| «‹ January 2015 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
頭兩個月的中六生活  |
分類: 未分類 |
升到上黎中六已經兩個月Lu,感覺都幾好,同班上既同學都玩得幾埋,
都係照番一貫既風格,上堂搞下笑,嘻嘻哈哈,有時訓下覺,有時就認真聽書,
日子過得好快,眨下眼就兩個月!!!
唔希望中七咁快黎,因為中七只係需要上三四個月堂就走人,真正離開救恩...
琴日同朋友傾起,如果我會考唔夠分,升唔番救恩會唔會唔開心?
當然會唔開心,不過原因唔係分數問題,而係冇得再番救恩玩樂,冇得同中三既朋友搭車番學放學,而d先係我o係學校最享受既野...
升到上黎,知道距離考A-LEVEL既日子好短,我會珍惜每一日o係救恩既時間,同朋友相處既時間,
因為我明白到時光飛逝,時間o係唔會等人架!!!
或許未必所有事情都盡如人意,但我希望能夠積極,主動,改變,問心無愧...
|
| 陸運會有感 |
分類: 未分類 |
往年陸運會都係以運動員或觀眾既身份去參與,
但今年就唔同,以副社長既身份去參與,着緊程度及責任感都大增...
事關今年與仁愛社既競爭比以往激烈唔少,自然激發各位求勝之心,以我亦唔例子...
當第一日聽到仁愛領先我地信實社,心裡真係有D唔愉快,如果我只係作為一個運動員或觀眾,
我相信我只會諗"聽日信實咪會追得番!!!",但今年完全冇咁諗過...
到左第二日,盡能力跑,盡能力叫口號,盡能力減少社被扣分,依d係咁多位社職所做的,目的都係為個社爭取最後勝利,
與中一同學一齊以雄壯又帶點沙啞既聲線叫口號,心裡帶點感動,看見他們奮鬥的精神,團結一致,付出幾多都係值得既!!!
到最後宣佈信實社得到冠軍,真係非常非常高興,嗰刻最想攬住既係鍾sir,
雖然佢又真係囉唆左少少,但佢為社所出既力同埋擺o係社既心機,我地遠遠不及!!!
希望o係水運會都有如此驕人的成績,各位努力!!! |
2010 年 8 月 19 日 星期四  |
| 魔法師的門徒+溜冰 |
分類: 未分類 |
琴晚經過一番商討,最後決定按原定計劃出發!!!
食lunch with jason and東東,好耐都冇食過M記,俾哂錢先記得原來自己有得coupon,
d shake shake粉得番hot and spicy,冇哂最鍾意既蜜糖xx醬,點茄醬食仲好...
等埋誠就出九龍塘AMC,睇1:20分"魔法師的門徒",買大爆谷,汽水,去埋廁所,準備入座!!!
成套電影都唔錯,可能我一向都比較鍾意睇科幻既電影,雖然d橋段冇乜驚喜同特別,
但只有去戲院先有依d效果,o係屋企感受唔到...
如果我係個男主角,真係非常不知所措,出生平平凡凡,但原來係至尊梅倫,肩負重任,拯救世界!!!
睇完大約三點鐘,行下街,去玩具反斗城睇下玩具,然後選擇左溜冰,
對上一次溜冰都要追溯到小五既時候,與家人及親戚,但嗰時只係溜左好短時間,
加上有家人扶住,所以自己獨自溜冰真係第一次!!!
我同誠同東東都唔係好識溜冰,只有jason係熟手技工,雖然仆直左幾次,但感覺良好,
頭嗰一個鐘只係識踩冰,但睇下人示範,終於識溜啦,不過間中仍然有仆直既情況出現...
東東自己跌到不特止,仲要kick到個女仔,好無辜!!!
東東跌左十幾次,搞到d工作人員都認得佢,就黎俾人black list...
隻手同隻腳都擦損左少少,不過最大獲莫過於我部電話壞左,點解我咁失策?
溜冰既時候部電話o係褲袋,所以仆直既時候撞左幾次,搞到依家開唔到機!!!
溜到五點半陪誠食野,then出MK行街,佢地就去睇下籃球用品,都學到小小野架,
逛左一會兒,大家都冇進帳,o係依段時間冇乜講野,因為我對依d冇乜了解,所以唔知講乜...
