突然好想打日記~現在才發現原來我都真係好耐冇打過~
而我係呢幾個月究竟做過d咩呢? 其實就連我自己都唔太清楚……
我只知將自己封閉左…咩都唔想…開始覺得害怕…
有好多野都怕怕怕…甚至連朋友既聚會我都怕怕呀…
好似好怕面對一大班既朋友咁…好怕唔識點溝通咁…
有時就連街都唔想出…冇咩必要都唔好出喇~哈哈~
究竟想點呢? 唉~真係唔知道……
但我只知道我身邊有好多好關心我既朋友…
但可能人大左…所以開始覺得驚卦…我都唔知呢……

嘩~我足足有差唔多成個月冇打日記喇~ 因為我返工返埋今個星期就足足返左一個月喇~ 呢個一月可以話過得好快，但又可以話過得好慢~ 因為每日我都過住一d心驚膽跳既生活~每日都只係識驚~ 好驚又俾人無理取鬧~好驚呀~雖然我知道返工係預左~ 但我真係冇諗過我會返得咁唔開心……每日都驚俾人鬧~ 因為最慘就係，我都唔知自己做錯d咩就俾人鬧~ 有時冇做錯野都俾人足住黎話……有時我真係覺得好無奈…… 有時係到諗……我究竟做錯d咩呢? 但其實真係冇…… 但有樣野係好既，就係同事和同事之間真係好好~ 除左有一兩個可能係有小小奸奸地之外，其他都好好~個個都好肯教我野~ 有d都好錫我~同埋我都仲要多謝Anson~因為佢叫左d同事睇住我~ 真係多謝佢~我唔想令到佢地失望……我好想真係可以俾心機做呀…… 但我又好怕好怕自己會捱唔住呀……因為我返左唔係好耐之嘛…… 但我已經喊過好幾次…我係到諗，點解我返左都唔夠一個月，但我就已經喊到咁? 其實係咪真係我既問題呢? 同埋我發現個代主管真係好衰，好衰~ 佢真係衰到不得了……佢表面真係對你好好，但背後就不停係到同個主管講你壞話~ 冇做錯野又有得講人壞話…好賤囉…真係唔怪得之，依家d同事都唔鐘意佢囉~ 唉~原來我放假都會俾人篤背脊……真慘…冇返工，都俾人話…咩世界呀? 依家我既生活好正常呀~每日都十一點幾就要訓覺喇~因為真係唔知點好累~ 腳又痛…腰又痛…周身骨痛…唉~人返工我返工，我返工返到好似做苦工咁……

OH~辛苦既工作終於都完了~完了~ 今次我竟然毫無感覺，無所謂啦~反正我都預左有呢個結果~ 不過只係遲定早既問題之嘛~所以媽媽叫我唔好喊~ 我就好定咁同佢講→我冇喊!!!!!!! 因為我覺得呢個並唔係我既問題~就算我再點做…佢都唔會滿意~ 只不過我覺得真係好對唔住以下既人↓ ”Kith Law, Anson, Isaac, Elvis, Annie, Kennie, Eric, Sandy, Brian” 因為佢地教我好多野~由其係Kith Law真係好錫我~好用心教我~ 但好可惜~係都要迫我行呢一步… 今日放左工同阿珊齊齊去左打邊爐~呵呵~好開心呀~ 我地真係可以暢談一番囉~真係越傾就發現原來我地有好多好相似既地方~ 仲好岩傾添呀~嘻嘻~真開心~而且兩條友仲叫勁多野食~食到超滿足~ 今天Alan走了…他要去英國了…只能夠祝福佢~希望佢幸福，開心啦!!!!!!!!

