如果我唔講,

我諗大家都唔知道我同ms lam參加左師生歌唱比賽,

當然,唔係得我地兩個啦,

仲有余詠珊,李惠欣,張家欣,同埋黃玉翠,

(大家,唔好怪我打全名呀!

因為我驚第時我睇返呢日日記,

我會唔記得你地的全名!><")

咁今日係phy堂之後呢,

我地就同ms lam傾左一陣,

決定唱"心急人上",,

同埋今日放學係phy室到練舞,

去練個陣,,我地一開始個個舞步都度左好耐,

搞搞下都搞到我地成班人都係到笑,

最終我地練舞練左成個鐘,

但係只係實質練左首歌的0.22分,

你都唔好話唔O咀,

不過我地都唔係好熟,

但係因為咁,大家都忍唔住要笑!

今日換左衫上PE堂個陣,

曹sir突然靜靜雞走埋黎,

問我派左D衛生巾咪,

個陣,我窒左一窒,

然後扮到無野咁同佢講"無呀!"

大佬呀!往時都係ms個D問嫁嘛,

而家無啦啦要個阿sir問,

你想我唔驚訝嗎??

不過派個陣,,小娟話個M袋好靚,

話聽日要拎黎做筆袋,

我又O左咀,

然後就話,"不如聽日成班女仔都用呢個做筆袋呀!"

哈哈,,,,好正的諗頭,

睇我日記的女仔,有冇興趣用m袋做筆袋?

跟住,今日係打排球的考試,

唔知點解我無啦啦被分配到珊珊佢地個組,

但係佢地唔係成日都打排球的,

所以我就教佢地點開波同下手要點打,

唔唔,,佢地打得唔錯,,

唔通我真係有做教師的潛質?!

不過我一定唔會做老師,

因為我最憎睇住班黃毛小子,,-,-"

PS.:感謝邦少對我的燒碟之恩,

本人實在感激萬分!!!!!!!!