當日其實完成林錦，其實我已經係超水準，據雞爺所講，佢以驚訝既方式回應:「TT車上林錦?我踩自己個部MTB都好難KEEP準轉數...」

明顯地，我呢個行為完全係瘋狂...能夠用TT車完成，我都覺得自己癡線!

四哥，比以前叻仔左，佢既搖車技術比以前係好，至少佢唔係亂咁舞，同埋佢識得用下手搖車，不過佢架車個D SETTING真係老實講係嘛嘛!其實講真我唔係幾喜歡個車頭，我覺得係好難揸!

中子...都係比以前進步左好多，不過車衫用錯!佢當日穿既係CERVELO TEAM 09'既RB衫，成件野黑色!西貢好黑，都唔係易睇到佢!

細佬!真係玩到爆計，佢係踩車踩到成腳出哂「鹽」，呢個唔係一個好現象，因為身上個D「鹽」其實就係身體入面既電解質，電解質係身體既能量，平日我地生活活動就依賴呢種能量，但家陣出哂黎，即係身體消耗好多...

理論:

1. 人體經過帶氧運動，身體會產生體熱，排汗，肌肉產生乳酸、電解質流失(能量下降)、疲倦感。

2. 電解質是人體吸收營養及礦物質。可以從飲食得取，例如: 飲寶礦力、食飯...

3. 電解質主要流失從排汗，如果該人排汗愈少，他/她的運動能力愈強。

4. 運動後，當身體皮膚表面從手摸到一粒粒如鹽粒物體，有機會是身體排出既電解質。或身穿一件黑色TEE，有濕有沾汗既地方(背脊最有機會最多)，有白色一個一個島狀既印。

5. 運動時，如果是需要進行耐力運動，飲水多是大忌...會令大量電解質流失!(跑馬拉松成日攞水樽飲水枝水個D係最白癡)

6. 運動後飲可樂亦係大忌，可樂入面係有好多糖份(糖=經消化既葡萄糖=電解質)，慢慢食野吸收梗係無事，一口氣入咁多貨...嚴重既係會暈低。(紅牛、力保健亦同樣)

另外，四哥同中子速GIANT TCR 3，其實改得比較好既係中子，唔係佢D件靚，而係中子改得比較吻合自己既程度!當然如果佢日後換車，最好係買GITANE同BMC...因為對於轉數感覺強既人黎講係好事

四哥，用BIANCHI會比較好，上山真係唔錯!

尋日，我同細佬好瘋狂地打算行林錦公路再用荃錦公路去大帽山，結果我地係失敗左...其實我地係第一關林錦已經踩到傻，我地由大窩西出到去行林錦起點，個時都未知死，一上嘉道理農場個段...1:8勁勁上，我細佬就無咩事，公路頭梗好上架...我TT頭簡直係上到仆直。

我地之後係嘉道理個邊休息左一陣，我地見到d巴士係上山上到響哂計，超搞笑!好似就快死火咁!相反地，d細車好似d mini cooper就好似轟炸機咁鏟上黎...

咁我地係嘉道理休息完，一路就下坡，好快!70幾下坡，我同細佬都同時feel係d沙粒係刺腳，d沙係打面個時，係痛架!

到左林錦尾迴旋處，我地轉上去石崗村行荃錦公路，災難係呢個時候出現啦!不過既轉彎，不停既上斜...上到我同細佬都驚，因為真係覺得段路係無止境咁上，況且我地係面對1:8及1:10山路，自己係踩緊小輪徑...不過就算係公路車700c都係有機會中招，因為真太長太斜!我諗MTB上就一定會冇問題!

據我細佬係GOOGLE MAP搵返我地尋日上到唔上停果個地點，我地果個位置只係荃錦公路大概4分1既地段，雖然google既實圖係講到中途有一段平地，但係都無用，係個段休息都會累死...

其實荃錦公路係極為危險，真係十足頭文字D依呂坡....好多彎，好急!無去過西貢或火炭穗禾苑係一定會出事!另外，我地尋日係個邊已經係夜晚9點幾10點，該處有人賽車，尋晚見到有s2000、dc5、dc2、altzzea...快到離譜!

咁我地返去大窩西，再去大埔...都係踩返d自己程度既好!我地搵埋中子同埋阿四一齊去西貢黃石...其實四哥係淆架!因為佢上斜真係好鬼水皮^^

咁我同細佬就返佢地既能力，係北潭涌大休...比佢地休一休，同時我同細佬都要休一休，因為去完林錦真係好累架...

最後到左黃石，我都係第一個落到黎，nice!

之後我地係黃石玩左幾個鐘!係個邊傾下d學校以前d白癡仔野，幾好笑既...

到返轉頭哂，我feel到阿四真係爆計，佢開始落後，我細佬亦都係，因為我細佬耐力本身唔係幾好，係快!但係好快無力個類...

我地去到西貢市中心食早餐，個個餓到飛起!係咁好快就食哂d野...

西沙路返屋企個時，好多車呀!係咁比d私家車係咁推...癡線的...

成個trip，累!但係我去到吐公個段，我係做左一個亡命既玩法，用高轉法炸車!四哥...呆左