Oh~返工了~又要開始返工既生活喇~
點解? 點解? 點解咁快又要返工? 點解唔俾我休息多陣呢?
岩岩先辛苦完~咁快又開始另一個新既辛苦~~~~~~唉~冇計~

首先要多謝心仔~因為星期六佢轉登入黎屯門同我慶祝~thx~
最搞笑係我地有好幾年都冇試過約係輕鐵站等喇~哈哈~
同埋又好開心呀~因為我地去左瀧川到食野~心仔食到十一點半先走呀~
我地食下玩下~咁就又玩到咁夜了~呵呵~太好喇~
終於搵到人同我食牛肉鍋~yeah~太好味喇 ^v^

   ←好好味既劍魚腩壽司~

   ←泰式生蝦刺身~正呀~

    ←我既至愛"帶子壽司"

    ←天婦羅軟殼蟹+紫菜芝士魚春卷

心仔~你下次再入屯門記得又要搵我呀~知嘛???????  呵呵~
最搞笑就係同學霖玩~佢個野丫~我係到叫佢去洗手食野~
佢就話驚去廁所有猫~之後同我講<你俾我錫到你燶,咁我咪去洗手囉>
真係俾佢激屎~但又氹得我好開心喎~
今日佢打電話俾我同傾電話~係收線之前又點都要錫啖我先收線~
真係俾佢玩屎~呵呵~

而再之前我就同蘇眉、Sky又去左瀧川同學霖慶祝生日~
個日都幾開心呀~因為坐下傾下計~又可以同蘇眉聚一聚喇~太好了~
蘇眉呀~睇黎真係俾你講中喇~個到真係做左我既飯堂喇~呵呵~

嘩嘩嘩~話咁快我兩星期既假期咁就已經過左一大半了~~~~~~~
好唔捨得呀……好想去旅行呀~可否俾我係返長工之前去玩多一次呢??????
個日聽完永安個講座之後就填左張Form~申請做見習領隊同見習票務員~
其實我都唔係太知自己想點……突然間個人好似好迷失咁~
真係好似迷失方向咁呀……唔通我睇得多<迷失世界> ?
所以搞到自己咁迷失? 唔可以~我唔可以咁呀~~~~~~~

唉~我最近搞咩呢? 好似唔似自己咁……我唔可以再係咁呀~
我唔可以再好似之前咁呀~劉小姐~你絕對唔可以呀~唔可是呀 >~<

仲有呀……蘇眉……你在玩我嗎?
Please~ don’t play me ok?

嘩~超耐冇打日記了~冇計~最近忙到我爆呀~真係人都癲呀~

 首先我要同6月生日既朋友係呢到補番講生日快樂先~

618既心仔~

希望你依家做緊既個份工~可以順順利利啦~

621既Pinky~

希望你唔好成日都為左d無得改變事實既野而煩~

最後都希望兩位~開開心心過每一天!!!!!!!!!!!!

Happy Birthday!!!!!!!

6月10日(星期二)

呢日同心仔and思敏去左會展睇beyond <別了家駒十五載>

我覺得真係超正囉~全場都好high呀~哈哈~又好感動~搞到我都忍唔住喇~

我仲玩到飛左隻agnes’b介子出去添呀 >,<

好彩~最後都搵得番~真係多謝哂心仔呀 ^v^

不過真係玩得好開心~好耐都冇試過咁嗌喇~太好了~

6月17日(星期二)

同Pinky去左睇Kelly演唱會~都可以啦~哈哈~

可能我唔係佢粉絲卦~~~所以我覺得都有d悶~但正體都ok既~

因為有克勤做嘉賓嘛~呵呵~正呀~搞到個氣氛好好呀~yeah!!!!!!!!!!!

我地係睇演唱會之前仲走左入後台睇野呀~哈哈~正呀~

可惜丫~~~~~~我帶左相機都冇影到~~~~~蝕左!!!!!!!!!!!!!!!!

