首先尋日星期六同班組仔組女re u打邊爐,雖然我組剩係黎左一個,但係氣氛都幾好~可惜大門病左,希望佢快d好返啦~
今日同阿正,真純,Elton一齊去上環好傳統既一間酒樓飲茶,見到好多人出去'搶'點心,真係令人好懷念細個時出去搶海皇餃同灌湯餃既情形~另外,一人一盅茶真係好過癮~自從台灣之行後,我都冇試過一盅茶自己飲了,今日又可以嘗試到了,真係爽呀~食完之後就去日本祭了~日本祭有好多野睇,不過最主要都係sell日本旅遊點,有野食,墨魚汁麵超好食呢~^^陪阿正飲左一罐啤酒,雖然個人浮浮地,不過冇醉到~同佢地行左好多地方,真係大開眼界~
夜晚去旺角同預科班朋友一齊幫朋友慶祝生日~去食元祿壽司~估唔到又d魚又幾新鮮喎~食左幾件自己鐘意食既壽司,主要係同佢地傾吓偈咁,都幾好~之後又同朋友去左行街,又夾左兩個公仔返黎@@雖然買左好多冇用既野,不過真係幾開心呢~
駛突晒錢啦........聽日開始要節衣縮食了.................................

今日,我嘗試話俾自己聽唔好再追尋鏡中花,水中月,因為一切皆是虛幻,不過要說服到自己都真係有些少難度..........

今朝成功交收左個便便收集器~以後唔駛用手執堅堅既便便啦~
今日又係開館日,返去打好左封電郵就開始坐係館度幫手~唔知點解集中唔到精神,反應奇慢又笨手笨腳,心不在焉~可能太早起身然後冇食早餐既關係? 尤魚講過唔食早餐會令人變蠢,唔通係真既? 快要收館既時候,同大家傾偈傾得太入神,攪到唔知俾邊個罵左兩句,我都唔敢睇係邊個了~算,我自己抵死的~
呢幾日見到大門佢都多謝我送份禮物俾佢,似乎佢真係好鐘意~好開心呢~ 其實冇話唔原諒佢既...我都只係想佢可以認認真真同我食返個tea者...畢竟..尊重係好重要的~
阿Yeah唔知點呢?希望傾過之後冇事啦~支持你架~
就黎考日文了,好驚呀

真係好好睇呀~這次我用兩日就煲晒了,因為實在太好睇,一睇就唔想停,雖然真係好唔捨得伯爵就咁死左,不過諗深一層,基度山恩仇記本來講既就係因果循環,由於伯爵殺左人,所以最後承受返結果都冇辦法...不過最後能知道伯爵既真面目實在太好了,講到尾佢都唔係壞人嘛~所以說有班好手下的領袖通常都不壞^^不過最後得救既片段,總覺得好少女漫畫的感覺...不過也無所謂了,得救就好~^^首主題曲作得好好~我諗呢套動畫應該會成為經典作品吧?
知道伯爵唔係大反派實在太好(或者仍會有人覺得佢係大反派?@@),因為我真係好鐘意伯爵,佢舉止優雅,一舉手一投足都係咁吸引~嘩呀~如果佢唔係俾岩窟王附身,如果佢唔係俾人出賣,佢會係一個幾咁好既人呀~~~到最後無論係阿爾帕或弗朗茲,佢地對伯爵既立場都冇錯,在岩窟王中,對與錯既界線本來就好含糊,不過現實本來就係咁~
弗朗茲交俾阿爾帕既那封信既內容其實我都對用,因為我都俾人出賣過利用過,無論遇到咩事都唔好憎恨...因為愛與恨其實都源自對某人的思念嗎?呢個要思考思考...不過伯爵追尋的其實是信任和愛吧...所以阿爾帕由始至終對伯爵既尊敬和愛就化解左岩窟王既咀咒...雖然伯爵最後都係死左,不過總算唔駛行屍走肉了,都算係好結局啦~

今日係值得紀念既日子,因為由今日開始我開始養狗了 佢係一隻黑色既臘腸狗,三個月大,男仔,好活潑好可愛又好聽話,真係好鍾意佢呀 同佢簡直係一見鍾情呢~前兩星期左右我同媽媽仲有Rosa Auntie無意中入去暑寵物店睇吓狗仔,就俾我地見到堅堅啦~睇睇吓發覺佢好得人鍾意,原本諗住買俾個朋友養,點知個朋友話唔要=.="一聽到人地唔要佢當時既堅堅就發出嗚嗚既聲音好似好可憐咁~那一刻就覺得佢又幾識逗人,又識聽人話~那一日之後我同媽媽一齊再去睇佢,唔係考慮左好耐就落左訂~今日就抱左佢返黎了~ 好得意呀~在籠中就成日要人玩,放佢出黎抱就郁都唔郁,好似好舒服咁~知道我地唔得閒陪佢佢又會好乖咁自己玩~超超超得意呀~而且佢又唔似得有些狗入到新環境會吠,佢而家既行動就同寵物店時冇咩分別,性格唔錯~ 我會買些養狗書黎睇,希望佢可以健健康康咁成長啦~