今日舉行左第一次招莊會~得10個人黎...不過氣氛幾好~
阿Chris如常大放異彩,劉sir都做得好好~解手同砌塔都好過癮,大家合作得好好~不過我覺得自己身為一個P,實在做得太少野,下次我要做返多d~會訊就黎截稿啦~唔知仲有冇人記得呢?不過我自己都係咩都未寫呀~點算呀~>.<
今日好難得唔駛做功課,要休息休息先得了~聽日仲要去補習對住兩個嘩鬼~不過唔會補好耐了,就黎可以唔補了~我要搵另一份兼職,可以既話唔想搵補習,我真係唔鐘意做教師=.=
一路睇緊學園愛麗絲,幾好睇喎,愈黎愈入戲了~又係一個從另一角度睇法術既校園故事~不過人物描述都描述得幾好~計落真係追花與夢雜誌最抵睇,我以後都追黎學吓日文先~下個禮拜就日文present呀,好驚呀~>.<

今晚同班莊員一齊去左IED既哈囉喂活動,佢地既鬼屋又幾好玩喎~首先有一段路大家都蒙住眼,途中會不停咁俾野篤俾野攪,因為俾人蒙住左對眼,所以都幾驚嚇~阿Yeah俾後面既Chris整盅,途中不停咁嗌~驚嚇度即時增加兩級~不過真係好過癮~過左呢關後就係IED班莊員扮鬼嚇人~Mandy著lolita呢~另外Sally扮中國女鬼~後來阿Yeah都有份玩~佢扮奪命狂呼~做helper整盅人時見到其他人俾我地嚇到嘩嘩聲,就好邪惡咁覺得整盅人好好玩呢~
幫手清埋場後我地就去左食飯~去左豆漿大王,豆漿任飲~正~!阿Sue請食飯呢~真係多謝晒呀~^^

另外呢,日記又死左=.="我覺得係大門唔好,佢去親邊本日記就邊本死咁,如是者我又申請了一本日記:http://www.sophiehatter.mysinablog.com
後備的都會放上去~就係咁啦~

今日係JointU那邊同大門,Steven,Ken慶祝生日~應該係今個月既最後一次生日會吧~不過真係好開心呢~雖然返到Hall仲有3份功課要做,不過那一刻既心態就係咩都唔理~^^剩係掛住點樣玩佢地既3個~Christian既計劃成功了~首先約佢地7點半去中大soc房等,然後就由佢地等到8點幾~佢地打黎既電話就一律都唔接~之後就打返電話俾佢地其中一個人,話佢地聽係邊間房等左佢地好耐(呵呵~其實我地都係度玩),等開會開左一陣時就借d二熄晒d燈,再拎個蛋糕出黎~哈哈~超掂呀~佢地真係以為開會呀~大門話25日時接到電話話臨時要開會佢其實好驚架,不過我地完全聽唔出呢~佢太'穩如泰山'了,我係話佢既表情同語氣啦.....Steven就直到食緊野時都以為係要開會的~嘩哈哈~
食完野,大門又俾阿Pat化左個萬聖節裝~超驚嚇~我諗唔會放係日記度了~
之後執完野我地就成班一齊行中大個夜市嘉年華,個feel勁正~一個個燈膽吊晒係度,然後又咩都有得賣,地攤呀,占卜呀,精品呀,小食呀,總之咩都有,令我諗返起行台灣夜市時既回憶~稍後post返張相上黎先~

今日返屋企過夜~如常咁見到堅堅~真係好得意~好鐘意佢~

好耐冇同佢映相啦~留意吓睇吓可以點映先~
份Law仲未譯完呀~點算好呀...不過我份人就係咁,就算自己有一大堆野要做,但係我都係想同班朋友一齊玩,因為朋友係我心目中可能同男朋友既地位一樣,我心入面一向好重視朋友~
阿Yeah黎左留言,真係好呀~總算有人睇我既日記^^

今日還好啦~日記高級版幾得意~不過都係普通版容易更改個人風格好D~用住呢個一晚先啦∼