6月20日(星期五)

呢日係我呢個星期辛苦埋最後既一天~所以係夜晚我可以輕鬆下~呵~

所以我就幫Pinky搞左個12點鐘既生日Party~哈~哈~

佢估都估唔到~我會搵人整個《壽司生日蛋糕》俾佢呀~嘻~嘻~

個蛋糕真係好靚同埋又好食~搞到我都好鐘意呀~

之後到左星期六佢就上左黎我屋企食飯~媽媽就煮左餐全海鮮餐同佢慶祝~

跟住又再同佢切蛋糕~都算唔話得喇~呵呵~連續兩日都同佢切蛋糕~

6月23日(星期一)

做完個EM presentation之後就返左入屯門~同衡衡去左食tea~

之後就再搵埋超超一齊去左睇 <文雀> 呢套戲係我第二套睇到我訓覺既一套戲~~~~~

我自問睇戲從來都唔訓覺~但~~~~~~~真係頂唔順~真係太悶了~haha~我都唔想呀~

睇完之後就行左陣吉島~跟住就齊齊返屋企食飯~

食飽飽就睇電視~睇埋個<向世界出發>衡衡同超超出左去吹水~

之後兩點到啦~我突然間唔知發咩癲好想去黃金~~~~~~~

於是就同衡衡去黃金兜左個圈~係沙灘到坐左陣~真係超搞笑~

但我發現左一樣野就係~~~~~原來我已經放低左了~其實都係件好事~

昨日無啦啦打八號風球~但呢個風都真係幾勁~

但最搞笑就係~我3:00a.m落左街坐左陣~

因為突然間好想知道八號風球條街係點~哈哈~好白痴呀~

但感覺真係好得意~

今個星期係放假週呀~所以我都係放假放假~再放假~呵呵~

但我可以放假咁多日唔出街都得既~嘻嘻~冇計啦~玩自閉嘛~ 

岩岩係到打緊機既時候~收到蘇眉既電話~

haha~我聽完之後唔知做咩~我都覺得好開心~係替佢開心!!!!!!!!

雖然唔係自己既事~但我聽到~我覺得好似自己既事咁~所以都好開心呀~

不過雖然係開心咋~但你自己真係要諗清楚呀~同埋暫時唔好太投入呀~

因為我唔想見到你唔開心呀~知道嘛??? 你都係我最好既朋友仔~

我唔想見到我d朋友仔唔開心呀~我鐘意見到佢地開心~

咁就會連我自己都開心埋喇~呵呵~


最近好大壓力呀~因為真係太多野做喇~真係每日訓得個兩、三個鐘~

我真係人都癲喇~所以今日一訓就訓左十幾粒鐘先起身~呵呵~

可能我真係太累喇~而我昨晚亦都好早就訓左覺lu~簡直累到爆呀~

不過我只可以休息一天咁多啦~跟住又要開始再努力過喇~唉~累爆呀~

真係有d失望添~因為原本我打算係六月二日之前打好個日記~

係為左支持個d演藝界既人咁辛苦~係七小時不停咁演唱同籌款~

可惜~我呢個成日唔記我野既人~睇完電視~沖完涼就真係唔記得左打日記~

就走左去溫書添~不過都好彩~係San係MSN叫一叫我同我講野~

我先記得有野未做~算啦~不過有打總好過冇打既~有心唔怕遲嘛~

但我覺得可能神真係知道我係想打日記~但我又真係唔記得左~

所以就要搵個人黎提一提醒我~可能有d人會唔相信呢個世界有神既存在~

但我相信呢個世界真係有神既存在~而呢一個主亦都好愛我地既每一個人~

不過都好~我都要同San講番句→ 多謝你 

 今日係一個好特別既日子~原本今日係<世界兒童日>
但因為2008年5月12日係四川發生左一場八級大地震~
所以今日演藝人協會就搞左個七小時馬拉松演唱會~
而身為中國人既我~亦乖乖咁係屋企支持~
真係令我好感動~每一睇到佢地救人既時候或者去探望d傷者既時候~
都令我不停咁喊~由佢地默哀的一開始~我d眼淚就不停咁流~~~~~
不過我覺得個天真係好好~因為明明係落雨天~但可能因為知道係籌款~
所以個天就算更暗~但都冇落雨~真係好好~
好彩~就算依家冇野做的我~亦每個月都會定時咁捐款俾<無國界醫生>
所以當頭先媽媽問我有冇捐錢既時候~我就話每個月我都有定時捐錢呀~
媽媽都話~都好~總算今次都可以幫助下佢地~
我從來冇試過會睇咁耐既電視~由其係呢d既節目~
但我今日都真係咩都冇做~就只係乖乖咁望住個電視~真係有為佢地祝福~
雖然我好耐都冇返過教會~但我今次都真係有為四川既人而禱告~
真係衷心希望四川既人可以好快咁重建返佢地家~傷左既人亦可以快d好返~

