忍耐:

在一個酷熱的天氣下去wild camp,大家都可以想像到辛苦的程度,大汗疊細汗,

雖然如此,但我地明白到這正是我們平時最大既弱點,除左出街行幾步外,

每天都o係屋企對住部冷氣,非常舒適地生活,試問大家冇左冷氣會點呢?!

雖然短短的兩日一夜,但在過程中(煮食,行山)就能讓我地學會忍受炎熱,大汗,體味和昆蟲的騷擾,

幫助我們在往後生活有着一定的能力及經驗去面對事情...

在日常生活中,我們可能會遇到不如意及討厭的人和事,只要忍,慢慢地接受和習慣,

很多不必要的爭坳都能夠避免!!!

團隊合作

在wild camp,我地要在荒野中煮食,幸運地,組員中有兩個煮食經驗豐富,包括是jacky同珠珠,

即使係咁,但我地其他隊員沒有因此只倚靠他們,因為若分工合作的話,

順暢度和結果一定會更加理想...需要其他隊員如我同tim都冇乜依方面既經驗,

但我地都希望從中學習到一些烹調技巧及幫到佢地,例如幫手切野,滅蟻及洗碗...

除此之外,在翌日爬樹遊戲中,各組要想盡辦法將所有隊員安置到樹上,

基於危險性及一些規限,位置是有限的,平時唔太諗野既我,都肯主動想辦法,

其實平時自己都有諗下,但因為驚錯所以冇乜點發表,但今次我踏出了第一步...

其他組員也有着自己的角色,出謀獻計,扶助隊員,以使遊戲可以順利完成!!!

需要改進的---更加積極主動

唔知道係咪大家仍然未熟絡,所以有時都不太積極主動,唔會自己開口問下有咩需要幫助,

不過希望真係依個原因,因為只要多些見面談談,有多d經歷,種種的隔膜終有一天會消失...

而我覺得自己今次o係camp入面都頗為投入和積極,當然有些環節可以改善,

例如在煮食的時候,基於自己貧乏的烹飪知識,所以都冇乜點幫手...

但其實自己應該可以問問珠珠和jacky有咩可以幫到手,執下野,洗下野都得既!!!

Jacky係一個好積極主動的組員,在不同的環節中都會發表意見,詢問下我地既意見,

在煮食的過程中,在遊戲的環節中亦然,o係依一方面,他是一個值得學習的榜樣...

其他難忘經歷:

首先要記錄當然是在夜晚十點幾到"黑森林"獨步的事情,這是一個考驗我們判斷和情緒的task,

黑漆漆的森林,不准我地開電筒尋找目的地,真係有點兒驚怕!!!

杰sir話只有石屎路,我以為係冇梯級,當行到梯級的時候以為自己行錯路,個心窒左窒,

到達分叉路的時候直覺話俾我知係右邊,見到個着住白衫既阿伯,驚左驚,原來係杰sir,鬆哂!!!

Tim行錯左左邊,杰sir佢地搵左幾分鍾先搵到佢,嚇死大家!!!

之後兩個人沿路行番涼亭,驚的感覺完全消失,因為有個人在旁伴着...

第二樣難忘事可以話係整晚因為炎熱和昆蟲的騷擾而睡不着,幾個男仔赤裸裸o係帳篷內傾計,

杰sir佈下蚊香陣o係營出面訓...帳蓬的出面同入面簡直係天堂和地獄,出面涼好多!!!

隔離營d女仔都只係訓左個幾鍾,不過唔緊要,因為這是一次很難忘的經歷!!!

琴晚誠問我去唔去游早水,我二話不說就應承左,雖然自己唔識游水,但好耐冇入過泳池浸下水!!!

八點半彈起身,同誠,JASON,東東,輝去大埔游泳池SWIM...

去台灣嗰時拎哂D學生證,圖書證,搞到蝕左幾蚊俾佢,HAHA!!!

首先佢地去跳水,我唔識游水,所以只可以旁觀,見到有個女仔跳得有板有眼,如果我都得就好啦...xdd

then去左玩滑梯,成個游泳池最o岩我就係依個,因為個嬉水池冇開,搞到冇得游...

每條滑梯都玩左一次,藍色同紅色最high high,Jason臨尾撞到個pat pat,紅左...xdd

o係大人池,我只可以o係外圍,浮下沉下,玩左閉氣,嘗試過自學游水,可惜失敗,真係希望快d學識...

好失策,唔記得左帶底褲,搞到着住條濕淋淋既泳褲!!!

完左去食棧吃lunch,對住個風口位,好似冬天咁,凍到我死,食完即刻走出去,竟然戶外係天堂...

陪埋佢地番KYC,之後就去朗屋企打牌,俊着左魔,每次打牌同玩"pair" 牌都要賭錢,好賭成性?!xddd

玩左幾個鍾就番屋企換衫攞拍,過富亨打波,今日要求自己認真去打每一場球,但環境因素唔許可,

同恩既雙打要再練打好d,因為我地冇練波,搞到有好多基本失誤,要提升就要避免,今年混雙要名正言順打入四強,加油!!!

