今日係5月27日,

係我考中文口試的一天,

本來我以為考完就可以開開心心咁返屋企,

點知考完之後俾我聽到一D說話,

當堂令我好嬲,好想打人,

小組討論個陣,我知道自己唔夠人爭,

所以我死都爭個首個發言位,

好啦,之後有個大隻的男仔,

用好有領導FEEL講:「首先好多謝呢位同學的意見,

而你的意見亦非常有見地....」

咁都算~之後又好似好關心個無講野的同學話:

「呢位同學好似好安靜咁喎,唔知你有咩意見呢?」

你話呀~真係好多人唔講野,

你先強行叫人講野,人地有好多機會去講又點解唔出聲,

係因為唔想講野嘛,你又要好有風度咁叫人講野,

扮明就係想谷行自己D分啦,

之後仲要壟斷發言,係咁搶,

搞到我最後十幾秒先可以講埋我另一個POINT,

點知個位"好勁"的同學竟然係課室門口用粗口鬧我囉,

話我唔識第二次重點總結,

又話聽佢語氣都知係客套說話,要俾佢總結埋咁喎,

我聽到個陣幾咁激氣呀,

你壟斷發言我都未鬧你,

你都好有意思用粗口鬧我囉,

你要我理你感受,但你又係咁唔俾我講野,

而家邊個唔著呀?!

我好失望囉!一個金玉其外的會考生,

竟然是個敗絮其中、滿口粗言穢語的學生!