 昨日同蘇眉去食飯~哈哈~其實我地都約左好耐喇~終於都約到喇~
跟住我就係屋企等佢收工入屯門~係兆康站等佢~
我地就再坐輕鐵去景豐食壽司~呵呵~真係好開心呀 ^0^
跟住我就帶左佢去我朋友做個到食壽司~我地去到既時候個老闆好忙~
所以都冇理到我地~~~跟住我就叫左個豬軟骨手打烏冬同三文魚刺身食住先~
因為通常我地去到~個老闆都會唔洗我地叫~就會整d個日新鮮既野俾我地食~
但昨日因為真係好肚餓~所以都係唔理喇~食住先算喇~呵呵~
蘇眉一食個烏冬都話好味呀~嘻嘻~冇介紹錯呢????????
跟住再等老闆得閒d喇~我就叫左個我最鐘意食既<牛油果蝦沙律>
呢個係非一般既沙律~同出面食既好唔同呀~個味道好得意呀~
跟住我地又食左雞軟骨~同埋個d我都唔知係咩既豆~呵~
我地由八點鐘開始就坐到十點幾~跟住老闆就走出黎坐同我地吹水~
再同埋另個幾個客一齊吹~吹吹下~又有甜品食喎~~~~~呵呵~
正呀~好味道~係<紅豆芝士蛋糕>我最鐘意就係食甜品喇~岩哂我~嘻~
跟住無啦啦老闆又叫我地飲酒……人家唔飲酒嘛…所以就只係蘇眉飲~
老闆問我點解唔飲? 我話因為好苦…點知蘇眉就話係冇甜既酒~
跟住老闆阿瀧就即刻叫阿衡去拎d甜既酒俾我飲…玩野…不過都ok好飲既~
最搞笑就係我、蘇眉、阿瀧同埋一個客吹吹下水~
阿瀧問蘇眉有冇食過<輕燒三文魚> ? 之後蘇眉就話冇~
跟住佢就即刻入去整俾我地食~哈哈~真係辛苦哂衡衡喇~執緊野收舖嘛~~~~~~
無啦啦又要再整多樣野~嘻~食完之後~等衡衡搞埋d野~
我地其實初初都諗住走~點知無啦啦個客就話玩game~玩玩下~咁又一點幾喇~
最搞笑就係~佢地不停要衡衡飲~我地笑多過玩~真係好開心呀~
我地笑到唔停~蘇眉仲笑到肚都痛埋~haha~跟住送完蘇眉搭的士~
我就同衡衡行返屋企~佢初初話坐車~但我怕佢嘔咁點算呀? 我冇紙巾呀~~哥哥~
佢送完我返屋企~之後我就同佢講陣電話~等佢嘔下先~跟住再俾佢訓覺~
其實我諗如果昨晚唔係約左蘇眉食飯~我諗我成個星期唔出街係屋企都得囉~
不過都好~因為好耐冇試過玩得咁開心喇~仲話約左下星期再去玩過添~
但希望蘇眉唔好介意啦~咁遲先同你補番你餐生日飯~~~~~哈哈~
昨晚食既野希望岩你啦~~~~~呵~~~

昨晚發左個夢~竟然係返日文上堂既時候……
せんせい話我冇返最多堂~又係咁話我要俾心機~
如果唔係我會追唔上~又問我係咪仲想學添……唉~點解會咁呀?
係咪因為我太大壓力呢?   唉~呀 >,<

跟住我又夢見佢喎 >,< 頂丫~ 想點呀?
係夢見佢同個女仔一齊……唉~劉小姐呀~劉小姐~
你唔可以咁呀……你發左咩癲呀???????
唔該你啦~正常d啦~好冇???????
你仲有大把野等住你去做呀~~~~~~Please~~~~~~