在救恩已經五年了,o係一片歡笑聲中度過,

"歡樂既時光真係過得特別快",o係今日嗰種感覺異常強烈...

上第一堂,睇由紅腸嘔心瀝血既傑作－4A至5A的心路歷程短片,

班會活動,OLE DAY,陸運會,CAMP,詩歌比賽,CHRISTMAS PARTY等等,,,

感觸良多,眼泛淚光,o係眾目睽睽下都係避免番下男兒淚好d

之後嗰d堂,雖然有d老師都係教書,但我諗冇邊個同學會專心聽書,與同學傾計,影相,玩等等...

小息,lunch,放學把握時間搵同學影相,但由於時間有限,真係影唔哂,

希望下年能夠番到黎,再影番!!!

放左學o係學校hea,唱歌,耍盲雞,"埋周",最尾俾李sir話"依家仲未係last day架,你地仲有個mock!!!"

夜晚去名苑打邊爐,例牌去八號傾計,有三位新成員加入,

如果紅腸O係埋度就好,佢一定死梗!!!

現在後悔為何中一,中二,中三唔積極參加多d活動,到左中四先黎參加,太遲了...

29號真真正正既last day,嗰日之後,事無大小都應該唔會點番救恩,

可能同d fd食下飯,或者搵d老師傾幾句,救恩依個大門口,等埋我!!!

Happy!!!

琴日3點幾訓,今朝七點就要起身,依d係咪叫做自討苦吃?!

對上番大陸已經係3年前(大概),今次上去都有少少驚張,

雖然係一家人,但始終咁耐冇見,個個都大個哂,點都有d怯怯地...

搭左個幾兩個鍾既車程就番到惠洲,變左都幾多下,都唔係幾認得d路lu...

番大陸既主要係見下阿嫲,因為佢盲左,只係可以靠聽我地把聲同摸我地隻手交流,

由於言語既局限,有好多野我都係聽唔明,唯有叫爸爸幫我翻譯...

之後過伯娘度食齌菜,傾下我o係香港d野,叫我多d番黎玩,多d番黎探親,

我竟然俾人叫做叔叔,18歲都未到就叔叔,媽咪叫做阿婆,仲要係第八個,咪即係八婆

不久,譚xx 訓醒落黎食飯,已經好耐冇見,佢都生哂鬍子,大家只有眼神接觸,沒有言語交流,

唉!!!大個左,又咁耐冇見,唯有日後多d時間上黎再聊下...

三年前,一齊放鞭炮,一齊玩,真係好開心!!!

發覺,原來我唔高都係遺傳,因為大陸既親戚都係唔高,最高係我,由此可見...

3點幾就搭車番香港...

有機會,考完會考,我一定會再番黎!!!

o係屋企抖左一陣,就要出去拜年,

有好多野食,醉雞,咖哩蟹,盤菜等等,津津有味...

當然逗利是係非常重要既野,細姨竟然唔記得左俾

本身諗住打麻將,但姨丈嗰d聽日要早起所以取消左...

其實本身今日都冇諗過出街架,但係忽忽九點幾嗰時打黎問我行唔行花市,

初頭拒絕左佢,但之前心諗"一年先得一次,咁不如出去啦",結果都係出左去既,,,

由於好夜先出,所以冇去到好遠,近近地o係大埔風水廣場行,

下着毛毛細雨,別有一番風味...

撈左兩次金魚,重拾童年趣味,一開始用六個撈只係撈左兩條,

第二次有進步,六個撈有八條,但隔離嗰個人,一個撈撈左五條...

之後送左兩個吹氣結他...

1點幾就番屋企,但聽朝7點就要起身番大陸,救命!!!

 中五最後一次既ole day,唔希望會係o係救恩既最後一次...

朝早教鬧鐘7:20分起身,結果同張床糾纏左半個鐘先起身,搞到同班fd食早餐遲左,sorry!!!

朝早聽講座,即使你俾多十九幾萬個建議我都好,我既目標只係得一個－升中六!!!

o係救恩升到中六,好多目標都可以達到,不少得既當然係打學界...

聽完之後同肥晴,waiyin嗰d食lunch,大多數既話題集中o係中二既朋友身上,

始終都有分離既一天,有幸既o係救恩對多兩年,不幸既今年係最後一年,只好靠電話或msn聯絡...

lunch完番到社區中心,係今日既重頭戲－跳舞...

首先有班街舞表演,型ar,正ar,如果我識跳就好啦!!!

then就到班際跳舞比賽,o係大約25分鐘內練好一part舞,一開頭覺得幾難,但跳跳下又幾順,

我覺得我地班隻舞比其他班型,唔理跳得好唔好啦,自己享受就行了...

最後攞左銀獎,已經滿足,個個都係第一次跳咁濟,5E又真係跳得幾好,幾齊,攞金獎實至名歸...

http://www.facebook.com/album.php?page=1&aid=53668&id=1280414449#!/video/video.php?v=1366929814870&ref=mf

我地班跳舞既Video

最後決定唔到去邊度,所以番屋企...

今個OLE雖然冇出去乜野景點遊歷,只係o係大元跳左好少時間舞,但已經非常心滿意足...

一齊排舞,有講有笑,足以體會到合作性,互相幫助既精神!!!

o係kyc最後一次一大班人既ole day,感覺是良好的!!!

I will not forget every ole day,because...all are my valuable experiences

朝早去上水考試,琴日幾緊張,但今日只係少少緊張,可能因為未溫哂書,豁出去...

份卷幾難下,無論係LONG QUESTION定MC都唔係好識,計過只係得40分,點考會考呢?!

睇左D答案,好多都識,但點解好似唔係咁既?!

之後番大埔搵誠,陪佢買眼鏡同X,今日咩日子,點解會見到咁多中五?!

一幅眼鏡既金錢可以俾得買到好多野,不過千金難買心頭好,喜歡就可以...^^

番屋企換埋衫又出去,非常緊張!!!

因為好耐都無教波,隔左一年有多了,自己一個搭74X真係第一次,最終於搭長途巴士,

去到觀塘,人生路不熟,究竟邊度係曉光街,於是o係咁問人,幾經辛苦終於到左目的地....

好彩個教練要求唔係好高,所以教教下感覺都幾舒服...

其實我都幾想同d人傾下計,但又唔知點開口,錯過左一個識朋友既機會...

一開頭以為教一個鐘,原來教兩個鐘,仲諗住番去睇頒獎禮,

企足兩個鐘,雙腳攰到死,又要行成幾個字去搭74x,當鍛練下d腳骨力...

睇睇下電視訓着左,,,