今日英文堂去左瑪利諾到,

因為mr lee幫我地同個間學校的學生進行討論,

我地由學校開始出去,行左勁耐先到=,=""(好攰呀!!~

我入到去,見到個到又大又靚,

(但我一D都唔覺得我地間學校靚~-0-")

之後行到佢地間禮堂,

已經見到成班男仔坐好晒,

我個陣真係淆晒底囉,,,

咁一開始討論個班男仔都算幾靚仔,

呵呵,,,我一直都係望住佢地個樣,

好仔細咁望,,

但係討論個陣,,因為我同妍妍都睇唔明個題目,

所以講得都唔係好掂,,

特別係我呀,,講左一句就唔出聲,

成日都將個波踢返俾個男仔講,

因為我唔識講兼唔知講咩好,,

但係個班男仔都好體貼,

兩個係咁講,,講晒D時間,

呵呵,,當個討論完左我勁開心,

點鬼知佢仲有多個個人說話,

我就聽唔明,又諗唔到野講,,

所以索性停咀,-0-""

(其實我都覺得自己好鬼差!!!)

之後仲衰,,整多個討論,,

仲要換人,換左兩個外表真係讀書的男仔,

(即係話好正經,唔荒會放水個隻-,-"")

個條題目我都係睇唔明,

所以真係停晒口,

唔講野,,由妍妍同佢地講,

因為妍妍有野講,

但我無,,,=口="""(我都好辛苦嫁,,俾人望住但又無野講!)

唉,,實俾人睇唔起,,

不過我都有罪惡感,,

因為人地咁正經咁去討論,

但我就一句都唔出聲,,

唉,,算啦,,我都係死左去吧啦,,,

chem堂,,好似兩堂都係講份工作紙,,

阿!!記得,,仲有睇片,,,

本來都過得OKAY,,

但係mr tam俾左功課,,

所以就唔開心,,

中文堂,又黎抽作文,

本來好想佢抽中我,,

但係又抽唔中,,唉,,算!

之後聆聽,,嗯嗯,,成績尚算唔錯!

bio堂,,佢一次過講左兩課,,

所以都一次過俾左兩課功課,.

唔開心囉,,!!因為最憎做功課!!

放學,,去映畢業相,,

但係因為映左文科先到我地,

理科的我,,就係咁同珊姐佢地傾計,

之後映相前,,俾人調左去靖儀妹後面,

即係話我矮過靖儀妹呀,,

嗚嗚,,明明我高D的,!!

映完返左上班房做功課,

之後老師又開咪叫5E個陣,

成班同學都落去,

本來我企陳家濤隔離,

但係林潤玉走左,

所以我就企左佢個位,

但之後又唔知點解,

俾miss叫左去坐個到,,

嗚嗚,,好煩呀!!

一映完,,我就拿拿淋咁走!

好攰呀!!~~~

PS..死啦,,我又發覺最近自己又變得好乞人憎,,

我諗等我歸西時,可能真係"死淨把死人口",

真係講D野我自己都講得好令人討厭,

所以決定,,聽日開始封咀!!