有時我同人講緊一些好正經的事，

佢地都唔會好正經咁聽我講，

甚至用返一些我聽黎係好傷我的說話黎同我講，

其實我唔想成為一個淨係係你地身邊嘻嘻哈哈的人。

我都好想你地能夠以一個朋友身份，

係我攰的時候，可以俾一個擁抱我，

給予我繼續努力的動力，

但你們是否被我看似樂觀的外表欺騙了？

所以就認為我一個人就可以搞掂？

嘻嘻。。唔好話你地，其實我都曾經有諗過我唔需要朋友，

自己一個就可以搞掂晒啲野，

但我發覺我唔得，我比起想像中的自己還要軟弱，

我唔可以一個人承受好多壓力。

我知我攰，所以我好想去放鬆自己，

但係我發覺我啲休息時間好少，

午膳逄星二、四就已經有合唱團，

而今個星期的其他午膳都俾老師借用左，

我心諗，唔緊要啦，仲有放學呀嘛，

但係點解學校啲校隊日日都佔用晒啲場，

每個星期都比佢地用晒啲場，

次次都俾佢地清場，

我只係想搵個地方打波，

但係我居然搵唔到有一個場可以俾我去打，

我明，學校有好多好多校隊係好開心，

但你地用晒啲場，我想問：

「我地想打波的學生可以點呀？」

功課，我最唔中意就係通識，

下下做份IES都要print野，

學校俾個張列印紙一張只可以印十張，

我想問，我用晒個張，

但你又要我print野，

咁我咪要死搵爛搵咁搵人俾張列印紙我？

可唔可以又環保一點，又節省一下我們的工夫？

直接send俾你就行了，好嗎？

我唔想讀通識，我唔知道通識有咩用，

你地點解要將你地的遺憾加諸到我地身上，

你地真係好自私，好自私！

你叫我點愛香港，點愛呢個社會？

我唔係慣性將一切責任推個別人身上而自己就是受害者。

而係我不嬲都係受害者，你地都唔想放過我∼！