岩岩睇左家姐個xanga,

先記得起我同家姐睇到電視有海葬的對話...

「鄺倩彤,第時都幫我海葬呀!」

我第一時間就答返佢,

「咪傻啦!呢D野梗係等你D仔女去做嫁嘛!」

我之所以咁答佢,係我覺得佢咁樣講,

就好似佢好快就要離開我咁,

我唔想有咁的感覺,所以就咁樣答返佢,

我成日都諗,第時我家姐一定會結婚,之後生仔,

我細佬會結婚,之後會有BB,咁樣我父母就有外孫同孫仔抱,

而我就唔結婚,淨係照顧返父母,

我知道一旦我都結婚,我肯定唔會照顧我父母,

因為我係一個好懶的人,,

係咪好唔孝順呢?!所以我都係決定唔結婚了。

你會問,咁你死左個陣,邊個送你終呀?!

若果我好彩,我家姐同細佬生的都係好姪仔,

咁我就只好拜託佢地,

如果唔係,咁我就自己搵個森林自生自滅了,

畢竟,我都唔係養佢地個個,所以佢地無義務送我終!

今日英文堂,mr lee終於講真話了,

佢令我真真正正,有證有據咁明白,

我地呢班末代會考生,係俾政府遺棄的一班孤兒,

所以我地真係升唔到中六,

大家可以打定輸數,出黎做野啦!

因為就算我地重讀,都只係白費心機,

教育局班人從來都未諗過會俾我地

呢一班曾經失敗的人再次奮鬥,

唉,,,,,或許第時講返起我地咁樣俾人遺棄,

自己真係會好唔順氣,更何況係而家?!

今日早會就找左歌唱比賽個獎,

咁係兩個獎牌,,無錯!!係兩個獎牌,

但係我地有六個人,點分呢?!

ms lam就慷慨咁退讓,

而珊珊因為自己有獎攞,

所以就無得爭,咁樣就淨返四個人爭,

咁ms lam就話等畢業個陣,

大家先決定邊個要啦!!

lunch打波個陣,黎嘉俊拎左個新款排球黎打,

好中意個個波呀!!!

但係黎嘉俊D殺波真係好大力,

我淆底唔敢接,,不過聽到個波打到牆個陣"彭彭"聲,

我諗個波好快就會報銷了!

中文堂,莊sir同我地一齊睇返"星期二檔案",

個主題係"家在寮屋區",,

咁睇返先知寮屋D條件唔係好差,

而且幾千蚊一年渣,仲要有成幾千呎,

咁鬼正!!!!^口^

英文補課,mr lee起勢要我地做成兩篇文,

搞到我做到5點4到先走得,,

好憎作文!!!!!!!!!!!!!!!!>W<

P.S:最近睇緊《鐵齒銅牙紀曉嵐IV》,,正到爆!!!