今日年初六，係我既農曆生日，

今日同細佬買完書之後，就去買透明膠片，點知去到慈雲山，D鋪頭全部都話賣晒，搞到要聽日先買得！！

本來話去Pizza Hut 到食Pizza，同我慶祝生日，緊著又話唔去，一時又話去慈雲山食，一時又話去KFC食，最後都係去返樓下餐廳食，唉……

我今日破紀錄十一時許才起身，好悶呀！！

做左成日功課，之後五時許同細佬去冒險樂園玩！！

唔知點解咁好彩，玩左幾個遊戲，都得到最高票數，好開心！

then我地去左斧山個個起級市場買野食，兩枝檸檬茶+蝦條，全數由我撥出，好慘呀！！

Today 同kiki去圖書館做功課，做到一點幾，不過都只係做左兩三樣，因為我帶錯簿，所以冇做到

做完功課，就去左食冷麵，好難食，結晒冰既D菜，食完之後，就去左買透明膠片，但係D鋪頭冇開，最後去左kiki屋企

一入到去屋企，佢隻狗係咁撲埋黎，仲要抱住我隻腳，好無奈！！

係kiki屋企坐左一陣之後，就落左九龍城踩單車，但係p左幾次，有架巴士行過，巴士D人全部望晒過黎，好樣衰呀！！

緊著兜左個圈，先去到單車徑，

條單車徑都幾刺激，又上又落，不過好多人，俾人撞左幾次！

玩到四點鐘，就走啦！

返到屋企，諗住睇電視，點知部電視壞左，成晚冇得睇，勁悶！！

最後去左樓下食飯，都成九點幾啦！！

唉………都唔知部電視幾時先有得睇！！