琴日歌唱比賽決賽,4A班攞左最佳XX獎同.....埋冠軍!!!!

真係好意想不到,估唔到我地會攞到冠軍,因為冰天的太陽依首歌只係練左三日,

依個冠軍證明左我地所負出既努力同時間係冇白費既...

4A,I love you!!!

今日ole day,去大帽山郊野公園bbq+玩游戲,真係好好好開心,

雖然成為眾矢之的,被攻擊既對象,但只要玩得開心就得了!!!

詳情請自行到http://www.xanga.com/DT_milk睇啦!!!

小弟o係qooza up左好多相呀,鐘意既可以o係相簿慢慢睇,同埋留番個cm呀...^^

今次考試,真係.....唉!!!講起都傷心....

冇一科有把握,世史我諗唔錯既...(淨係計essay既話)

中,英,數三主科,又係摺得...數學同中文危危乎,數mc應該肥,

上左中學咁耐,考左咁多次試,最頹最絕望就係今次.凶多吉少!!!

未試過有一科未溫哂就去考試,今次既宗教+地理就係....

一路考試,一路打學界,真係第一次,不過冇乜影響...

男子甲組:八強(負圓玄1:3) 男子乙組:亞軍(負馬錦明2:3) 女子乙組:亞軍(負李嘉誠2:3)

大家都打得好好,雖然你地攞唔到冠軍,達唔到目標,唯有下年繼續努力!!!

黎緊個新年假,一定一定一定要玩盡佢....

放左個聖誕節後,話咁快就要考試lu,

聽日就係考試既第一日,但我溫書既速度非常慢,

有d科甚至連掂都未掂過,似乎今次上keep番上次既成績都幾難!!!

好彩頭嗰兩日考既野唔洗溫,用d時間黎溫下其他科...

考完試先再打blog,,,

 放左兩個星期既聖誕節假,終於完了!!!

今日正式番學,最唔慣咁早起身,而且又凍wo...

上堂skip,因為冇咩野好講,總括可以用一個字:悶...

放左學去睇跌打,一生人第一次睇跌打,既期待又緊張!!!

當然要問下我咩事,原來我係整傷左條刃帶同埋積水,積水?什麼來的!!!

俾個女士"卒"完屈完之後都鬆左少少,慢慢黎啦....

之後八婆去海濱搵李証,kaiting同伍慧研,唔該哂!!!

伍慧研咬人如麻,咬到我血都流埋,佩服佩服!!!

6點幾番屋企,俾屋企人見證我包裹後隻腳...

我唔可以咁懶架,話左溫書就要溫,但最後又係掛住玩電腦,

星期3開始要正式進入狀態溫習!!!

聖誕快樂!!!

今朝成2點幾先起身,諗住o係屋企睇兀電視,玩下電腦,唔出街,

但係實在太悶,最終都係衰左,出左街hea...

6點幾陪黃嘉詠落街市買打邊爐既野,好耐都未落過街市,原來一餐打邊爐既野都咁貴.成2百幾蚊...

之後約左柱柱去海濱傾計,唔知對上一次同你去街係幾時呢??應該都幾耐下...

兩個"麻甩佬"o係海濱坐o係度傾計,別有一番風味...(d風吹黎,其實都幾凍下)

乜都傾下,朋友+愛情+學業+屋企人,你既經歷同我都有d相似....

傾左個幾鐘就散啦,番太和搵黃嘉詠同伍慧研,佢地陪我去老地方食dinner,

鹵水雞翼飯+沙爹汁,正!!!食過翻尋味...

食完去左大廣影貼紙相,前日影完,今日又影,一星期見Leo兩次,哈哈!!!

唔好誤會,只是同班同學,佢地幾個既眼光都唔會咁差...

當興高采烈咁影完貼紙相後,我竟然唔記得左攞走隻三眼仔,結果飛奔番去舖頭拎,

如果真係唔見左,今日會係我既死忌...= =" (俾伍waiyin打死)

送埋伍waiyin留屋企,同兩位女士行番太和,我咁靜唔係因為我眼訓,而係另有原因...

番屋企,玩左一陣電腦就一覺訓到大天光..