可能唔明白點解我唔鍾意比個樣人睇

 最近睇新聞發覺好似多左人自殺
我個人就咁覺得
人生，有起有伏，實有不如意既事情架啦
死，無人會想發生
我覺得就算要死，都要死得有價值
例如救人而死，不過當然無人想發生呢啲意外
當然最好全部人都平平安安，齊齊整整
我細個果陣都諗過死，因為比人恰到上心口
而且啲親戚睇死我好多野
但當我想尋死果陣，我諗清楚一樣野
點解唔係佢地死，而係我要去死呢？
雖然咁講係唔應該，但事實真係咁
如果死果個係你既仇人，你通常都會係開心
而唔會係尋死之前果種困擾住你既悲傷
傳說呂蒙斬殺關羽之後設宴慶功
之後被關羽的武魂所殺，一命換回一命了
但呢個只係傳說，更何況你又唔係關二哥
你死左，唔通條友會比你拉埋去死咩
所以真係死得無價值
現實角落黎講，即使死左
作品都唔會出名同埋升值
就算真係出名同升值，都享受唔到啦
再講，死者既家屬會好傷心
搞身後事都要錢啦
無錯，人總會經歷生，老，病，死
係，始終都係要死
但用盡生命到最後一刻
咁先係最值得
即使你既一生好平凡
又或者經歷好多挫折
但你既存在，係唔會白費
人生總會有出路比你通往終點
雖然係曲折既
但絕對唔會得死路
好似我咁，打Dota係累人累物
基本上邊個組著我，果場必輸，除非人地彈機
咁咪避開佢囉，呢個世界又唔係得Dota類既遊戲
我其實都有我既專長
只係我悟性唔高，未搵唔到出黎姐∼
失戀，又有乜大不了
咪搵過個囉，緣份話黎就黎，最緊要你識捉住佢
的確，我諗野好悲
同埋出名煩膠
做埋啲野又廢
技能又得啲負面野
但諗深一層
我既存在，突顯到你地既好處出黎
曾經有人話我講野好廢
我雖然自大，但我真係咁覺得
係，的確我寫既野廢到無人睇
但我只係帶出我個人存在既價值出黎
你又可能問：毒拎存在有乜價值帶到出黎
無錯我好毒，性格上黑人憎
我粗粗地計過我認識有80%(我唔知依家幾多%了)既異性
過左一段時間之後都會好討厭我
可能覺得我係騙子，狗公，等等
但係你有無諗過，如果當一名女生咁睇我既時候
咁會唔會令其他男生既印象分增加？
到呢個時候，你一定好想鬧句：收聲啦炮灰
無論我點都好，我都覺得自己係有存在價值係到
我的確係好自大，因為我覺得無我呢種人既出現
你就唔會有機會比你自己睇到你唔係一個弱小既人
你係一個有能力既人
雖然我由死既價值，講到最尾呢到存在既價值
好多廢話，但其實我真係想帶出一樣野：
「當你絕望到想尋死之前，請諗一諗有其他人仲慘過你，而死亡後既價值係改變唔到任何既事物，反而比你存在既時候帶出更多既麻煩，可能你存在既時候無乜貢獻，但其實只係你發覺唔到。」by恨魂
(後期:唔用風仁網名收尾了,我「瘋」呢個事實我諗眾所皆知)