逛左一會兒,大家都冇乜收獲,於是搭倒頭車番大埔食野,o係一樂食燒味,
然後散band番屋企...
就o係踏入太和村既一剎那,碰到曉盈佢地,o岩o岩同完呂志南慶祝生日,
南,祝你生日快樂,身體健康!!!
於是同埋佢地食糖水,吹下水,依家先黎煩轉科既問題,放榜之前自己又唔諗下,
依家學校都唔知仲比唔比轉科,不過最後一年唔會咁對我掛?!
今日大家既話題都係集中係"14分,但不收"既李國銓,haha!!!
吃完就正式回家...
|
| 2010 年 8 月 12 日 星期四 |
| Hiuying's Birthday |
分類: 未分類 |
何同學,祝你生日快樂,身體健康,日日都開開心心~~~
同E班既朋友出旺角唱K,目的係幫hiuying慶祝生日,
我是非常特別的一位,因為只有我一個讀文科,同埋並非與佢地同班,haha!!!
同鍇,sexy,hiuying o係大埔墟火車站會合,renee同cecilia依兩對戀人就o係旺角會合...
兩點半開始唱,揸住支咪不斷唱,冇計,聽歌聽得太多,所以好多歌都識唱,俾我一展歌喉...
佢地隻耳仔就要受罪,成日都不得清淨!!!
梁漢文既七友,楊千嬅既勇,周杰倫既不能說的秘密~~~
六點鐘食蛋糕,究竟係綠茶,綠豆定薄荷味呢?!點知估錯哂,原來係蜜瓜味...
六點半有得食K-BUFFET,我餓左幾耐終於有得食野啦!!!
蕃茄長通粉好好食,又有得打邊爐,如果有埋壽司食就好啦,我一定搶住食!!!
唱都幾首歌,最後唱埋JOEY同埋LEO既狂串樂基兒就完場,商量下一場去邊...
本身諗住睇戲,但因為最早都係九點八既出租天使,睇完到差不多十二點,所以就影左貼紙相先,
都有一段時間冇影過啦,自從上次同完KAWING佢地影之後...
今次影貼紙相既過程非常艱苦,要攝鏡係非常困難,同埋過膠亦都係非常困難,
因為有D人手多多整亂哂,搞到又要整過...
then搭倒頭車番大埔,o係M記傾左陣計同埋玩人電話,hahahahahaha!!!!
唔知大家知唔知道俾我地玩緊呢?!hoyi穿左煲,不過佢本身都好認真咁答問題...
十一點幾就各自番屋企~~~
|
| 2010 年 8 月 4 日 星期三 |
KYC,I AM BACK!!!  |
分類: 未分類 |
放左個幾兩個月既假期,過得好開心充實,去CAMP,與不同朋友聚會,做義工等等,
不知不覺間就要面對放榜的日子,心情擔心而又緊張!!!
放榜前一晚同俊,朗等人唱K,輕鬆一番,吹下水去到三點就各自番屋企...
一落床就訓着覺,唔諗太多野,廢事杞人憂天,俊同健選擇玩電腦玩通宵,都不失為一個好選擇既,,,
六點幾起身,感到少許緊張和忐忑不安,七點九起行番學...
同暐搭巴士,傾下大家有咩準備萬一升唔到中六,又多一位同學到外國升學,希望你日後順順利利!!!
番到課室,與同學傾下閒計,等埋MISS同阿SIR黎派成績單...
好開心X100000,19分,係意料之外既分數,自己預計個RANGE係12-17分,點知高左幾分,中史仲要A埋,unbelievable!!!
好多相熟既朋友都幾高分,奶平22分,李証21分,june哥20分,monkey19分,可兒18分,waiyin17分,最意想不到既係charlie,有21分!!!
下年大家又可以o係kyc見到面,yaya!!!!!!
有得番kyc讀中六,可以同monkey攜手打學界,我地要攞冠軍!!!
而且有得同d中二一齊玩,大家只係熟左一年既時間!!!
最重要既當然係有得讀書,向着大學前進!!!
出面d fd好似權咁有18分,開心死佢,上年9分repeat,今年終於失而復得,原校升到中六...
努力加油!!!
|
« | 1 | 2 | 3 | 4 | 5 | 6 | 7 | 8 | 9 | 10 | »
|
