今日一起身，就已經九點鐘啦，緊著媽咪去返工，我就開始做功課，好無聊！！

做做下功課，我細佬話down左鋼練套戲，我就一直睇到三點幾，到到媽咪放工，結果我只做左兩樣功課！！

夜晚就去祖母屋企食飯，又食盤菜，唉！！！

食完飯，我又要趕功課，好慘呀！！又唔識做，剛剛先做完咋！！！

冇野講lo

Bye Bye

今日賣旗日，我地晨早起左身

本來以為遲到，點知原來有人仲遲過我

最後我地都係遲左兩個字去集合

去到慈雲山，先至知道kiki可以一齊去，

就打電話俾佢，佢竟然問我地駛唔駛著校服喎

到左天后站，我地就開始賣旗，我第一支旗就有二十蚊啦！好開心

不過過左一陣，就冇乜人肯買啦

我仲見到有D人見到我地即刻掉頭走，驚死我地偷佢錢咁

好衰呀

回程過陣，我地見到溫英傑佢地，我地就順便玩下佢地先走

貼到佢地成身都係，好無聊呀！

不過可以玩佢地，其實都好開心架

哈哈

今晚我地去上水食盤菜，有冇人有興趣呀，有興趣就打俾我啦！！！

bye bye

今日本來好開心，最衰個個死人社際中史比賽啦！！

入禮堂個陣，幾驚無人同我坐，好彩女班長同我坐！！！

社際中史比賽個陣，明明係我地綠社做得最好加嘛！D評判竟然俾藍社喎，亞軍都唔個，俾紅社拎左，好唔底呀！！！

仲要講到5:30先走得，仲要冇人陪我走………

剛剛食完飯，我隻狗狗係垃圾筒到拎左塊雞皮黎食，俾人打緊

哈哈………

冇野講啦！！！

Bye bye

聽日要晨早起身，去賣旗呀