今日同winnie仲有盧sir去食lunch,

咁去到大排檔個陣,

有成班男仔,(唔係得我校男生),

係到"嘩"囉,,唔知係咪winnie著裙的原因呢?!- -"

不過,我真係唔係好中意班男仔咁樣做,

好唔尊重人咁,,

咁同盧sir食飯,先知道盧sir原來仲輕過我,-口-"

我心諗:「我仲重過一個成年男人呀!」

(莊sir唔算係,,,因為佢係勁減肥個D,

佢個體重已經唔算係正常了!)

唉,,盧sir即刻講出我的問題同埋俾埋建議我,

不過呢D都要好大恆心,真係唔知做唔做到-0-"

因為好多科目都教晒書,

再加上就黎要考mock,

所以好多老師都著重操PP,

英文有時都唔例外,

不過今日mr lee就無咁做,係咁同我地對答案,

又同我地解文章,講生字,

講講下,淨番15分鐘,佢見到我地都無心機聽落去,

就話直接俾答案我地去對,

咁樣我地一D同學就可以快D去叮飯,

個刻,我忍唔住講左句:「阿sir,真係善解人意!」

嗱!!唔係串佢的,,係真心話黎嫁,,

但係我地就要佢解埋文章先,

因為佢唔講野,搞到佢好似無野做咁樣,

咁佢係老師黎嫁嘛,,無野做好悶的,,

所以大家都舉手決定繼續聽書!

pe堂,,,因為上次個兩堂我同埋十幾個女仔都未考排球,

所以就今日考,點知阿sir一早就唔記得,

仲安排其他野俾我地做,

我就同佢講:「早就話要你考埋嫁啦!你又唔聽我講!」

我估唔到佢會講:「係!係我唔岩!」

個陣,我都呆左一呆先呵呵咁回應,,

chem補課,,雖然談sir個樣無乜野,

但我知道佢今日好唔開心,

因為平時佢唔會介意補課個陣

我地有D同學遲左少少入班房,

但係今日佢就捉住個梁梓係到訓話,

之後完左個補課又叫左陳生同兩個人出黎訓話,

我諗佢唔開心得好緊要了,,

不過我都佩服佢唔會將自己唔開心的情緒表露出黎,

又唔會將自己的怨氣發泄晒係我地身上,

唔好彩的只係一D犯左少少錯的同學了!