今日唔知做咩下午開始就頭痛,一閃一閃的頭痛...可能太累吧...冇理由架...唉...攪到我今晚又咩都做唔到..... 一陣就去訓覺了~
今日Interpreting quiz~完全滑鐵盧呀~不過見到週圍既人都同我差唔多~可能真係題目太深啦~好多都唔識呀~ 不過算好彩架啦,今日懶訓訓到12點幾,咩功課都未做,咁都俾我趕到3點幾做晒所有野,雖然也也烏咁但係總算做得晒所有今日要交既功課,算好彩架啦~touch wood~
唉~以為放映會會有朋友去,點知都冇人話去得~不過可能會有意外驚喜?
而家就剩下3個測驗同2篇論文了~加油~

今日係我宿舍既其中一個同學生日,佢既室友話要同佢買蛋糕,仲搵左個讀創意媒體既同學幫佢整生日卡,大家又去食Pizza~諗返我2月生日時,點解咩都冇既?好灰+妒忌添......不過都冇辦法,呢d就叫同人唔同命掛.....唔怕啦~我生日時都總算有預科既同學同我去唱K,雖然要夾錢不過都收左禮物,冇所謂了,呢班...佢地唔肯同我慶祝我都冇辦法,唯有寄望下年個班啦~
仲有好多功課呀....我打算將佢逐樣記低,咁樣可以減壓的~
星期五就放映會啦~唔知點呢?我去開那間映碟舖執左....露灰呀.....下次唔知可以去邊度買碟啦.....
尋日我媽間舖頭開張啦~開左係大埔~希望會生意興隆啦~~~

這幾天發生了好多事,要說也不知從何說起,唉~ 不過不要緊啦~在這兒的只會講自己想講既野,其他野等返屋企再寫落自己既日記入面~
今日又開館啦~總之一開館我又好開心 又見到一班莊員,同佢地一齊渡過既時刻,我都會深深記住~將來結婚有機會既話我都一定會請佢地黎飲 我要請晒我最愛既朋友,然後企係台度同佢地講一聲'多謝',所有支持我,陪伴我,對我付出真心既人,我心入面都好感激,感謝神讓我同佢地相遇,每一個人係我心入面都係我既寶藏,我會好好珍惜佢地
接住呢兩個星期又有一大堆工作,救命呀.....不過我一定要將佢地一件一件咁完成的

無能的大佐(大頭? ),上次開館時映的~好得意呀

今日去左拎哈爾隻soundtrack~好正呀~呵呵
拎完之後就返左大學攪莊既野,原來我冇鎖匙開個櫃...好彩阿Chris返返大學幫我攪掂晒d野,如果唔係真係唔知點算...真係唔好意思呢
攪掂晒之後就出左旺角買詞典,但係好可惜,買返黎既都唔啱用,好灰...聽朝都係要早起身去圖書館搵書做功課......
夜晚返編委開會,點知竟然俾我撞返狂歡三寶既其中一人...仲係我最唔想撞到那個...佢仲要做編輯...天呀.........本野唔知會變成點....不過四萬佢地會睇住,我諗冇事掛...唔理了,我只會做個小小既校對同美術設計,其他野唔理了....
返Hall之後睇左Hunter X Hunter vol.21,覺得接受唔到了...唔得了.....那個太似斯路.....愈黎愈似龍珠.....然後....嘩....好噁心.....嘔........... 我諗我唔會追落去了......就由佢留係我回憶深處吧........

聽哈爾soundtrack中~好好feel
今日又係開館日,不過下午要上堂,好似冇咩點幫到手咁,人手好夠~
夜晚上完堂就即刻買麥記返上宿舍食,因為翻譯理論既教授想同我地係聊天室傾下周既文章 一面咬住個包一面等佢上線~當教授問我地食左飯未時,有個衝動想答食緊,不過最後都係唔敢答~
等到9點半時,得5-7個人上左線,教授當堂灰左~不過佢都好有耐性咁解答同學既問題,而且引導我地睇文章既重點~
我覺得教授幾好人架,諗盡晒辦法幫我地,只係課程始終好深,要理解既話真係要花功夫,不過我會努力既~~~