一連五日既term test戰役終於完結,出黎既成績應該麻麻,

但唔緊要,我一定會再接再厲,視珠珠為目標,,,(可惜有心無力!!!)

綜合咁多科,最不滿意既係數學+世史,最唔識既就係地理同英文,

就算溫左書,地理依然係唔識,份卷真係幾難下,諗住依科o係會考攞一個不錯的grade,念頭可能要打消,,,,＝　＝

考完試十分開心,去左聽嗰個野外定向既會議,聽完等於冇聽一樣,去到實景先講比較好d,,,

之後番左屋企換3,立即出街食飯,粒痱滋痛左成幾日仲未好番,幹什麼???搞到我d胃口都少左!!!

2點去左打籃球,打左成兩個幾鐘,加上烈日當空既情況下,汗流浹背,又冇衫去換...

打完去左打壁球,雖然只係短短半個鐘,但已經好滿足了!!!

但拉傷左少少肌肉,希望可以快D好番....

之後送埋李嘉俊同籮霸番屋企,就番歸食飯,9點再去富亨打波,

身為區隊,我一定要提升我d技術,唔要同人有好大既距離,依幾日應該都會打波,希望練番之前d波出黎,

今日打都係麻麻,全部輸哂....

真係好眼訓啦,隻腳好攰....

依家係凌晨既3:25分,點解我仲唔訓?因為...我都唔知點解...= =

考左兩日試,嗰幾樣既過得去既...我諗....

第一日考中文閱讀+宗教,中文閱讀比上次易,但都係麻麻,我D中文太弱啦,

相反,宗教比上次難,有D問題就算溫左書都未必識...

放左學去味千食lunch,同幾合fd傾計傾左成四粒鐘,真係快樂不知時日過,番到屋企狂咪書...= =

第二日考英文listening+中文綜合+地理,一日考三樣野,仲要成2點45分先放,真係第一次!!!

英文listeing勁難,連法文都出埋,真係攞命,好彩有data file攞番d分姐,

中文綜合就幾易,但都唔知點寫先會高分,依樣唔敢擔保合格與否,

輪到最想攞好成績既一科－地理,估唔到會敢難,MC比長問題容易,想O係會考攞好成績,相信仲要下好大既苦功!!!

夜晚去左練波,冇打咁耐波,一黎就要比賽,搞到輸鬼哂,輸唔係問題,因為D人真係好勁,我要練番好D波...

要加把勁溫書,中史,世史,MATHS,ECON,放馬過黎,最多咪死!!!XDD

依個星期成四個quiz,

星期一:數學 星期二:地理 星期四:中史+世史...omg!!!

雖然依家只係中四,但係我已經明白到將來中五會有幾辛苦...

其實咁多quiz都好既,幫我地溫下書,唔洗成日係屋企無所事事咁!!!

琴晚去左做補習老師,講出黎都笑大人個口,

幫個小五既朋友溫下書,教下佢d野,好彩我仲記得姐...=]

食完飯之後o係富善體育館打波,9-11,o係度玩"逗波"同削球...

經過一番商議後,去左好好食糖水,粒魚蛋同眼珠既size差唔多咁"大",好彩我叫左燒賣...

12點幾先番到屋企,好耐冇試過咁夜...

唉...

依排星期六同日都冇乜野做,

淨係o係屋企玩下電腦,睇下電視,

有時出去跑下步,打下乒乓波,真係好無聊下!!!

譚嘉偉o係星期六又創下左個人既紀錄,

我未試過作文作過1000字,今次仲要o係1400字,

雖然唔係寫得好好,但都唔錯既,希望有得登o係校刊啦!!!

下個月頭又測驗囉,唔知大家開始溫習未呢?

身為中四學生既我,對每一個既小測考試都唔可以放鬆,因為可以當係操練....

大家都要努力加油!!!^^

近排我地班都幾多人病,有成4個人冇番,

我先O岩O岩好番咋,唔好傳染俾我呀!!!

連一向聲音+身形都好雄壯既朱SIR都病左...＝　＝

數學堂ms wong冇番,mr 黎樹熊代堂,佢個樣好似好不爽咁,但又幾好人wo...

番到屋企先知原來ms wong出左事,希望你早日康復,快d番黎教我地數啦...

放左學上嗰個咩鬼野課程,無聊到爆炸,o係課室上好玩好多,上左四堂都唔知學d左乜...

之後去左打乒乓波,着住件恤衫打,熱到死下死下,成件衫濕哂,仍然是長勝將軍,因為....

搭巴士番屋企...

差唔多成個月都冇打blog啦,唔知大家有冇掛住我呢?!XDD

唔知係咪財多身子弱呢,敵不過病魔,傷風了...

搞到依幾日都冇乜精神,上堂冇乜心機,好彩冇小測姐,

琴日PE堂Level跑,比9分鐘跑及校外跑更為辛苦,跑到Level 11.1,有個中一可以跑到Level 14,真係勁...

十個男仔上PE堂,真係好好好好爽!!!

綜合能力做左差唔多1200字,第一次作咁多,希望唔好作多錯多啦!!!

放左學中文小組討論,簡直係徹底失敗,完全唔扣題,不過係一次好好既經驗...=]

AND THEN去左打波,出番身汗,舒服D,希望可以快D好番啦!!!

快將踏入性育週,我非常期待嗰日既來臨...

今日上堂冇乜特別,略...

中史堂既時間,傾測驗時間傾左好耐,好似搞到陳sir好唔好意思tim....= ="

放左學去左功課輔導,d中一真係好鬼得意,小小事都可以玩成咁,不過都好,唔洗咁鬼悶..

期間去左學生會睇Lily嗰d練舞,唔好誤會,我唔係去睇女仔,只係想打發時姐!!!

back home alone...