琴晚掛住玩電腦,差唔多成2點先訓,今朝死死下咁起身,

攞三袋野番學,袋檸檬茶好重,好彩我家姐同我分擔下,幫我拎可樂...

行到富善,撞到陸柏榮,原來你讀書都咁勁架,繼續努力!!!

上班房hea,差唔多8:30就開始party,先食野,後玩遊戲...

有好多野食,例如壽司,藍莓芝士蛋糕,不同味道既雞翼等等,食到飽哂,

去個廁所番黎俾人捉左去玩大電視,朱偉良個女係邊個呀?真係唔記得,

結果懲罰就係,由4E以兔仔跳跳番4A,好多人望住...

鍾sir估唔中,去左4C同4D講:"I love 4A!!",爽呀!!!

之後玩辣辣壽司,開頭輸左俾阿奶,誓要報仇,幸好成功左,

肥健同鍾sir食到流眼水,我就冇乜野,可能我夠壽司唔係好多wasibi,

"如果世上沒傻瓜",咁扑傻瓜依個遊戲就唔洗玩...

到左交換禮物既時候,抽中左陳頌詩既禮物-糖果,蘇婉詠抽中左我隻dororo公仔...

幫手執枱清潔,同大包米落家政室洗野,個芝士火鍋煲超難洗,最後出動到校工幫手先搞掂,

但我地已經遲左成3個字先落到hall崇拜,分享者係盲人+右手冇左幾隻手指,

但佢好樂觀咁面對人生,仲成日搞gag tim,而且又識彈結他,一個能夠作為模範既人...

放左學同肥健,籮霸,梁皓証去體育館卜羽毛球場,4-6大埔墟體育館,

之後大元村食lunch,食完番太和同柱,小明aNd朗朗嗰d打波,

本身諗住打一陣,點知打到成3點幾,趕番屋企換衫褲,3:55分到左體育館,

佢地未黎,o係咁同人傾電話以作解悶,肥健同梁皓証到左,打得幾好,

條屎忽鬼籮霸成5點幾先出口,成日都係咁,一係唔到,一係咁遲先到,

之後去卜籃球場,諗時間諗左好耐,終於成功卜左下星期...

番屋企食飯玩電腦....

十兄弟+鍾sir

小弟人生第一日用QOOZA,大家記住多d黎ar...(記住留番個cm先好走)

今日就係2008年最後一天既上課日,

升上中四已經三個月了,4A既同學好,老師好,一切都好好,

雖然考出黎既成績都唔錯,但依家教d野唔多明,點解呢???

究竟係d野深抑或係自己上堂成日發夢呢???

希望可以o係聖誕假搵幾日睇下,溫下咁...(60%失敗)

就算今日係2008年最後一天既上課日,但一切如常...

依兩日凍左好多,非常唔鐘意依d天氣,

可能我份人比較熱情啦,所以鐘意熱d,夏天係最好既!!!XDD

頭兩堂PE,可以暖下個身,十個男仔玩既野簡直係其他班既兩倍,

首先九分鐘跑,23個圈,滿意既成績,之後打羽毛球,咁耐冇打都打得OK...

英文堂=對答案,兩堂用黎對Reading and Writing同Grammar Focus,

兩堂中文堂做綜合能力,好似會考paper仲易過考試....

lunch,依舊去大排檔樓下新開嗰間野(唔記得左叫咩名= =),d野好好食,而且又唔貴,,,

reading time=訓話時間,其實我都覺得考完試d人真係鬆左,上堂嘈左,我都唔例外,

但又未至於嘈到聽唔到書,唔知邊位同學投訴呢...

世史+經濟=催眠堂,次次上親依兩堂都勁眼訓,都訓過唔止一次,

經濟堂有突擊測驗,9/10,哈哈,勁符碌!!!

放左學o係課室幫手剪野同刷野,其後去百佳買聯歡既野,

買完搵籮霸買褲,荷包冇哂錢啦,仲要一抽兩"能",重到就黎連媽媽都唔認得,

領左2個百佳+1個bsx+banhaus+吉之島=5個袋,搞到我個膊頭好攰,由大中行番太和...

今年學界好快打,1月4日就開波啦,不過唔寄予任何厚望,但我會全力以赴!!!