最近發生左好多野,,

多到,,,我連打日記都覺得好沉重。

我知道我呢份人終有一日會玩出火,

係呀,,玩出火,,激嬲左卓man,,

我第一時間,,就反省自己,,

之後就去左同卓man道歉,

雖然佢話佢無乜野,

但係我自己就耿耿於懷,

一直都覺得自己又再一次

無資格再同班男仔做朋友,

好辛苦,,個陣個心痛到想喊,

我揪住自己個心口,

連續深深咁吸左幾啖氣,

我先發覺自己D眼淚流左出黎,

我好想大聲咁喊,,但係我又唔想俾屋企人知,

因為我好難開口我喊係因為我好內疚,

好內疚自己去挑釁人地。

都唔知係咪因為以前O既事,

令我變得太過著重一D人地已經忘記的事,

但係到左而家我都無辦法去擺脫呢個性格,

成日都係咁,當人地一嬲自己,唔中意自己,

第一時間諗到嫁,,就係點解自己唔去死?!

點解仲要係呢個世上到惹人討厭,,

但係自己卻無勇氣去實行,

次次都係咁,結果就一直懷著份內疚做人,

唔去面對,唔去理會,,,,

個次整到皇上都一樣,,

雖然皇上話無野,,,但我自己就一直介懷,,

所以好少去同皇上傾計,

就算傾,,我都好正經咁傾,,

一D同朋友傾計的氣氛都唔敢散發,

真係一個欺善怕惡的人,所以我先咁憎自己!

同曾浩傾完,,,或者真令我明白,

係我自己鑽牛角尖,係我自己死牛一邊頸,

成日都怪自己,,但係其實人地真係原諒左我,,

而家我希望的是,,我曾經得罪的你們能夠原諒我!