向來我地成班踩單車既，都好少「西遊記」，因為住上水、粉嶺既，多數都係出左去大埔比較近既地區，而好少去元朗!
咁前日4月19，我同細佬以單車既形式去左元朗，我地以青山公路作為往返既路線，咁當然係比起林錦易!因為整段路大致為平路，其實都幾適合TT車行!
由上水出發，慢慢踩唔係好快，都係KEEP30幾KM/H出，大概1個鐘到都完成哂直頭過埋市中心恆香榮華個邊...
我地第一站去左食B仔涼粉，我同細佬諗都唔諗就叫左個B仔涼粉，60蚊好大兜個隻!都食到幾飽!
之後我地諗起元朗雲鵬單車店岩岩搬左鋪，舊鋪我就唔知係邊。咁岩我地係B仔附近見到兩個DOWNHILL既師兄去士多買汁汁飲，我就走埋問雲鵬位置，佢諗都唔諗就扯左我地去啦!其實雲鵬都唔算係大街大巷，因為佢係工業區個邊，如果你自己一個搭車以港鐵既方式去，朗屏站落車，再行入去都幾係野!
去到雲鵬，真係嘩一聲假牙都跌埋落地，真係好大間!個間鋪既大小係6000呎，有如一間汽車陳列館!
好啦!入到去，單車唔洗泊鋪頭外面，一尻就鏟入去講聲唔該借個車坐架洗洗就可以!中場一大堆SRAM件，簡直毒到我!因為左邊鈴架有條SRAM S40完成鈴，仲有ZIPP303框，玻璃櫃有好多SRAM既件...當然唔少得RED呢個老大級!
好啦!望一望右邊先，嘩!成堆車...有JAVA CL、JAVA CARBON、LG各類型號大小車、JAMES、LAPIERE...有D車係有INSTALL CAMPALNALOGO既 SYSTEM，我地終於有得玩!講真身邊暫時都未有好熟既朋友用緊...其一係錢既問題啦!
仲有既係，佢有大塊既坡璃，感覺好爽!
咁我見既然佢有SRAM既野咁多，不如我將條DURA ACE鏈都換埋佢，講真我忍夠啦!DURA ACE完全夾唔多，仲衰撚過MOWA!
好啦!我開頭就諗普通PC1090算吧啦!點知佢地D貨未處理好，只見1090R(頂級呢^^)，咁個店員就話會打折頭比我，殺啦!結果非常好用!
之後我地離開雲鵬，返上水!其實阿B黎個陣時佢已經少少爆計，唉!佢返黎個陣時仲大鑊!居然搞笑到比路途中既村狗一吠嚇一嚇，抽根!
咁我就同細佬返到上水就話:「不如出埋大埔啦!踩科學園啦!」咁佢開頭都唔係好想出，但比我說服之一下又出左去!
到左創新路，我地見到有對初哥爆胎，咁細佬有救爆胎工具，俠義心腸下幫呢位苦主解決左問題，原來佢都係住粉嶺架!
咁創新路其實都幾多人操緊車，細車有DEVIL既博士同賓佬，我本來無打算同博士玩，我知佢好勁!之後係我同細佬跑左4個圈之後，博士就揮手叫我入埋黎玩啦!一開始佢地以高速飛馳，我都係牛刀小試既情況跟下兩位高人，居然跟到!
跑左一個圈，博士對我既車仔有D興趣，講真有幾多人改到我咁既款?一直未見到同類!無啦啦，我見到我既嘉盛客仔阿文，哈!黎返轉啦!不過講真佢地成班朋友雖然揸TYRELL Si SV PKZ，但係唔係好快!我去完元朗用左D體力都仲可以埋到佢地身，咁即係我都唔慢啦!
細佬佢無法子追，因為佢已經爆左計!只可以係路邊觀戰...
唔講唔知，博士份人其實無乜架子，亦都好熱心一齊傾下車件既野，都幾開心可以得到博士既賞識叫我同佢搏過!
尋日4月20，我同老婆出左去二人世界，佢本來話想睇下旺角有冇迷你箭豬仔賣，不過行暈成條街都冇，只好睇下魚仔、兔仔、倉鼠個D之類...我地順路去埋KHS公學社，我終於入貨買到條Q2刀鈴，好正!
|
