轉左新版面~希望可以轉轉運la~~~
今日同Milky佢地去左二樓后座食飯~係幫Milky廢祝生日la~本來一切都好好,奈何勁差既服務態度同野食就令今晚變得唔完美了~唔怕~下次去另一間再試過~
唔知點解突然間想阿Yeah快d返黎~三個女仔差咁一個總係有點不自然~阿Yeah快d返黎我地出去玩呀~~~~~~~~~>0<
最近常常留係屋企寄信,一係就同阿媽去街,好耐冇一大班朋友一齊玩了~有時一大班一齊玩真係唔錯呀~~~
不過今日居然唔見左阿媽俾個隻戒指...冇辦法~完全冇留意~不過感覺唔係好適合我戴就真既~算吧~唔算都要算了...ORZ
希望快d搵到工,然後有錢做自己想做既事就好了~
今日好好好眼訓呀~朝早7點就起身出北角~不過間cafe個早餐真係唔錯呀~係好西式既cafe黎,隻庵列既蛋加左芝士,所以又軟又滑~呢種手法都係第一次見~配埋豆,滿滿既煙肉,蕃茄,橙汁同珈啡,呢一份早餐真係非常完滿~不愧為西人同有錢人先入去食既早餐~不過有錢得黎算抵啦~四十蚊有找~點解話有錢人先去?因為坐隔離既就係一班送仔女去國際學校讀書兼唔同國籍既師奶,另一台就係正中西人~咁我只好話呢間野係有錢人黎既地方啦~~~不過真係yummy yummy呀~~~

已經好耐好耐冇寫過日記了~其實唔係咁寫到野,因為日記愈多人知,寫到既野就愈少,呢樣野係真既~

呢輪了結左好多野,放低左好多野,又發生左好多野,真係唔想再提了...總之我既人生大致上要步入另一個階段,就係搵工啦~~~我呢輪開口埋口都係搵工架啦~直至真係搵到份工為止~

點講好呢~一發生事身邊既朋友就會黎一次大風吹,調晒位,邊個排咩位,自己心裡有數啦~不過講到維繫友誼我唔係唔想,只係我真係唔擅長...請大家多多包涵呢...如果見我好摺,唔好以為我唔care,其實係我唔識點care,呢樣野係我好大既缺點= ="我真係冇晒辦法了......

3月20日

有成個幾星期沒寫日記了~最近發生既事都幾多呀~~~
首先就是我買左Lolita了~而且著左去JU既問答比賽~~~不過得我一個著= ="都冇所謂既,因為好漂亮呀^^Lolita係好易上癮既野黎~又方便,又漂亮~只係貴左少少~唔怪得咁多人鐘意玩~~~JU既問答比賽應該係我上莊既最後一個大型活動吧~之後唔知幾時先會有得再參予攪活動了~

另外我婆婆入左醫院了~冇咩大礙的,希望好快可以出院啦~而堅堅就第一次見過女仔~~~同佢差唔多年紀的~佢居然第一次見面就企圖硬要人地做佢老婆= ="當然唔得啦~希望唔好嚇親人地就好了~><菲菲好得意呢~成日都鐘意反肚~XD攪到個主人都冇晒符~XD又乖,又聽話~希望個主人回心轉意,唔好將佢俾左人就好了~~~

另外尋晚睇左月姬動畫版既大結局~好慘呀~><不過對於日本人來說,咁既結局先係好的~因為佢地唔會相信有大團圓~但係故事交代得都幾hea~可能係動畫版既關係吧~希望漫畫版會好些啦~

3月10日

今日環繞我的就係project同漫畫吧~兼職方面還是一籌莫展,正苦惱中........= ="
呢幾日陪住我的漫畫就係'艾瑪'~睇左第一期之後覺得好好睇,所以就買晒1-4期黎睇了~真係好好睇呢~畫得好細膩,似乎每個畫面都經過精心安排,而且亦睇得出作者既任性~一個鏡頭好似隨作者意願,明明小小的,又可以佔成版~噢,真係犀利~
不過睇左幾期我都好迷惑~艾瑪似乎是一部中性的作品,所謂中性,就是無法區分佢到底是少女向還是少年向~說到出版社就好像是少年的說~從內容看好似是少女,因為以戀愛為中心~~~可是充滿女僕的場面還有偶爾的裸露鏡頭又好像會吸引到男性的青睞~因此即使是看了十多年漫畫的我也摸不著頭腦了~不過真係要分的話我會說它是少女向的~因為內容著重對人的感情刻畫~主角和身邊的人的感情變化是故事的中心~而且艾瑪的女僕怎樣看都不是刻意地要畫給男生看的~但是呢從畫面風格上看算是比較另類~在裡面沒有水汪汪的大眼睛,也沒有英俊得誇張的俊男~就只是男女比例恰到好處的樣子~如果想看俊男的女生光看封面一定不會買~因此我覺得艾瑪是給比較大的男女看的~大概廿多歲左右吧?正值能吸收各種新事物又比較成熟了的年齡~~~如果說艾瑪是給比較大年紀的人看我又不敢苟同,因為深度還差一點.....感覺不像是Monster那類的年齡層(雖然Monster也有十來歲的男生看啦...不過據說其實是給大人看的)所以感覺上是給廿歲左右的男女看啦~就是這樣~起初我還以為是一部名著改篇的作品,可是求證後發覺其實不是,這部艾瑪是原創作品~!!詳細的資料搜集和人物設定真是仔細得令人咋舌.....是我才疏學淺嗎?不過我覺得這個作者已經很厲害了~沒辦法拿寫輕小說的作者與之相比啦~因為兩者是不同的~艾瑪是純漫畫畫出來的,所以不能與輕小說作者比較~不知道那個優悠寡斷的少爺與艾瑪會怎樣?雖然我不喜歡威廉的性格,不過我會為艾瑪打氣呢~終於跟威廉重逢了~好感動呀><下期真令人期待~

3月9日

今日又去探左套Lolita~好貴呀~7百幾蚊...好肉痛...但係又好想買...因為真係好適合我....另外睇中左一個黑貓既萬年曆,幾可愛咁~而家諗緊買哈爾既萬年曆好定係買黑貓既好~我覺得有個萬年曆會方便好多~信和上面既舖頭都幾多有趣既野賣呢~聽日再去探探件衫......

聽室友講Xanga又有新既checker~咁攪法想講人壞話都有些難度了~^^"

最近愈來愈喜歡Avril Lavigne~佢既歌真係百聽不厭~^^