依兩日身體有些不適,幸好節制玩少D電腦休息,冇乜野了...

雖然如此,但上堂仍然都七嘴八舌,因為上堂既時光係好開心!!!

調左位之後都好開心,大包米好好笑,紅腸又好玩,但我上堂又冇咁專心...

不少老師都話我退步左,懶左,其實我自己都覺得,只係唔知點解上到中五好似唔願做野,

搞到好多科目都退步左,只有自己喜愛既地理有較好成績...

醒啦!!!譚嘉偉!!!

今個星期本來有3個小測,幸好鍾SIR體諒我地,比我地下星期1先測,但都有幾多功課下,

開始體驗到中五既生活,雖忙碌,但都幾精彩!!!

明天OLE DAY去石澳玩,應該幾正...

無懼任何聲音,但求一伙兒

好耐好耐好耐都冇打過QOOZA,因為覺得XANGA會比較方便D...XP

升上中五,真正擔上"末代會考生"既名義,雖然如此,但壓力都唔係好大,

可能係因為未行到懸崖邊都唔知驚!!!

真係好希望可以番到救恩讀中六,一來唔洗離開依個5年既大家庭,二來唔洗離開相識多年既朋友們,

為了達到目的,我一定要努力努力,加油加油!!!(可惜我仍然....)

依幾日北風蕭蕭,極為寒冷,"冷得我滕滕震"...

唔知點解覺得今年比上年更加凍,而且唔係普通凍咁簡單,似乎氣候變得真係極端!!!

希望快d暖番啦,搞到我好難專心,個嘴又"爆刷",又成日鼻塞,真係不爽!!!

各位保重身體,着多幾年衫...^^

唔知下次打blog又係幾時呢?!

琴日又唔係夜訓,今日唔願起身,懶床懶左陣終於起身...

同誠去陳漢記食lunch,原來黎依個地方有原因既,d蝦粉幾正!!!

上左誠屋企,見番個小學同學,自己尷尷尬尬咁,但佢好似唔記得左我係乜水...

佢地走左就同誠o係房打機,好耐都冇玩信長,生疏左好多,俾誠sm,等我得閒練下先!!!

打左一個鐘落樓督波.好開心我進步左,雖然唔係真係話好掂,但冇之前咁多撻q,而且都入到波,ya!!!

打到依度,收到個電話,我...

終於可以過番d人既生活,依幾日簡直人唔似人,鬼唔似鬼!!!

每日番到屋企就即刻訓覺,搞到溫書要溫到成2,3點先訓得覺,攞命...

所以今日考完試,食完野就即刻番屋訓覺,之後先出街...

今日考中史,考考下肚痛,個老師睇住人地屙屎,咩料子!!!

幾驚唔夠時間,係咁寫係咁寫,但係都有一,兩條略左...

依次考試兇多吉少,地理最有信心,希望可以考得好,世史同經濟係考得最差既一次,吃得屎了!!!

唔想重蹈上年覆轍---臨尾香...=(

夜晚同柱柱,朗朗等人出左去,買pizza同sushi去新街市個平台食,

幾個"麻甩佬"吹水,講下咸野,又講下心事...=)

仲有10日就大考,唔知大家溫書溫成點呢?

我就唔係幾夠時間,宗教同世史掂都未掂過,WTF!!!

感覺上,依排d成績退步左,冇乜心機上堂,救命呀!!!

真係好想快d考完試,我想睇戲,買野,打波,好好咁抖下 etc

可能思路閉塞左,諗唔到有咩野打...

加油啦各位!!!