今日完成左翻譯理論既口頭報告,都算幾順利,阿sir仲話我講得幾好,答到好多問題 接住落黎仲有個summary,希望都會順利啦~
今個星期有好多野做,感覺到壓力都幾大~可能大家既壓力都大左?所以今晚傾莊時好似完全冇理到兩個PIC既實際處境而強迫性地要求佢地好急咁做好莊務,到夜晚同其中一個講返時,先覺得自己既態度好似強硬得滯...可能真係精神壓力大掛....希望下次唔會好似今次咁講到有少少火藥味啦...火藥味好傷和氣呢.....
不過所有事情都好趕,希望一切都會順利啦~

今日下午同同學一齊傾聽日既presentation~之前我疏遠左既女同學冇黎到(佢同我學期頭時俾人分左做一組)~不過算了,都預左佢係咁既人~
夜晚一家人食飯,阿媽又病左啦~剩係食得白粥,對住d燒鵝唔食得~好慘~阿爸話下次再同阿媽一齊去食過,都好~ 唔知點解呢,可能因為今日唔駛上堂,所以心情變得悠閒左,好耐冇試過咁輕鬆,我諗如果一家人一齊咁樣悠悠閒閒食吓飯,生活都幾優悠自在~
夜晚返到宿舍睇大長今,有冇攪錯呀......唉.....一睇佢真係心都灰晒.......有少少感同身受既感覺(雖然未試過跣得咁應,touchwood)~我成日諗,如果長今係係日本,佢一早俾人釘死左,因為鋒芒太露,係日本注重整體既社會係生存唔到架...現代都係,公司度咁叻一定俾人篤背脊篤到死左啦...仲點做到野呀.....一諗到呢d,就覺得嫁左人安安份份做煮飯婆既平淡生活都幾幸福~唔知到時我會點諗呢?

今日同班莊員收完館(其實冇咩點幫手,到最後同班男仔一齊閃左,因為想去食飯,6點半上堂~下次唔會閃人架啦 )
上堂時阿sir點名,我之前疏遠左個同學都係度~因為上堂我冇返,阿sir就問我有冇醫生紙,咁我又真係冇,因為唔好意思直接講走堂,只係講返俾佢聽睇吓補唔補到~點知我個同學黎靠害啦,佢竟然話:'我男朋友係你冇返學個日係圖書館門口撞到你呀',靠害咩~阿sir聽到會諗咩呀?我話:'冇可能,我根本沒出現',然後我個就話:'係囉,我都話佢認錯人架啦~點會係你喎,你都冇返學',咁我真係冇去到圖書館既,所以佢冇可能撞到我~
不過超級靠害囉~之前我都知道呢個同學心地唔好所以疏遠左佢~佢之前都害我累我唔少...估唔到佢今日竟然又咁害我,真係超級衰格+黑心呀~我以後都唔會再同佢一齊架啦~ 唉...點解我成日都遇到呢d人架.......

今日上完課後即刻趕去理工,點知個會已經開完,叫人問吓有冇人一齊食飯,一個都冇.....唯有帶住落寞既心情自己一個人去沙田行吓~行吓行吓居然俾我係CD舖見到大塚愛既新碟,入面有我之前睇過既Black Jack片尾曲@@@@@@咁證明左呢套怪醫既動畫應該係近期製作的@0@真係一個大發現@@@@@即刻打俾其中一個莊員,想分享自己既喜悅,點知........打左兩次都冇人聽..........通左都冇人聽..........明明之前傾公事時都有即刻聽架,唔通唔想接我電話?同我一齊唔通剩係得公事可以傾?
曾幾何時,我奢望過,上左莊之後會有人陪,結果,今日發現,呢個夢想可以話遙不可及...
我自問已經改變左好多,唔通我真係有咁多缺點?生活左咁多年,我深深覺得自己冇朋友緣,中學時俾朋友出賣,好唔容易放低左自己心入面既包袱,但係環顧四周,依然係一個可以同自己分享一點點喜悅心情既朋友都冇...
我依然係自己一個人~
曾經我都同自己講過,一個人都唔緊要,但係心情冇辦法同人地分享既時候,又感覺到內心有講唔出既難過~好想係身邊求其搵個陌生人講我心底既說話,不過我知道自己只會俾人當係傻瓜~
尤魚講得啱,其實我一個人既時候係好寂寞架......
就算我嘗試細數自己不足既地方,但係我自己一定數唔出,根本連一個可以當成鏡既朋友都冇,我又點知道自己有咩缺點呢....
有邊個可以講我知,點解我咁唔受歡迎呀....我到底邊度得罪左你地?點解你地要咁對我呀?定係我要求太高?朋友本來就係咁?如果係咁,咁仲要朋友黎做咩呀.....

不安一:好似有一大堆野未做不過冇時間做......
不安二:莊務好似又有問題?
不安三:聽晚個interpreting點算呀?
不安四:後日開會點算呀?
不安五:大後日份assignment點算呀?

鎮定鎮定....咩都唔好諗,一步一步完成佢就得架啦...