今日遇到兩大慘事~
第一件就係日文超難~今日個先生講晒日文,又同我地講上到黎PJ1啦佢會全程講晒日文,結果聽得明六七成左右,仲突然之間要我地用日文自我介紹~嘩~結果梗係死得慘烈啦~好彩下午堂課冇咁緊張,總算有返少少表現~不過下堂又會考oral呀...今個學期真係唔hea得啦.......
第二件慘事就係我又撞返個衰同學,仲要係同一組呀>0<救命呀>0<希望舊年既惡夢唔會再返黎啦~我已經唔想成份報告都係我做晒囉~雖然今次仲有另一個同學同我同一組,但係我都唔想份野得我同佢做晒,如果呢件事真係發生,我一定會告發佢\ _ /事到如今唯有見步行步了...............
出左旺角買返兩本漫畫了,身為主席居然唔見左soc既漫畫,真係失敗.......

睇左大門篇日記,感觸良多~同樣地,我都唔想大家失望,因為我都係當大家係好朋友~如果我有咩問題,記得同我講,俾人照頭淋或者打一巴總好過咩都唔知估估下~

=_="""""""今日真係........希望呢年會平平安安度過就好了........

1月16日晚上

激死我呀>0<原本夜晚返屋企食飯同堅堅玩得好開心架~點知.......
話說食玩飯返Hall,坐完火車唔想一個人行斜路,就坐的士返去啦~一上車見到個司機係個阿伯黎既~原本應該冇事的,點知上車冇幾耐後,架車突然挫一挫,我個成袋漫畫同衫有一半都跌晒落地下,原來架的士要避前面架小巴,所以突然煞車,個司機一句唔好意思都冇講,又冇開車燈,真係激死我,我急急忙忙執返晒d野,心諗唔會漏左野係椅低掛~因為當時冇燈好黑,而且肉眼睇上去唔覺得漏野,點知返到Hall見到冇左本Keroro第一期同櫻蘭第四期>0<~~~~~~~~~激死我啦>0<一定係當時彈左落椅底遮住左睇唔到>0<~~~~~~~~~~~~就咁冇左兩本soc既漫畫,真係激死我啦~~~~~~~~~~~~~~~~>0<聽日或者星期三要去信和買返先得了....勁灰呀..........

出左Camp lu~返左Hall訓到夜晚8點先起到身,好彩係Hall度,訓幾耐都得^^不過室友唔係度,成間房有點悶,加上大學而家較到部腦睇唔到無記同亞記,就更加悶了= ="另左去National Geographic睇睇,點知居然講緊E波拉....救命...想嘔.....然後,另去Discovery,講緊發明一個接觸鯊魚既機械人,佢個樣....更加嘔....................睇E波拉睇到半路就打俾育政傾偈,冇睇落去了~
講返個O Camp真係算係咁了~我覺得整體上做得不錯~預期中的編排都如期進行,冇大問題出現~係前夜祭跳舞跳得唔夠,場地問題沒辦法,但係主要想跳既都跳到了,所以都好滿足了~另外今朝既紙波game好想玩呀....組媽冇得玩,激氣呀><尋晚我訓著左時Christian+Minori走左去玩了,我訓著左冇得玩,激氣激氣呀>0<
聽日就開學了,又有新既挑戰等住我,希望可以安然度過~
要快d攪埋non jupas既手續了~

今日同堅堅相處左成日,覺得好感觸~
我覺得狗真係奇妙既動物,只要曾經用心去愛牠,錫牠,牠就會永遠愛你,就算你之後打牠鬧牠,牠既心都唔會變~我覺得狗既心真係好純潔~(雖然都有好多古靈精怪既主意= ="")
今日帶左堅堅去散步,因為場地既許可,我初次嘗試放開狗帶,由得堅堅自己行,我以為堅堅一定會即刻跑開不會理我,誰知堅堅不單冇走開,仲比之前更加緊貼地跟係我身邊行,好似好怕我會離開牠咁...個一刻真係好感動~之後我故意走開另一個方向,睇吓佢會有咩反應,佢只係聞聞地下,然後發覺我行開時,佢又轉彎行返去我度~而家諗起都覺得非常感動~可能對其他養過好多狗既狗主黎講已經不以為然,但係對於只係得半年養狗經驗既我黎講,真係一個從未嘗試過又非常之美好既體驗~見到堅堅這樣,令我又諗返起初次係寵物店時見到牠既情形,牠點樣騙左我返去,然後我地之間既信任又係點樣一滴一滴累積起黎~每一日堅堅都帶俾我開心同驚喜~個一刻,我深深感受到養狗真是一件非常美好既事~
我相信在將來我同堅堅之間會再經歷更多更多既事,製造更多更多回憶,希望我同堅堅既感情會愈黎愈深厚,亦希望堅堅永遠做隻幸福快樂既小狗~^^

點解今日好似都係好涼咁既.....
搬屋執野既情況都係宇宙無敵地慢~再咁落去,唔知道趕唔趕到新年前搬......
阿媽又約左人去飲茶,唉....雖然我都知道野食係好好味........
O Camp愈黎愈近了,心情開始緊張同期待起黎~唔知會遇到咩事情呢?
今日睇左GPA,冇升冇跌,不過下個sem要努力了,感謝神....
即刻返左一返學校印左transcript,申請左Japanese Minor,今次應該會成功掛~

又聽到'最佳位置'呢首歌~我諗一個人唔多唔少都會有一兩段呢d感情吧...我自己都試過呢~曾經唔知係邊度聽過類似呢句說話:即使沒辦法成為王子的公主,也可以做王子的妹妹,由於王子的妹妹也是公主,所以也是幸福的~
如果可以咁諗,應該會舒服d既.....