今日去左圖書館攪攪論文既野~另外去左10蚊店勁抽青蛙~而家差3隻就儲完啦~好得意呀^^
返黎之後3P會師,達成左一d人事上調動協議~大頭同Anna攪左一半,應該好快會攪埋另一半吧~唔理了~我亦冇辦法去理,係時候將一d野交返俾I做啦...從此我就望住天空嘆茶...(退休狀)......
聽日又要返早啦~好眼訓...希望聽日起到身啦~ 發覺自己最近俾人整壞左,串人技巧不停升等,大鑊...我要自我修理一下先得啦...

就係咁多隻青蛙啦~好得意呀

今日我走左堂,原因係為左同班莊員黎一場'貼心交談'~因為上莊一段時間,覺得大家積左好多心結,有時講都唔知點講起好,所以就趁收館大家聚埋一齊講吓大家既問題~好彩進行得幾順利呢~大家都好肯講野~真係好呀~我好慶幸大家可以一齊講返呢d問題,講完之後真係一身鬆晒 雖然仲有一些人既問題未解決,不過我好有信心會攪得掂既
另外透過今日既會我亦表達左我自己既心聲~我放唔開內部既野,但係以職位黎講我應該去外部那邊~十五個吊桶七上八下的令我好不安~不過我明白JointU那邊有大門同阿民等人扶持,我知道應該冇問題的~如果Anna那邊沒事,我又可以繼續在莊內處理人事問題既話,我諗我到左JointU都會ok既∼唏∼咁就去外面走走增廣見聞啦∼∼∼ 我理外面之餘我一定唔會放棄莊內既野架∼我一定一定會繼續同大家保持相熟既關係∼因為漫sco係我第二個屋企,大家對我黎講真係好重要,我唔想離開大家~
聽日又係dayoff,可以訓晏d 不過好多功課要理,所以聽日會去吓圖書館吧~

尋日返屋企過夜,點知部電腦上唔到網,真係灰爆呀 攪到寫唔到日記添 其實尋日都有發生一d事~就係發左好多奇奇怪怪既夢,當中包括俾一個男朋友以外既男仔追求但係最後我都係同個男仔講'我都係決定繼續同我男友一齊呀!!!!! '點知個男仔竟然喊起上黎 我唯有連番安慰他啦~~~真係奇怪既夢
之後又發夢沈船,係睇到人地沈船,有幾隻沈左,唔知點解呢?
至於今日呢真係精彩囉~我今朝只係訓左3個鐘左右~因為係宿舍慣左夜訓訓唔著 但係我今朝要7點幾起身~換句話講我只係訓左3個鐘左右~而家好眼訓好想訓覺呀~~~不過點都要打多少少野先~就係尋日同今日JointU傾莊~俾我既感覺就係好混亂,好趕~而且好擔心d人會唔做野,又好似唔係好啱傾咁...雖然我係外務副主席,照計係應該要上JointU,但係而家又好似唔係好想上了...加上同大門傾過之後,知道自己支莊既問題就已經唔少,我唔想管內務管到一半就扔低唔理,既然自己支莊需要我,我好想留低幫手...所以...呢幾日我會考慮看看要不要上JointU~另外今日我去左大專動漫比賽呀~不過功勞係莊員度,自己答錯題目幫自己搗米,所以拎獎時都有Orz既感覺...好彩支莊win左,如果唔係唔知點算了 呼~訓覺先,聽朝仲要早起身做功課呀

今日食左之前同阿正整既蛋糕,好好味 屋企細既那個都好好味架~

見到阿正由日本買返黎既Sony貓,好得意呢^^

今日又攪到5點先訓得啦~ 不過都好開心 今日上午唔駛上堂所以返一返屋企同屋企人飲茶,之後下午幫婆婆煮好飯就返大學上堂啦~點知俾我係商務見到哈爾既Art Book同漫畫 即刻唔理自己既經濟狀況將所有野一次過買晒佢 仲送三張大海報同一個精美紙袋~Happy 親愛既哈爾呀....我想你想得好苦呀......冇幾耐之後我地又可以見面啦
上完堂就買野返去Hall,我知道有人等緊我整蛋糕,呵呵~諗起就好興奮 返到去見到'大師傅'先知原來今日要整4個餅 一聽都有少少驚嚇因為當時已經夜晚11點了~不過最後都好順利咁完成晒0的餅餅~ 聽日就有得食啦~阿正仲特登俾左個細size既餅模我,等我造左一個細既拎返屋企食
係啦~阿正都剛開始學日文呢~~~用既教科書居然同我本一樣 去出面學學費平好多呀~不過進度慢0的而且approach唔同,我都同佢講左好多野~唔知呢~因為大家都鐘意日本又鐘意日本野又學日文又鐘意整蛋糕又成日玩Mini games吧~有共同嗜好所以傾親偈都好開心
聽尤魚講其實阿正都幾鐘意同我玩~成日走黎都係搵我,我都知道佢都好鐘意搵我,不過我諗佢冇野既~我自己呢?我希望同佢永遠係好朋友~其實同一個男仔做好朋友係好難既事,一來男同女太接近時好易通電,一通電就一定冇辦法繼續做朋友;另一方面就係當男仔有女朋友之後就會好少同其他女仔傾偈,所以趁阿正未有女朋友時就同佢傾多0的,怕以後冇機會啦~~~
我一直都覺得同男仔做到好朋友係非常好既事~因為男同女睇野角度唔同,態度又爽直,傾起黎好好玩而且可以得到好多意見~不過真係要小心,唔可以有野,如果唔係就一拍兩散架啦....

估吓係咩蛋?駝...駝鳥蛋呀@0@一生人第一次見到駝鳥蛋,係內心掙扎左一輪之後就靜靜映低左~因為實在太得意啦~

今日上interpreting終於了結左How To Watch A Film既主題,總算鬆左一口氣
上完堂之後就即刻趕去開會啦~開會時都覺得冇咩野,後來同IVP講返,先發覺支莊好多心結~其實一直都知,但係一講返就更加覺得係咁~其實之前我都試過灰到唔想繼續做落去,但係我唔做既話就會打回原形,所以...我都係決定留低繼續同大家並肩作戰 可是大家的心結一定要解開,如果唔係成年都係咁既就會咩都做唔到架啦... 同IVP講左好耐電話,攪到扔低左阿正 我對佢唔住呀~ 聽晚我一定會教佢日文架~
本來同自己支莊既人傾完都覺得灰灰地,後來返到上Hall同蛋治講開自知道原來呢0的係一支莊正常會出現既問題~大家都遇過同樣既事~真係估唔到~咁同佢講左之後又覺得心情好左好多~ 後來我同同學一齊係阿藻間房食雪糕,好正,煩惱全消