我本來就係一個獨立既人,我從來唔會依賴邊個,但呢刻真係好想有班FD同我一齊並肩作戰,好想大家無分彼此,互相鼓勵,唔會再同佢地計教誰高誰低,我地每次測驗、考試前都鬥成績,但其實好無謂,成績根本係顯示自己付出幾多,每個人都唔同,在乎勤力定懶散。呢刻我唔想離開B班,以前係,以後係,一直都係。因為實在唔敢想像一個人走既路。

      聽日就係派成績表既日子,我怕承受唔到........其實唔係未試過跌倒,但每次跌倒都要花一段時間先可以平伏自己既心情,最怕唔係失敗,而係失敗既時侯冇人o係身邊安慰,得唔到身邊既人support囉,我成日o係度諗,假如有日真係離開左B班,就會同D FD分開,我會咁諗去令自己出十倍既努力。事實上,雖然聽日好想入埋班房,但我驚接受唔到.....唉,總之,聽日唔知點面對!

      但其實今次好努力,做好左自己,但未如理想,今次係比上次好左,但未夠,仲距離好遠!!如果問我點解咁緊張,我只會答因為係自己既前途,無論d人點話我重視結果,話我貪心都好啦,我承認我係緊張個結果,有個老師曾經同我講過,求學不只求分數,仲要求學問,學問我求左,下一步就係求分數。Miss Lau同Miss Sham都講過呢,如果呢刻係咁緊張自己既成績,咁當初就應該努力。我認同呢句說話,我自問的確有盡過十分既力,但我同時自問自己真係太無用,咁簡單既事,只係考番入50名以內,我都做唔到!或者人地話我點都好啦,我真係d咁既人,我付出左,我同時希望得到既收穫係成正比,其實以前唔係咁諗,但因為差唔多升F.3,我太緊張前途!!!

     朋友,到底一「貧」仲係咪友?我唔知,因為而家面臨緊一個問題,我地幾個竟然為左一d小事而成日鬧交,而且.....佢成日o係度煽風點火叫某人去做一d大家都唔like既事,真係好離譜,好過份,已經唔係第一次。成日想調位,因為Miss調我地一齊之後,我知Miss係為我地好,但我覺得我地鬧交鬧得多左,佢成日唔知自己錯咩,明明係佢既錯,又成日話係我錯,諗起就火喇!!

     講真,愈黎愈唔想做FD,有代溝!而且我太仁慈,為左佢地....竟然一次又一次放棄自己想做既事,陪佢地去癲,最大問題得益者只有佢地,我冇份!唔係話d咩,而係......有時我like既野,又俾佢地莫名其妙咁搶走,我就無能為力。唉,我唔知點呀!!!!!!