話說今日上完堂,食埋晚飯已經10點幾了,突然醒起要去Taste買野,於是就坐電梯落去啦~入到去呢度行行個度行行,見到烹飪書揭吓揭吓,突然有個男人走埋黎~

男人:'小姐,我係樓上髮型屋既髮型設計師,可唔可以做我個model呀?因為咁巧見到你適合,免費架~我送番個treatment俾你吧?你個頭好耐冇剪了吧?'
我:'係幾耐冇剪既.....'
男人:'你介唔介意聽日黎我地既髮型屋呀?'
我:'聽日....唔係好得喎....'<---咁巧聽日真係忙到拆天
男:'咁下個禮拜吧?最好係星期四啦~我多數星期四係度既~我過幾日再搵你啦~'
我:'哦~好啦~不過下個禮拜都要夜d'

就係咁我拎左佢張咭片,同佢交換左手機電話號碼~我知道樓上間髮型屋好high class,佢個樣又唔似呃人既...
不過真係奇,原本今日勁黑仔,居然係Taste度有段咁既奇遇,真係古怪~希望唔會俾人呃啦~

雖然腦海中明知聽日要測驗,應該規規矩矩早睡早起然後係咁讀讀讀讀,但係我都係敵唔過睡魔既引誘,足足訓左12個鐘.......就係訓左12個鐘......明明醒過好多次,明明睇過個鐘好多次,但係都唔想起身=0=
訓咁耐之前都試過,但係完完全全放鬆,非常之投入既睡眠我真係好耐都冇試過了~之前訓覺時腦入面不停咁諗住同同學既相處問題,又係咁唔停諗住支莊既野,就算訓著左,都感覺到神經緊得好緊要,朝頭早起身時兩肩酸酸的,總係訓得唔夠~而家,自己對那個同學既事好似慢慢放開左手,支莊既氣氛好似比之前好左,今日又唔駛上堂,尋晚(應該話係今朝=0=)總算體驗返一次好耐好耐都冇試過既舒服~完全放鬆晒咩都唔諗剩係訓覺...原來咁樣就係訓覺...
仲有一個月左右我既學期就結束啦~~~考完試之後一定要俾心機放鬆吓自己先得~

下午時係大學既舊書義賣度搵到一本講日本街頭文化既相簿,冇咩點考慮就買左,揭一揭入面,嘩~真係好正~冇諗過睇上去好似一0的都唔夾既衫+創意+大膽嘗試拚拚湊湊就變左獨樹一格既fashion~我記得本書入面講過街頭文化就係要用衫表現自己同環境既關係,仲有係將自己個人既風格表現出黎,衫係邊度出既根本唔重要...講得真係好呀~

另外俾我發現左一樣野,就係日本將lolita列入左街頭文化既一部分~換句話講,亦引證左我既一個諗法,就係:lolita嚴格黎講唔係cosplay!!!!!>0<cosplay係一種將動漫角色既熱愛表達出黎既手法,但係好似lolita咁冇對象形式只係純著衫既只係可以話係一種街頭文化,唔可以話佢係cosplay~因為佢只係著衫,冇明顯既模仿對象...不過我都明白cosplay係香港人心目中只係一種玩意,如果玩既人覺得咁樣玩係可以既,咁都ok既...鐘意點玩咪點玩囉~~~ 

嘻嘻~我的秘密花園總算初步完成了~這一個花園中我選擇了跟平日不一樣的名字,其實我跟本沒現實中的朋友知道我在這兒開了個小園地(除了我男友之外),因為我想在這兒懷著真實沒虛偽的心情寫我自己的事~之前我也有另一本日記在網上的某個地方,可是因為太多人得知它的存在而妨礙了我寫自己的事,現在我化身成蘇菲---一個來自我很喜歡的動畫的名字,一個跟我有點像而我又很喜歡的角色,希望我的哈爾會多來看看,也希望能用平日網上沒辦法顯示的心情來寫我的故事~