權d朋友黎左搞到佢冇乜心機打波,得番我,恩,彥,21號黃大仙分齡,第一個應該冇乜問題,第二個對青少年港隊,希望有d睇頭...

過埋依個grad din,大家要等到幾時先能夠再聚首一堂呢?!

下一次見面,相信是黎緊會考放榜,心情唔會好似今日咁輕鬆愉快...

三點幾過游嘉敏屋企整頭化妝,我淨係整頭架咋,冇化妝架!!!xddd

幫我拉直,gel幾下,個感覺已經唔同左,頭髮真係好影響人既外觀...

六點幾先搭車過火炭join kawing,馬sir,kawaing話我個樣似紅毛猩猩...@@

七點幾先入會場,全部人到哂,校長講緊野,搞到好尷尬...

快d到buffet既時間,因為起左身都依家都未食過野,救命!!!

估唔到肥健會咁樣着,斯斯文文咁...^^

到表演時間,冇乜人會聽唱歌,大家都掛住去影相,李証beatbox同c班玩遊戲係最high,

"宇宙通行證","戰鬥暴龍獸","沒有蛋的蛋糕",點估ar?!XDDD

抽獎抽唔中我,但係佢地D禮物唔要俾我,大包米對情侶杯,肥健盒髮泥...

十點幾完左番大埔食糖水,then唱k,邊睇波邊唱k,得肥健一個係支持烏拉圭,其他都係荷蘭既fans,結果不出所料,荷蘭贏左...

第一次唱k唱通頂,第一次邊唱k邊睇波,亦都係第一次咁大班人唱k!!!

完左唱K,大家都WING WING地,成晚冇訓過,大包米同CHEUKLEE走先,其他人過太和飲早茶,

唔知咩事HIGH大左,係咁引人笑,小CAMP,KAWING笑到傻左,HAHA!!!

同KAWING係咁發功,真係諗起都笑死!!!!XDDD

近八點番到屋企,即刻沖涼訓覺...

前幾日病病地冇理到,搞到通埋頂真係病,點解要依個時間先黎病?!

在救恩五年既時間,眨下眼就過去了,

除了學習之外,交朋友,運動都能夠於學校做到...

所以由中四開始,"唔想番學,覺得學校係好悶既地方"依d觀念完全改變,學校真是一個好地方!!!

一直推動我能夠努力溫書的並不是日後搵到好工作,而是在學校與同學開開心心地玩樂和學習...

今日係畢業禮,代表我們中五和中七既同學o係救恩書院既時光暫告一段落...

兩點番到學校,蠢左,應該早d番去影相,搞到依家只係影得好小相,老師又影得一,兩個,同學又冇影哂,唯有等待grad.din的時候...

之後就落禮堂進行畢業典禮,彭老師唱歌不斷令我們大笑,加上詩歌的古怪旋律...

就黎到授憑既時候好緊張,因為好少可要面對咁多來賓和家長...

授憑後,羅太對我做出"well down"既手勢,個心即刻安樂哂!!!

當校長頒發長期服務獎既時候,何健興老師同尹鑑雄老師獲得同學浩瀚的歡呼和掌聲,

做老師最有滿足感的並不是地位和人工的高低,而是得到學生的愛戴...

差不多五點畢業典禮完畢,大家即刻去影班相同搵fd影相,而我亦都唔例外,

但由於時間緊迫,搵唔哂d 朋友影相,難得着住畢業袍ma...

完左冇活動,同阿奶佢地食完飯就番屋企...

雖然d筆試完哂,但口試陸續有黎...

除左地理真係考得好差之外,其他都可以接受(考左都冇得唔接受)

我真係好想升中六...especially,救恩!!!

最後一日考宗教,甲部唔錯,乙部冇貼LABEL,搞到冇左唔知幾多分,希望俾我C到...

公開左我同NG WAIYIN一齊...(假)

完左去左唱K,被人剝削我唱歌既權利,人地唱歌咁好聽,竟然唔識欣賞...

次次唱k都係希望可以唱耐D,但今次我地係希望快D CUT我地,haha!!!

唱完去大元街市買料打邊爐,實在太眼訓了,俾我兩個鍾訓覺就好了!!!

等埋kyleung番大埔就上佢屋企,鋤下dee,hea下...

搞左一陣就開始hotpot,"拾"下"拾"下咁,食菜為主,之後同豪o係天台傾計,

傾下學業,又傾下政治,又傾下情,乜都傾下,肥健都真係.....

o係班上面既男仔,能夠傾到暢所欲言真係都唔容易...

與友人傾計,確使人看得開一些...

有d人搵朋友搵到9點幾先上黎,唔知邊個朋友咁重要...

掛住傾唔理佢地,就算連"偽女友"ng waiyin都唔理...

完左邊爐例牌去八號傾計,落下毛毛雨,十二點走人...

假期開始放,有好多野想知,1.旅行 2.打波(希望有獎攞) 3.搵工 4.買野 ETC,

有d野都想做,但做到既機會好好好好渺茫,所以無謂打出黎...