12月26日

好耐都未試過訓到咁晏先起床，因為上星期有兩日都要朝早7點起床，今日簡直係爽呀！

起身之后同爸爸媽媽去食TEA，今日媽媽講爸爸隻腳痛，自從爸爸退休后，差不多所有老人病都走晒出黎，

唔係呢度有問題就個度有問題，成日去睇醫生！求主醫治他的病，康復中減少痛苦！

之后係屋企hea左幾個鐘，夜d去睇張氏兄弟演唱會！

張氏兄弟演唱會真係唔講得笑，自從上年第一次係紅館睇完之后，感覺超正！決定今年要再睇！

呢一晚係伊館舉行無諗過可以坐到握手位，同佢地兩個再拉近左，張崇基佢越黎越靚仔，唱歌越黎越好，勁鐘意佢呀！

不過成晚都唔能夠將氣氛推到最高峰，總係缺少d野！到左握手時間，佢地個個都握到係我握唔到，因為我掛住影相，

不過佢都有俾鎖匙扣我呀，好開心呢！到完場既時候諗住有安哥，點知d人散得不知幾快9秒9影都無啦！真係好唔夠喉呢！