老公話過會戒煙,唔係因我而戒,而係話D煙加價,貴左唔抵食,所以戒左它!!

初頭都唔係好信,點知佢真係有做,就算唔係即時戒得甩,佢都可以一包煙食3日呀,以前既佢,係無可能架,一包煙一日食哂就有!!估唔到佢真係講得出做得到!!

依家佢係屋企無食煙,空氣真係好左好多呀!!

即時,都放心左好多,唔駛再驚阿仔聞到佢身上既煙味!!

 今日baba放假,一早就帶左我同家姐返大埔同公公婆婆飲茶,

媽咪今日算叻喇,9點幾就起身,無再瞓返;

整理好哂d野就出發,1點前已經到達大埔喇!!

d相無家姐份,唔係偏心呀,係佢掛住係舅父仔間房打機,唔影咋!!

同婆婆影左好多相呀!!

舅父仔第一次同我影相咋!!

媽咪終於瘦左dd,塊面唔再豬,即時有返dd自信,抱住我影全身相!!

返大埔真係好易買到平野,件衫個款係咪好掂呀呢?只係$30咋,一見到即拎起件衫俾錢!!原價(佢寫)$79.9架,因無哂SIZE,所以先賣到咁平!!

至於條褲$39呀.....初時以為抵,點知新街市只係賣$25咋!!

見到新街市咁平,就買多一條單車褲俾COBI粗著!!