尋日唔記得左寫日記添>.<其實尋日尤魚送左份禮物俾我,係個飾物盒,個蓋度有隻長頸鹿的~佢話隻鹿對眼好似我男朋友,所以就買左呢個盒俾我,多謝我係佢身邊支持佢~起初佢放左份禮物係個鏡櫃入面,仲係用雜誌紙包住,攪到我以為唔知係咩黎 拎出黎一睇原來係我既禮物 收到呢份禮物我真係好感動~我覺得一直在努力對人好終於有回報了~我視尤魚為我的好朋友,而現在我收到了回應~沒有比這更好的事了~我會好好保存這份禮物的~
今日去左剪頭髮~終於同之前個失敗之作講88啦~希望今次把頭髮會留得好d~夜晚返左宿舍同尤魚,Vivian同阿藻食飯~估唔到講吓講吓竟然去左大圍食燒鵝同雞粥 雖然每人夾左六十幾蚊落樓不過都幾豐富
聽日又要溫書啦~加油!

終於捱晒所有功課,進入左溫習週啦~不過我覺得我阿媽仲未知^^"接住落黎要俾心機溫書啦~我唔想retake呀.......

今日去買左俾Pinki用既5套傢俱,好正呀~好得意~我仲同佢地映左相添^^

我屋企既古妮露就慘了...俾個工人整唔見左條羽毛,我諗搵唔返的了~唯有遲d自己整一條俾佢啦~

另一本日記又神左...冇咩心機打野添...希望聽日會整返好啦~係啦~最近我有左新目標,就係cosplay愛神餐館2既茜琉璃同瑪桃~佢地既衫好靚呀~仲有係魔法棉花糖入面既米兒~佢地3個都係黎自同一個漫畫家既手筆~佢既畫都算唔錯^^聽日要溫書啦~希望一切順利啦~




其中兩幅相~好得意

慘啦...我科翻譯理論又死左...好怕要retake...今日對一對份卷,覺得自己錯得太離譜,同冇讀過根本冇咩分別...然後....份卷仲係老師度...老師咁盡力我都考得咁差,我真係冇面目見佢了... 我寧願佢自己扔左份卷佢,好過佢俾返我時認得我呀
不過好彩真係考試時可以抄書呀~希望唔好又死埋啦...塞~大吉利是~
今日又了結左一科啦~了結左翻譯風格~口頭報告做得都幾好~希望聽晚既傳譯測驗都咁好就好啦~

今日測日文呀~測完之後可以話係'半死亡'(摘自Aaron之名言),好多野都唔識呀...估唔到我連呢科都測成咁,真係唔知點算了
測完驗之後同Floormate去食飯,我以為尤魚都會黎點知佢都係冇黎到~得蛋治同阿藻黎左~哈~同之前去理大一樣,又係兩個男仔陪我 同佢地一齊都幾開心呀 蛋治都係同之前一樣,阿藻都係~不過蛋治食飯時話仲有廿幾日咋....令我都有唔捨得既感覺~仲有廿幾日我地今年既宿舍生活就結束啦~蛋治畢業啦~阿藻出年唔知會唔會住宿舍,真係好唔捨得佢地,佢地全部都好好人~為左記念今日去南山食飯,同埋應蛋治既要求,我就係日記講以下既說話啦:
今晚我同左兩個型男食飯,佢地係蛋治同阿藻~呵呵~不過佢地兩個都幾好~呢個係我既真心話~
蛋治講過佢都會同佢女朋友講今晚同一個靚女去左食飯架~唔知佢有冇講到呢?

今日係漫sco放映會,而放映會之前就係同一間日語中心既老師商量漫畫家講座既時候~我發覺自己又再置身於咩都唔識既階段,因為以前我毫無搵贊助商既經驗~雖然有諗過係要俾著數人地,但係今本就唔知應該要從何入手,可以話係一舊雲.....唉~要同上上莊傾吓先得了~ 不過係今次既傾談後我發現到一個有趣既事情,就係要入讀日本既藝術大學係有可能既~只要識日文,仲有通過入學試就可以~不過要通過都唔係咁易,而且最大問題係錢...日本讀書一年既駛費都十幾萬港紙,都唔知點負擔得起...冇計啦~如果我自己係日本人就好啦... 另外呢~那個老師也滿有趣的話某程度上我覺得她已經是一個日本人了,動作和知道的事情都好像~哈哈~從她口中亦知道了很多關於日本漫畫家的事情~我覺得真是一次難得的經驗~能做漫sco的副主席真是賺到了~
如果真係有機會既我都好想去日本見識吓~不過冇計啦~我冇錢呀...如果有錢去日本讀書就好了~
傾完之後就係放映會啦~今日播既係雲之彼端,約束之地~內容我就唔多提了~大概係講兩男一女,女主角因為一些原因不明既病而沉睡不起,而兩個男孩就要係拯救世界同救那個女孩間作出選擇~不過好彩係好既結局,不過好多野都冇交代,例如座塔同女孩有咩關係,座塔又點解要起係度...仲有平衡世界既概念...呢d野都係冇交代或者交代得好亂~唔通新海誠想作續篇? 無論點都好,呢套野係幾好睇既~等阿民還返俾我之後,我就要睇多次~而且佢既音樂都唔錯,好想要佢既soundtrack呀~