上星期五明明費盡苦心,幾個人聚埋一齊表明左各人既態度,點知道情況似乎冇咩改善...呀~有一半既地方改善左,但係仲有一半未有吧~阿A同B已經和好,皆大歡喜,可喜可賀~但係仲有一些會影響其他人心情既問題未解決~我唔知道B&C出到出面係唔係都係咁,可能出到去時已經唔係咁?佢地以為我會唔介意?呀~~~可能我過於保守我唔正常,但係我就係冇辦法完全接受到有兩個人係我面前攪頭攪頸講埋晒肉麻野(可能唔係肉麻但係一定係佢地兩人之間既野,而且態度仲係好親密個隻),尊重吓自己,尊重吓人地得唔得呀?????雖然呢間係你既房但係都係我既房,你地而家咁樣算點喎 係唔係作為室友我就要忍受呢家野呀?宿舍係好多人,我知道你地冇咩機會咁樣,但係真係一定要咁樣先會滿足既咩????2個人+1個人既空間真係難攪呀!!!!!!! 不過呢d日子唔會維持好耐,21號就要搬了,出年都唔會再係呢個局面~如果差呢幾日就冇所謂囉~不過我希望將來唔會再見到咁既情況再出現係大家一齊玩既場合啦~唉~不過估唔到經過上個禮拜既事佢地兩個都仲係咁,真係令人失望呀~

今日終於考左第一科~係法律翻譯~一開考時望住條題目,大鑊,可能唔夠時間查字典喎~好彩做到後面時查得勁快,最後都做得切~雖然有些句子核核突突咁,不過做得晒算好彩架啦~我聽見好多同學都做唔晒,唔係好敢講自己做得晒添....
夜晚去左食麥記~見到有兩蚊一條色帶~聽日去換返條俾男朋友帶吓先~不過佢咁薯麥,好似唔係好襯咁,不過試試換新形象都好既~~~
好玲冇試過好似而家咁悠閒~間房冇人,好靜~莊務暫時做晒,下星期四同五先考試,今晚梗係嘆吓先啦~諗諗有咩好做呢?陣間可能打吓機,睇吓碟,畫畫畫咁吧~呵呵~

今日下午終於交左internship份表格~而家唯有靜心等候結果~希望有份面試啦~ 交左表後去左食下午茶,個迷你肉藻加蛋飯實在太好味啦~ 忍唔住食左兩個~好飽~ 呢個真係canteen有史以黎最好味既傑作呀~
尋日去左日本CD個網站,係咁發左癲狂落訂,落左4個訂 我知道自己會有錢俾,而且那些都係我好鐘意既CD~仲有明日香既限量版模型...所以...就俾我癲一次啦... 冇幾可架啦...雖然我仲save左好多笑園漫畫大王既soundtrack,不過唔會咁快落訂住~等一些貨寄出左再算~
前日呢~我在日記入面寫左何時才能和朋友再見面,點知其中一個我好耐冇見既朋友真係話俾我聽佢就黎返黎~雖然佢係因為屋企有事而返黎兩個星期,不過一定要見面唷~~~如果妳希望既話,我有好多地方想帶你去行呢~就算唔行,食個飯,傾吓近況都好呀~
最近我好想要既野係笑園漫畫大王既DVD~唔知仲有冇得賣呢?

挑朋友啊,我不挑耶,多是他們挑上我~
覺得我會是個忠誠可信賴的朋友,就來~覺得我新鮮有趣,就來~覺得我可以麻煩,就來~需要我某些甚麼,在我還很有價值時,就來~喜歡我嘻皮笑臉的,就來~愛跟我悲春傷秋的,就來~我沒有權利挑~
他們說:你是我朋友~我即刻就是,哪天不開心,說我們不再是朋友,我即刻卸任~
朋友,來來去去,去去又來~多長久都比不過當下真心真意~就來,就走~
(摘自大田出版,凱西:'寂寞殺死一隻貓'頁10)

雖然這本來好像是安慰失戀的信,可是形容朋友的關係也很貼切呢~雖然常言道朋友是一輩子的事,可是親身經歷過後,就會明白,朋友就像風一樣,來來去去,離離合合,在一起時多是緣份做成的,緣盡了,大家就各散東西,你忙你的,我忙我的~十個有九個都是這樣~不過我算幸運的了~讓我遇到幾個額外例子~朋友呀~何時才能再見面呢?

夜晚同阿媽一齊去左北京樓食飯~那些北京填鴨用晒雪藏鴨,味道大不如前~見到外國人仲係咁入黎食野,真係悲~聽講有另一間更好食的~下次一家人一齊再去食先~

今日又有兩位朋友變情侶了~咁代表我又少一個男性朋友了 我總覺得男仔拍左拖之後就唔會過份同其他女仔來往~係我多心定係真係咁呢?女仔呢~除非好似我咁係異地情,如果唔係大多數都係成日同男朋友一齊架啦~總之身邊既人就係俾我呢種感覺~
除左呢樣之外其他野大致上平穩~不過今日冇咩心機溫書~希望聽日會好d~