錯。得唔到一個明確既目標，無明確既辦法去到達我既目標，我仍然會不斷尋找．．．直到搵到我想要既野
－－－－－－－－－－－－－－－－－－－－－－－－－－－－－－－－－－－－－－－－－－－

今日訓到１０點幾先起身．．．琴晚實在太夜訓。早上無咩做，又走左去玩ｗａｒ３
好耐無玩既寶ＴＤ今日再玩一次，不過似乎運氣麻麻，抽到Ｄ石都唔係好靚，搞到打得好慢．．．
加上用始源迷宮，玩兢賽自然係輸既．．．

下午去左肥聰屋企抄數學，一開始同佢地２兄弟一路傾計一路抄，結果成粒半鐘先抄得果１０板紙。跟住落左街買野食，又搞到自己更加熱氣。返到佢屋企，繼續抄，今次認真左好多抄，抄到７點果陣抄左３０幾版。佢老豆係我地抄抄下果陣返左黎，真係麻煩，又係酒鬼果類，一係就成日唔見人，一返到屋企就鬧事果種，為左餐飯幾點食都可以鬧人鬧到．．．有點想衝出去打佢一身既衝動。又唔係做得野（睇佢份工都唔方好），有咩資格鬧人。

晚上返到屋企，一路食飯一路睇住一擲千金，同阿媽估緊佢會開到咩，我就話「拿你睇佢一開始就會開到三百萬」結果就中左．．．烏鴉嘴？睇住佢不斷咁開曬Ｄ大數目仍然可以咁冷靜，或者係佢本身有錢，或者係佢根本唔在乎自己拎到幾多錢．．．又或者見到咁快開到３００萬，知道自己都無乜希望拎到多錢走．．．Ａｎｙｗａｙ，呢ｄ係佢既事。我有我自己既，重要既事要做。

當然就係同小希一齊研究小說，今次故事既第一節係由我寫．．．小希話我寫得好好，無修改既必要．．．不過．．．Ａｎｙｗａｙ，等成個故事寫好之後我就會掉上黎，希望唔好怪我寫得差．．．嘿嘿。累了，休息
－－－－－－－－－－－－－－－－－－－－－－－－－－－－－－－－－－－－－－－－－－－
記錄：Ｎ／Ａ
－－－－－－－－－－－－－－－－－－－－－－－－－－－－－－－－－－－－－－－－－－－
每日隨想：

命運似乎好難改變．．．即使我唔想由命運黎決定我既一生，不過似乎我無辦法．．．人就係如此既渺小。正如小說入面既角色，佢地或者都會有想改變自己殘酷既命運既時候，但係佢地無辦法，只能夠默默地去接受我地作者所安排俾佢地既一切．．．
－－－－－－－－－－－－－－－－－－－－－－－－－－－－－－－－－－－－－－－－－－－